Click here to join the meeting

Í þessu erindi mun Matilda skoða hvernig markþjálfun nýtist til innri og ytri eflingar að bættum árangri og starfsþróun.

Join on your computer or mobile app
Click here to join the meeting
Rafrænn viðburður: Microsoft Teams meeting

Árangursrík streitu- og vellíðunarstjórnun - Jafnvægi í lífi, leik og starfi.

Meginstef þessa erindis eru streituvarnir. Fjallað verður m.a. um gagnlegustu streituráðin, H-in 4, og lykilinn að árangursríkri streitu- og vellíðunarstjórnun.

Tilgangur fræðslunnar er að þátttakandi geti eftirleiðis verið sinn eigin ,,Orkumálaráðherra“ með því að ná tökum á streitustigi, tilfinningum og viðhorfi til viðfangsefna lífsins á uppbyggilegan hátt. Kennt verður á Streitukortið og hvernig megi gera einstaklingsbundna streituvarnaráætlun til framtíðar.

Lífið snýst ekki um að bíða eftir því að storminn lægi, heldur um það að læra að dansa í rigningunni…

Fyrirlesari: Aldís Arna Tryggvadóttir, ACC vottaður markþjálfi og streituráðgjafi hjá Heilsuvernd og Streituskólanum

Aldís Arna starfar sem fyrirlesari, streituráðgjafi og markþjálfi einstaklinga og teyma. Fræðsluerindin lúta einkum að markmiðasetningu í lífi, leik og starfi, heilbrigði (heildræn heilsa), jafnvægi (streituvarnir), hamingju og sátt. Hún heldur reglulega námskeið í valdeflingu og streituvörnum, skrifar streituráð og greinar á fréttamiðlum Heilsuverndar.

Nánari upplýsingar um fyrirlesara: Aldís Arna

Fyrsta mars á hverju ári ræða ólíkir aðilar um framtíðaráskorandir í opnu samtali í 24 tíma alstaðar að í heiminum. Oft er vísað til dagsins sem afmælisdag kjarnorkuvopnatilraunarinnar í Kyrrahafi og eyðuleggingar hennar. Það er því vel við hæfi að samtal hefjist í Aotearoa-Nýja Sjálandi kl. 12:00 á þeirra tíma. En Nýja Sjáland hefur bannað kjarnorkuvopn og hefur barist fyrir kjarnorkuvopnalausum, friðsamlegum og sjálfbærum heimi. Það er kannski ekki fyrir alla að fylgjast með slíkri umræðu, en nú vitið þið allavega að henni ef áhugi er til staðar :)

Fylgist með og takið þátt, sjá hér

Click here to join the meeting
Sjálfbærni, innkaupareglur, siðareglur birgja í innkaupum, gátlisti og birgjamat.

Íslandsbanki er stór kaupandi þjónustu og vara og er því í aðstöðu til að vera hreyfiafl til góðra verka í innkaupum sínum. Þetta gerir bankinn m.a. með því að horfa til umhverfismála, félagslegra þátta og góðra stjórnarhátta í verklagi sínu við innkaup. Jafnframt stuðlar bankinn að virkri samkeppni og gætir að hagkvæmni, jafnræði og gagnsæi í innkaupum sínum.

Sjálfbærnistefna Íslandsbanka miðar að því að rekstur bankans verði til fyrirmyndar í íslensku atvinnulífi útfrá alþjóðlegum viðurkenndum viðmiðum um umhverfismál, félagslega þætti og stjórnarhætti (UFS). Íslandsbanki stefnir á að vera leiðandi á sviði sjálfbærrar þróunar og hreyfiafl til góðra verka í samfélaginu. Þannig ætlar bankinn að eiga frumkvæði að víðtæku samstarfi um ábyrga viðskiptahætti sem stuðla að sjálfbærri þróun íslensks efnahagslífs og styðja við aðgerðaráætlun ríkisstjórnar Íslands í loftslagsmálum og um leið heimsmarkmið SÞ. Við innkaup bankans er unnið eftir innkaupastefnu þar sem meðal annars er horft til umhverfs-, jafnréttis- og mannréttindamála. Bankinn vekur þannig athygli viðsemjenda á því til hvaða þátta er horft áður en ákvörðun er tekin um viðskipti.

Fyrirlesarar;
Írunn Ketilsdóttir, sérfræðingur í fjármálum
Ljósbrá Logadóttir, deildarstjóri innkaupadeildar

Linkur á teams viðburð.

Ragnheiður Aradóttir, fyrrverandi formaður Félags markþjálfa, hefur starfað sem stjórnendamarkþjálfi til umbreytinga í um 15 ár og hefur þjálfað mikinn fjölda stjórnenda og teyma bæði hérlendis og víða erlendis. Hún er sérfræðingur í eflingu mannauðs og hagnýtingu jákvæðrar sálfræði og hefur mikinn metnað fyrir því að hámarka virkni og árangur viðskiptavina sinna á þeirra forsendum. Hennar mottó er;

„Við stjórnum hugarfari okkar sjálf og getum því alltaf skapað okkur vinningsaðstæður“

Hún ætlar að fjalla um hvernig markþjálfun og hagnýting jákvæðrar sálfræði er dúndur blanda, til að stuðla að velsæld í starfi og leik.

Jákvæð sálfræði er ný fræðigrein sem beinir sjónum að heilbrigði, hamingju og því sem gerir venjulegt líf innihaldsríkara, frekar en að fást við sjúkdóma og vandamál. Hún rannsakar hamingju og hvað það er sem stuðlar að hamingju. Hvernig við getum kappkostað að eiga innihaldsríkt líf. Jákvæð sálfræði rannsakar samhengi milli hugsana – tilfinninga og hegðunar og einmitt þar er markþjálfun því afar tengdur þáttur – í ferlinu að þjálfa sig til að hagnýta jákvæða sálfræði með það að markmiði að vinna með hugarfarið, gildin okkar og eigingleika til að stuðla að velsæld í starfi og leik.

Ragnheiður er stofnandi og eigandi PROcoaching og PROtraining þar sem hún býður upp á vandaða markþjálfun til umbreytinga, teymisþjálfun og námskeið af ýmsum toga. Hún er með PCC (Professional Certified Coach) alþjóðlega gæðavottun frá ICF, stundaði meistaranám í Mannauðsstjórnun við Háskóla Íslands, og er Dip. Master í Jákvæðri Sálfræði ásamt því að vera sáttamiðlari. Hún lætur sig mannréttindamál miklu varða, er varaformaður FKA (Félags kvenna í atvinnulífinu) og leggur sitt á vogarskálarnar til að hvetja til jafnréttis á öllum sviðum samfélagsins.

Click here to join the meeting
Belti og braut er innviða- og fjárfestingaverkefni kínverskra stjórnvalda og er eitt stærsta fjárfestingaverkefni í heimi. Belti og braut var sérstaklega til umræðu við heimsókn varaforseta Bandaríkjanna til Íslands sem þakkaði Íslendingum fyrir að hafna þátttöku í verkefninu – þó Íslendingar hefðu ekki enn gert það. Hvað er Belti og braut og hvernig tengist það norðurslóðum? Hvers vegna er verkefnið svo umdeilt? Hvaða áhrif mun verkefnið hafa á stöðu Kína á komandi árum?

Fyrirlesari er Guðbjörg Ríkey Th. Hauksdóttir sem er verkefnastjóri Rannsóknaseturs um norðurslóðir sem heyrir undir Alþjóðamálastofnun Háskóla Íslands. Að lokinni kynningu gefst tími til fyrirspurna og umræðna. 

Viðburðurinn er haldinn í samstarfi Stjórnvísis og Alþjóðamálastofnunar Háskóla Íslands. 

Click here to join the meeting
Fjórða iðnbyltingin felur í sér notkun gagna og mikil nýsköpun á sér stað í ólíkum geirum víða um heim. Dæmi um slíka nýsköpun er vöruþróun í tryggingageiranum hér á landi. Ökuvísir VÍS er ný leið í tryggingum þar sem verðlaunað er fyrir öruggan akstur í þeim tilgangi að minnka líkur á slysum. Ökuvísirinn veitir endurgjöf á aksturinn í gegnum app. Ýmsar vangaveltur hafa komið upp varðandi persónuvernd og friðhelgi einkalífs notenda. Felst einhver persónuverndar-andstaða (e. privacy paradox) í þessari upplýsingagjöf? Eru viðskiptavinir tryggingafélagsins að afhenda persónulegar upplýsingar í stað betri kjara  ─ eða eru þetta sjálfsögð þróun í upplýsingatæknisamfélagi nútímans? 

Vigdís Halldórsdóttir, lögfræðingur og persónuverndarfulltrúi VÍS, mun halda erindi um ökuvísi VÍS. 

Click here to join the meeting
Á viðburðinum munu þrjár öflugar konur sem starfa sem upplýsingaöryggisstjórar á mismunandi vettvangi miðla með okkur reynslu sinni og fara m.a. yfir hver helstu hlutverkin og verkefnin séu, hvað ákvarðar mikilvægi málaflokksins ásamt því að taka umræðu um hvaða kosti sé mikilvægt að hafa til að sinna hlutverki upplýsingaöryggisstjóra.  En það eru þær Elísabet, Guðríður og Ragna sem munu miðla með okkur reynslu sinni. 

Elísabet Árnadóttir, öryggisstjóri Advania. Elísabet er verkfræðingur með gráðu í viðskiptafræði og með próf í verðbréfamiðlun. Hún stýrir einnig áhættumati, áhættugreiningu og umbótaverkefnum í upplýsingaöryggi. Hún hefur víðtæka reynslu af stjórnun og ráðgjöf hjá framleiðslu-, fjármála- og fjarskiptafyrirtækjum og hefur annast gæðastjórnun, upplýsingaöryggi og áhættustjórnun. Elísabet hefur byggt upp og rekið gæðakerfi með ISO stöðlunum og ITIL og hefur starfað sjálfstætt, hjá Össuri og hjá Arion banka ásamt því að hafa setið í stjórn Lífsverks, lífeyrissjóðs verkfræðinga.

Guðríður Steingrímsdóttir, gæða- og upplýsingaöryggisstjóri Veritas. Guðríður er lyfjafræðingur og með vottun í verkefnastjórnun. Hún starfaði áður í lyfjaskráningum þar sem gæða- og öryggismál eru hátt metin en hefur starfað sem upplýsingaöryggisstjóri frá árinu 2017 þegar hún tók við starfi sem gæða- og upplýsingaöryggisstjóri hjá Veritas.

Ragna Elíza Kvaran, upplýsingaöryggisstjóri VÍS. Ragna hefur unnið í tæp tíu ár hjá VÍS og hefur sinnt gæðamálum, verið skjalastjóri og persónuverndarfulltrúi. Framtíðarsýn VÍS er að verða stafrænt þjónustufyrirtæki en því fylgja einnig áskoranir við að tryggja öryggi upplýsinga. Mikil áhersla er á þennan málaflokk hjá félaginu með dyggum stuðningi stjórnenda og stjórnar.

Click here to join the meeting
Stöðugar umbætur, ferlagreiningar og straumlínustjórun, er það ekki bara búið og úrelt núna í fjórðu iðnbyltingunni með auknum fókus á stafræna þróun, hraða og snjallvæðingu?

Aðalheiður María Vigfúsdóttir, deildarstjóri gæða og umbóta hjá Völku leiðir okkur í gegnum áhugaverðar pælingar sem hún skrifaði nýlega áhugaverða grein um. (greinin er meðfylgjandi undir ítarefni). Við fáum einnig innsýn frá mjög reynslumiklum umbótasérfræðingum, þeim Rut Vilhjálmsdóttir hjá Strætó og Málfríði Guðný Kolbeinsdóttur hjá Ölgerðinni og reynum að svara spurningunni hvort stöðugar umbætur, ferlagreiningar og straumlínustjórnun er úrelt. 

Click here to join the meeting

Hvernig tekst stórt alþjóðlegt tæknifyrirtæki á við stöðuna þegar ferðahindranir og fjöldatakmarkanir gjörbreyta starfsumhverfinu nánast á einni nóttu?

Hvernig er hægt að endurskipuleggja þjálfun starfsmanna og viðskiptavina?

Hvaða leiðir eru færar til að vinna flóknar uppsetningar á búnaði gegnum fjarfundabúnað?

Hver er besta leiðin til að forðast að fólk einangrist þegar 3.000 starfsmenn þurfa að vinna heiman frá sér?

Hver verða áhrif breyttra starfshátta til framtíðar?

Þessum spurningum og fleirum mun Valdís Arnórsdóttir, Director of HR Operations hjá Marel, svara á fjarfundi á vegum faghóps um stefnumótun og árangursmat þann 16. mars nk.

Í dag er hávær krafa um að fyrirtæki og stofnanir geti þróast hratt og fylgt þörfum notenda, hraðri tækniþróun og breytingum á mörkuðum bæði hér heima og á alþjóðavísu.  Lykill að slíkri getu og nýsköpun er að leysa úr læðingi fulla getu allra til nýsköpunar og tileinka sér skipulag sem styður þverfagleg og skapandi teymi. 

Sjálfstæð teymi og hraðar breytingar gera líka meiri kröfu um leiðtogahæfni á öllum stigum í fyrirtækjum og nauðsynlegt er að þjálfa þá hæfni markvisst. Stjórnendur þurfa að geta skapað skilyrði og stuðlað að menningu þar sem fólk þrífst og upplifir nægilegt sálrænt öryggi til þess að nýsköpun og stöðugur lærdómur geti átt sér stað.  

Að leiða í stöðugri óvissu er krefjandi og mikilvægt að finna leiðir til að styðja þann þroskaferil stjórnenda og leiðtoga. 

Í samstarfi við Helga og Ástu frá Agile People býður Stjórnvísi upp á ör-vinnustofu með virkri þátttöku um agile stjórnun og þá hæfni sem leiðtogar þurfa að hafa hugrekki til að tileinka sér til að takast á við áskoranir framtíðarinnar. Vinnustofan byggir á hugmyndum úr námskeiðinu Leading with Agility frá Agile People.  Helgi og Ásta munu segja frá hvernig Agile People nálgast að kenna og styrkja leiðtogafærni og agile hugarfar.  

Agile People eru samtök sem hófust í Svíþjóð 2011 og eru í dag leiðandi á heimsvísu í námskeiðum og þróun Agile Mannauðstjórnar (Agility in HR) og Agile Leiðtogafærni (Leading with Agility).  Námskeiðin eru þróuð bæði sem staðnám í lotum og frá upphafi síðasta árs aðgengileg sem online námskeið sem hafa reynst frábærlega. 

Þessi námskeið eru vottuð af ICAgile (International Consortium for Agile) og veita hvort um sig alþjóðlegu vottunina “ICAgile Certified Professional” (ICP) - Agility in HR (ICP-AHR) og Leading with Agility (ICP-LEA).  

Vinnustofan hjá Stjórnvísi verður í óformlegum anda þar sem blandað verður saman yfirferð úr fyrsta hluta námskeiðsins Leading with agility og virkri þátttöku, æfingum og samtali um eflingu leiðtogafærni fyrir agile umhverfi. 

Helgi er í forsvari fyrir vöxt og stuðning við vottaða leiðbeinendur Agile People á heimsvísu.  Hann hefur mikla reynslu af því að starfa í agile umhverfi sem Agile People Coach og er ásamt stofnanda Agile People (Pia Maria Thorén) höfundur leiðtoganámskeiðsins ICP-LEA. Hann hefur komið að mótun og umbreytingu fyrirtækja og teyma í bæði einka og opinbera geiranum og þjónað bæði teymum og stjórnendum.  Hann er atferlisfræðingur að mennt með sérhæfingu í vinnu- og skipulagssálfræði, lausn ágreinings ásamt því að vera vottaður markþjálfi. Megin áhersla Helga er styðja fyrirtæki og vinnustaði í að skapa kjörskilyrði þar mannlegi þátturinn í rekstri og afrakstur fara hönd í hönd; þar sem fólk getur þrífist, dafnað og nýtt alla sína hæfileika.  

Ásta er þjálfari hjá Agile People og hefur einnig lokið vottun hjá ICAgile sem vottaður leiðbeinandi til að kenna ICP-LEA.  Hún hefur einnig lokið viðurkenndu námi í markþjálfun og að vinna í að ljúka ICF vottun í professional coaching. Hún bjó í Kaupmannahöfn í 9 ár og lauk mastersnámi í Stafrænni þróun og miðlun frá IT-Universitetet með áherslu á stafræna nýsköpun. Síðustu ár hefur hún starfað í stjórnendaráðgjöf, ráðgjöf og verkefnastýringu í nýsköpun og agile þróunarverkefnum og starfar nú hjá Advania. Hún hefur komið að fjölbreyttum umbreytingar verkefnum og stefnumótun og nýtt skapandi aðferðir hönnunarhugsunar í nýsköpun og þróunarverkefnum.

ICF Iceland – félag markþjálfa á Íslandi, heldur sína árlegu ráðstefnu, Markþjálfunardaginn, með öðru sniði í ár en undanfarin ár.

Markþjálfunardaginn er í ár 3ja daga veisla 17. til 19. mars 2021 með yfirskriftinni “ICF Iceland, þar sem fagmennska er í fyrirrúmi.” Öflugur hópur innlendra og erlendra markþjálfa og sérfræðinga munu fjalla um allt frá markaðsetningu á netinu að tækni í stjórnendarmarkþjálfun. 

Dagskrá og nánari upplýsingar

ICF Iceland – félag markþjálfa á Íslandi, heldur sína árlegu ráðstefnu, Markþjálfunardaginn, með öðru sniði í ár en undanfarin ár.

Markþjálfunardaginn er í ár 3ja daga veisla 17. til 19. mars 2021 með yfirskriftinni “ICF Iceland, þar sem fagmennska er í fyrirrúmi.” Öflugur hópur innlendra og erlendra markþjálfa og sérfræðinga munu fjalla um allt frá markaðsetningu á netinu að tækni í stjórnendarmarkþjálfun. 

Dagskrá og nánari upplýsingar

Hér er linkur á viðburðinn: https://www.youtube.com/watch?v=xLfBTZZhCs0

Nova hlaut nafnbótina Markaðsfyrirtæki ársins 2020 á vegum ÍMARK og langar að því tilefni að bjóða meðlimum Stjórnvísis í heimsókn í netheimum þann 18. mars klukkan 12. Þar mun Nova fara yfir það hvernig markaðsstarfið, þjónustan og helstu þættir starfseminnar tvinnast saman með ánægjuna að leiðarljósi. Slóð á streymið verður bætt inn í aðdraganda dagsins.

Í kjölfar heimsóknarinnar hefst ráðstefnan Hraðleið að ánægju á vegum Nova - sem fer fram í netheimum. Ráðstefnan skartar meðal annars fyrirlesurum og sérfræðingum frá Disney Institute og Joseph Michelli, metsöluhöfundi og einum vinsælasta þjónustufyrirlesara heims. Úrvalslið fyrirlesara mun jafnframt stíga á stokk sem öll eiga það sameiginlegt að búa yfir mikilli þekkingu og reynslu í að skapa og veita framúrskarandi þjónustuupplifun!

Meðlimum Stjórnvísis býðst að kaupa miða á ráðstefnuna á sérkjörum eða 19.990kr með því að setja inn kóðann stjórnvísi í kaupferlinu. 

Viðskiptavinir í fyrirtækjaþjónustu hjá Nova fá frían miða á ráðstefnuna með því að skrá sig hér.

ICF Iceland – félag markþjálfa á Íslandi, heldur sína árlegu ráðstefnu, Markþjálfunardaginn, með öðru sniði í ár en undanfarin ár.

Markþjálfunardaginn er í ár 3ja daga veisla 17. til 19. mars 2021 með yfirskriftinni “ICF Iceland, þar sem fagmennska er í fyrirrúmi.” Öflugur hópur innlendra og erlendra markþjálfa og sérfræðinga munu fjalla um allt frá markaðsetningu á netinu að tækni í stjórnendarmarkþjálfun. 

Dagskrá og nánari upplýsingar

Opin og veflæg málstofa fyrir kennara og áhugasama um framtíðina.

Málstofan er haldin í tilefni af útgáfu kennslubókarinnar Að hugleiða framtíðir. Bókin er gefinn út af Framtíðarsetri Íslands í samvinnu við Nýsköpunarmiðstöðvar Íslands.

Framtíðarfræðingurinn Peter Bishop, fjallar um tilurð bókarinnar og mikilvægi þess að skapa ungu fólki tækifæri til að móta sína framtíð. Peter Bishop er einn þekktasti fræðimaður á sínu sviði og er frumkvöðull í menntun ungs fólks á sviði framtíðarfræða.

Jafnframt verður fjallað um á hvern hátt bókin gæti nýst í kennslu á sviði frumkvöðla og nýsköpunarmenntunar.

Föstudagurinn 19 mars kl 15:00 – Sjáumst á Teams. Hér er vefslóðin: 

Click here to join the meeting

 Kynning á bókinni má einnig finna hér

 Frekari upplýsingar má fá á vef Framtíðarseturs Íslands - www.framtidarsetur.is

Hugsanleg skemmtilegur og fróðlegur fyrirlestur

Click here to join the meeting

,,Fjölmörg tækifæri eru fyrir fyrirtæki að ná verulegum árangri í loftlagsmálum með orkuskiptum í ökutækjum í sinni starfsemi. Talsverð reynsla er komin á þessi orkuskipti og verður farið yfir þá reynslu ásamt ávinning. "

Fundarstjóri er Jóhannes Þorleiksson forstöðumaður Rafveitu hjá Veitum

Á þessum fundi faghóps um loftagsmál ætlum við að skoða hver ávinningur fyrirtækja er af orkuskiptum er og hvaða leiðir eru færar. Einnig ætla fyrirtæki með mikla reynslu í orkuskiptum að miðla sinni reynslu og framtíðaráætlunum.

Sigurður Ingi Friðleifsson framkvæmdastjóri orkuseturs mun fjalla um ávinning orkuskipta fyrir fyrirtæki er kemur að draga úr kolefnisspori og mismunandi leiðir til þess.

Magnús Már Einarsson forstöðumaður aðbúnaðar hjá Orkuveitu Reykjavíkur mun fara árangur, reynslu og áætlanir samstæðunnar.

Ingvar J. Hjaltalín sviðsstjóri rekstrarsviðs hjá Strætó bs. mun fara yfir árangur, reynslu og áætlanir Strætó.

Hérna er linkur á fundinn

Dagskrá:

• Tilgangur og ávinningur aðstöðustjórnunar
• Staðan og þróun á faginu erlendis og á Íslandi
• Saga fasteignastjórnunarfélags Íslands
• Kynning á aðstöðustjórnunarfélaginu IFMA (e. International Facility Management Association) 

Fyrirlesarar verða Matthías Ásgeirsson aðstöðustjórnunarráðgjafi hjá VSÓ Ráðgjöf, Hannes F. Sigurðsson verkefnastjóri hjá FSR og Lara Paemen framkvæmdastjóri hjá IFMA Europe.

Hlekkur á fundinn, smellið hér

Síbreytilegt umhverfi og hraðar breytingar krefjast þess að leiðtogar og teymi séu skapandi í því að finna lausnir og bregðast við breyttum aðstæðum. Faghópurinn um leiðtogafærni mun fá Begga Ólafs og Birnu Dröfn til sín í spjall um hvernig megi efla sköpunargleðina. Við munum flæða með þeim í gegnum hugleiðingar um sköpunargleðina sem er allt í kringum okkur. Þau munu leitast við að svara eftirfarandi spurningum:

Hvernig get ég virkjað eigin sköpunargleði?

Hvernig get ég sem leiðtogi virkjað sköpunargleðina í kringum mig?

Lagt er upp með að spjallið sé lifandi og í flæði þar sem Beggi og Birna velta vöngum yfir sköpunargleðinni og svara spurningum sem brenna á þátttakendum.

Erindið er fyrir áhugafólk um leiðtogafærni og hvernig leiðtogar geti aukið eigin sköpunargleði sem og sköpunargleði fólksins í kringum sig.

Beggi Ólafs

Tilgangur Begga er að hjálpa fólki að verða það sem það getur orðið svo að, í sameiningu, hver og einn geti lagt sitt af mörkum í að gera heiminn að betri stað. Beggi Ólafs er fyrirlesari með MSc gráðu í hagnýtri jákvæðri sálfræði og þjálfunarsálfræði og höfundur bókarinnar Tíu skref – í átt að innihaldsríku lífi. Hægt er að fá frekari innblástur frá Begga á Linkedin með því að smella HÉR.

Birna Dröfn

Birna Dröfn hefur rannsakað hvernig efla má sköpunargleði á meðal starfsmanna í doktorsnámi sínu við Háskólann í Reykjavík. Hún er viðskiptafræðingur með meistaragráðu í alþjóðaviðskiptum frá Griffith University í Ástralíu. Einnig er hún stjórnendamarkþjálfi, hefur lært NLP (Neuro-linguistic programming) og mannauðsstjórnun og hefur meðal annars starfað við stjórnun og kennslu. Birna skrifar reglulega pósta á LinkedIn um sköpunargleði og áhugasamir geta fylgst með þeim með því að smella HÉR. 

Sólrún Kristjánsdóttir, framkvæmdastýra Mannauðs og menningar hjá Orkuveitu Reykjavíkur ætla að vera með okkur og ræða þetta málefni frá ýmsum hliðum.

Dagskrá viðburðarins og erindin:

• Ásdís – Hljóðláta byltingin: Vinnutími í sögulegu ljósi 
• Ketill – Stimpilklukkur og baðvogir – um árangur og vellíðan hjá Marel
• Sólrún – Hvað kom til að stimpilklukkan var afnumin hjá OR – kostir og gallar

Heiður Reynisdóttir, verkefnastjóri mannauðsmála hjá Háskóla Íslands, mun stýra viðburðinum sem verður á fjarfundi. 

Click here to join the meeting

Stjórnunarkerfisstaðlar – Hvernig spila þeir saman?

Arngrímur Blöndahl Gæðastjóri og umsjón ISO stjórnunarkerfisstaðla hjá Staðlaráði

Hvað er faggilding? – Hlutverk og skyldur Hugverkastofu 

         Elías M Erlendsson Sviðsstjóri faggildingarsviðs hjá Hugverkastofu

Vottun stjórnunarkerfa - Hlutverk og verkefni vottunarstofa

         Sigurður M Harðarson Samræmingarstjóri úttekta hjá  iCert

Reynslusögur – Dæmi úr atvinnulífinu

         Aðalsteinn Árnason Gæða-, umhverfis og öryggisstjóri hjá Skeljungi

Umræður

Microsoft Teams meeting

Join on your computer or mobile app

Click here to join the meeting

Click here to join the meeting

Á þessum fyrsta viðburði Excel hópsins mun Hjálmar Gíslason frá Grid fara aðeins yfir sögu, hlutverk og framtíð töflureikna auk þess að sýna GRID lausnina og hvernig hún spilar inn í þessa framtíðarsýn.

Hjálmar Gíslason er stofnandi og framkvæmdastjóri GRID ehf, en það er fimmta sprotafyrirtækið sem hann setur á fót. GRID vinnur að lausn sem gerir notendum Excel og annarra töflureikna auðvelt að miðla gögnum og reiknilíkönum með skýrum, lifandi og öruggum hætti á netinu byggt á þeim töflureiknaskjölum og -þekkingu sem notendur búa þegar yfir.

Áður en við hleypum Hjálmari að mun formaður eiga nokkur orð, meðal annars fara yfir niðurstöður könnunar sem lögð var fyrir meðlimi hópsins.

 Microsoft Teams meeting

 Join on your computer or mobile app

 Click here to join the meeting

_____________________________________

Ágúst Kristján Steinarsson mun segja okkur frá einu stærsta breytingarverkefni á Landspítala síðastliðin ár, þegar Landspítali fór yfir í Outlook og Office 365 - úr Office 2007 og Lotus Notes. Breytingin, sem var langt frá því að vera eingöngu tæknileg, hafði áhrif á hátt í 7000 starfsmenn og nemendur spítalans og því í mörg horn að líta.

Áhrifin voru lygileg þar sem innleiðingin fór fram í byrjun fyrstu bylgju Covid faraldursins og stuðlaði að því að spítalinn var hreinlega starfhæfur á Covid tímum.

Skyggnst verður á bakvið tjöldin þar sem rakin verður saga þessara breytinga sem áttu sér margar áskoranir og sigra á leiðinni. Þannig leynist hér saga af breytingarstjórnun og verkefnastjórn sem margir hafa eflaust áhuga á að heyra.

Ágúst Kristján er ráðgjafi og verkefnastjóri hjá Viti ráðgjöf, sem starfa fyrir heilbrigðis- og upplýsingatæknisvið Landspítalans. Ágúst hefur fjölþætta reynslu af stjórnendaráðgjöf, greiningum og verkefnastjórn. Áður en hann hóf að starfa sjálfstætt sem ráðgjafi hafði hann öðlast dýrmæta reynslu á öðrum vinnustöðum sem stjórnandi, verkefnastjóri og ráðgjafi. Þá hefur Ágúst kennt stefnumarkandi markaðssetningu í háskóla.

Ágúst leggur ríka áherslu á mannlegu hliðina í allri sinni nálgun, samhliða því að beita skipulögðum, skilvirkum og viðurkenndum vinnubrögðum. Ágúst setur metnað sinn í að varpa skýru ljósi á stöðu mála þannig að allir hagsmunaaðilar sjái stöðuna í réttu ljósi og geti þannig tekið farsælar ákvarðanir til framtíðar.

 Ágúst er umbótarsinni og gengur til verks með það að leiðarljósi að raunverulegur og varanlegur árangur náist. Þannig vinnur hann með stjórnendum og starfsmönnum með það að markmiði að:

• Hjálpa þeim að sjá raunveruleikann, eins og hann er í allri sinni mynd.
• Ná sameiginlegum skilningi um hvernig hægt er að leysa núverandi stöðu.
• Stuðla að innleiðingu varanlegra umbóta sem allir taka þátt í.