Stjórnunarverðlaun Stjórnvísi veitt í níunda sinn 28. febrúar 2018
Verðlaunahafar ásamt forseta Íslands og formanni dómnefndar.
Frá vinstri:
Sigrún Ósk Sigurðardóttir, aðstoðarforstjóri ÁTVR
Forseti Íslands, Guðni Th. Jóhannesson,
Friðrik Þór Snorrason, forstjóri Reiknistofu bankanna
Jóhannes Ingi Kolbeinsson, stofnandi Kortaþjónustunnar
Borghildur Erlingsdóttir, formaður dómnefndar og forstjóri Einkaleyfastofunnar
Stjórnunarverðlaunin 2018
Stjórnunarverðlaun Stjórnvísi voru veitt í níunda sinn 28. febrúar við hátíðlega athöfn á Grand hótel að viðstöddum forseta Íslands. Þetta var í senn verðlaunahátíð og ráðstefna þar sem tveir áhugaverðir fyrirlesarar fluttu erindi sem tengdist þema hátíðarinnar: „ Góðir stjórnarhættir - fjárfesting til framtíðar. “. Fyrirlesarar voru:
- Helga Hlín Hákonardóttir hdl. meðeigandi hjá Strategíu og stjórnarkona í atvinnulífinu.
- Heiðar Guðjónsson, formaður stjórnar Vodafone og með alþjóðlega reynslu af stjórnarstörfum.
Handhafar stjórnunarverðlauna Stjórnvísi árið 2018 eru:
- Jóhannes Ingi Kolbeinsson, stofnandi Kortaþjónustunnar í flokki frumkvöðla.
- Sigrún Ósk Sigurðardóttir, aðstoðarforstjóri ÁTVR í flokki millistjórnenda.
- Friðrik Þór Snorrason, forstjóri Reiknistofu bankanna í flokki yfirstjórnenda.
Borghildur Erlingsdóttir, formaður dómnefndar og forstjóri Einkaleyfastofunnar kynnti niðurstöður dómnefndar. Forseti Íslands, Guðni Th. Jóhannesson, afhenti verðlaunin og flutti ávarp.
Dómnefnd 2018 skipuðu eftirtaldir:
- Borghildur Erlingsdóttir, formaður dómnefndar og forstjóri Einkaleyfastofunnar.
- Gylfi Dalmann Aðalsteinsson, dósent við viðskiptafræðideild Háskóla Íslands.
- Helgi Þór Ingason, prófessor og forstöðumaður MPM náms við Háskólann í Reykjavík.
- Katrín S. Óladóttir, framkvæmdastjóri Hagvangs.
- Margrét Guðmundsdóttir, stjórnarformaður N1 og fyrrverandi forstjóri Icepharma hf.
- Salóme Guðmundsdóttir, framkvæmdastjóri Icelandic Startups.
- Þröstur Olaf Sigurjónsson, dósent við viðskiptafræðideild Háskólans í Reykjavík.
Ritari dómnefndar er Gunnhildur Arnardóttir framkvæmdastjóri Stjórnvísi
Yfirstjórnandi ársins 2018
Friðrik Þór Snorrason, forstjóri Reiknistofu bankanna.
Sá sem hlýtur verðlaunin sem yfirstjórnandi fyrirtækis er vel að því kominn. Árið 2011 tók hann við sem yfirstjórnandi fyrirtækis í tæknigeiranum, sem ekki hafði tekið miklum breytingum í áranna rás, en byggði á mjög traustum grunni. Rekstrarformi þess hafði verið breytt í hlutafélag og ný stjórn kom að félaginu. Eitt fyrsta verk stjórnar var að ráða nýjan forstjóra. Frá þeim tíma/árinu 2011 hefur fyrirtækið fengið ótal vottanir og viðurkenningar.
Árið 2007 var skrifuð meistararitgerð um fyrirtækið sem bar yfirskriftina Stjórnblinda í þekkingarfyrirtækjum. Niðurstöður þeirrar ritgerðar bentu á að mikilvægt væri að ráðast í breytingar. Fjarlægð var á milli stjórnenda og starfsfólks.
Frá því að núverandi forstjóri tók við hefur fyrirtækjamenningin tekið algjörum stakkaskiptum. Þar starfa í dag 176 starfsmenn. Markvisst hefur verið unnið að því að jafna hlutföll kynjanna, m.a. er fyrirtækið Velunnari FKA 2017 og styður þannig eigin kvenstjórnendur til að huga að starfsþróun, sýnileika og tengslamyndun í FKA. Starfsfólk upplifir í dag að hópurinn sé samhentur, það hafi jöfn tækifæri óháð kyni, hlutverk fyrirtækisins sé skýrt og borin sé umhyggja fyrir hverjum og einum sem einstaklingi. Starfsmannavelta er lág og reglulega óska fyrrverandi starfsmenn eftir því að koma til starfa að nýju. Þjónustukönnun meðal viðskiptavina árið 2017 segjast tæp 90% viðskiptavina að þeir telji viðmót og framkoma starfsfólks vera gott.
Eftirfarandi lýsing er frá fyrrverandi samstarfsmanni og síðar viðskiptavin: Stjórnandinn er einhver "strategískasti" maður sem ég þekki. Hann borar ofan í hlutina til að skilja þá til hlítar, rannsakar og viðar að sér gögnum og býr til framtíðarsýn eða "stóru myndina" og byggir hana á gögnum og rökum. Hann er gríðarlega talnaglöggur en á sama tíma mjög næmur fyrir markaðsnálgun sem er mjög sérstök blanda. Hann fylgir hlutunum mjög vel eftir, er mjög kröfuharður við sjálfan sig og aðra og þó það blási á móti missir hann aldrei sjónar af endamarkinu. Stjórnandinn er afskaplega ósérhlífinn, segir hlutina eins og þeir eru og stendur við orð sín. Hann hefur ástríðu fyrir því sem hann gerir. Hann hvetur fólkið sitt áfram og er mjög umhugað um að fólki líði vel í fyrirtækinu, sé vel upplýst og stolt af því sem það er að gera.
Eftirfarandi lýsing studdi einnig tilnefningu stjórnandans til verðlauna: Stjórnandinn endaði árið á því að elda sjálfur "Beef Wellington" fyrir þá sem voru á vakt vegna áramótavinnu. Kynjaskipting hjá fyrirtækinu er einnig með því besta sem sést í geiranum og jafnréttismál í hávegum höfð. Ég byrjaði sjálf að vinna hjá fyrirtækinu fyrir rétt tæpu ári og get með fullvísu sagt að þetta er besta fyrirtækið sem ég hef starfað hjá. Stjórnandinn á þar stóran þátt. Það er mikil ánægja að tilkynna að Yfirstjórnandi ársins 2018 er Friðrik Þór Snorrason forstjóri RB (Reiknistofu bankanna). Friðrik er með stjórnunarmenntun frá London Business School; Executive Education Program. MSc gráðu í alþjóðasamskiptum frá London School of Economics; BA gráðu í alþjóðasamskiptum frá University of Wisconsin Madison, USA.
Millistjórnandi ársins 2018
Sigrún Ósk Sigurðardóttir, aðstoðarforstjóri ÁTVR.
Stjórnandinn er leiðtogi sem leggur áherslu á gott vinnuumhverfi og stuðlar að því að fólki líði vel í vinnunni sem skilar sér í góðri þjónustu til viðskiptavina. Stjórnandinn leggur mikinn metnað í að fyrirtækið veiti framúrskarandi þjónustu og leggur ríka áherslu á samfélagsábyrgð. Stjórnandinn vinnur stöðugt að því að vera góð fyrirmynd og að skapa góðan starfsanda. Stjórnandinn nýtur mikillar virðingar jafnt innan sem utan fyrirtækisins. Hann hefur verið talsmaður fyrirtækisins og flutt mörg erindi um starfsemina, bæði þjónustuna og því sem tengist samfélagsábyrgð.
Stjórnandinn sem um ræðir leggur mikla áherslu á heilbrigðan lífsstíl og hefur hvatt starfsfólk til heilsueflingar með margvíslegum hætti og hefur átt ríkan þátt í heilsueflandi þætti innan fyrirtækisins. Stjórnandinn leggur stöðugt áherslu á að á að bæta sig og umhverfi sitt. Með skýrri stefnu og markvissum aðgerðum hefur tekist að ná miklum árangri í rekstri fyrirtækisins. Það hefur vakið eftirtekt að fyrirtæki með enga samkeppni geti náð þeim merka árangri að vera efst í sínum flokki í Íslensku ánægjuvoginni fyrir framúrskarandi þjónustu við viðskiptavini.
Áhersla á nýsköpun og þróun er ofarlega á forgangslista Stjórnandans. Hann hefur hefur séð til þess að á hverju ári séu starfræktir þverfaglegir verkefna- og umbótahópar sem koma með tillögur að nýjungum og endurbótum hverju sinni. Stjórnandinn er að mati eins umsagnaraðila án efa einn færasti stjórnandi á landinu. Mikil fyrirmynd og öflugur að miðla þekkingu sinni til annarra innan fyrirtækisins. Stjórnandinn er góður leiðtogi, vel liðinn og til fyrirmyndar í alla staði. Hann er því vel að því komin að hljóta verðlaun Stjórnvísis í dag í flokki millistjórnanda.
Millistjórnandi ársins heitir Sigrún Ósk Sigurðardóttir, aðstoðarforstjóri ÁTVR.
Frumkvöðull ársins 2018
Jóhannes Ingi Kolbeinsson stofnandi Kortaþjónustunnar
Sá aðili sem hlýtur frumkvöðlaviðurkenningu Stjórnvísi í ár á að baki farsælan feril frá því hann stofnaði fyrirtæki sitt árið 2002 og starfaði sem framkvæmdastjóri þess þar til í janúar 2018. Hann hefur fengið fjölmörg verðlaun og tilnefningar á sínu sviði í Evrópu og var m.a. valinn Entrepreneur of the year af tímaritinu European CEO. Þá fór fyrirtækið á Inc. 5000 Europe listann yfir fyrirtæki sem eru að vaxa hvað hraðast í Evrópu og lenti fyrirtækið í 106 sæti. Þá hefur fyrirtækið undir hans stjórn verið útnefnt fyrirtæki ársins hjá VR og fyrirmyndarfyrirtæki hjá Creditinfo. Þessi aðili/hann nýtur virðingar fyrir sína þekkingu og ötulu baráttu fyrir frelsi í á sínu fagsviði.
Með tilkomu fyrirtækis þess aðila sem hlýtur frumkvöðlaverðlaunin í ár breyttist samkeppnisumhverfið í greininni og vann fyrirtækið stóra sigra þrátt fyrir talsvert mótlæti og mótspyrnu. Innkoma fyrirtækisins á markaðinn var ekki síst til hagsbóta fyrir söluaðila og neytendur í landinu, þar sem samkeppnin leiddi til þess að þjónustugjöld á Íslandi lækkuðu mikið og þjónustustigið hækkaði.
Frumkvöðullinn er óhræddur við að fara nýjar leiðir og hefur þannig breytt áður rótgrónum gildum í greininni.
Þekking hans á heildarrekstri, tækni og fjármálum er sterk. Hann hefur góða heildarsýn, er skipulagður og miðlar stefnu hiklaust til starfsmanna.
Í tilnefningum um frumkvöðulinn segir m.a. að hann sé mikill leiðtogi, framsýnn, faglegur, árangursdrifinn, frábær yfirmaður, jákvæður en hógvær, heiðarlegur og traustur. Einnig góður vinur sinna samstarfsmanna. Góður hlustandi og treystir sínu fólki. Réttsýnn og laus við alla tilgerð. Hann hefur einnig lagt mikla áherslu á heilsu og velferð starfsmanna sinna og setur alltaf starfsfólkið í forgang í stað þess að huga að eigin hagsmunum.
Það er því með ánægju sem ég tilkynni að Jóhannes Ingi Kolbeinsson stofnandi Kortaþjónustunnar hlýtur frumkvöðlaviðurkenningu Stjórnvísis í ár.
Stjórnvísi óskar verðlaunahöfum innilega til hamingju ásamt öllum þeim sem voru tilnefndir til Stjórnunarverðlaunanna 2018.
Eftirtaldir aðilar eru tilnefndir til Stjórnunarverðlauna Stjórnvísi árið 2018:
Auður Þórhallsdóttir, sviðsstjóri mannauðs og gæða hjá Virk
Áslaug Eir Hólmgeirsdóttir, sviðsstjóri veiðieftirlits hjá Fiskistofu.
Ágúst Einarsson, framkvæmdastjóri TEMPÓ
Bartosz Glazowski, rekstrarstjóri Íslenska gámafélaginu
Benedikt K. Magnússon, sviðsstjóri á ráðgjafasviði hjá KPMG
Bjarni Gnýr Pálsson Hjarðar, yfirverkfræðingur Sorpu
Björn Ingimundarson, Head of Software Development at Novomatic Lottery Solutions
Björn Ragnarsson, framkvæmdastjóri Kynnisferða.
Bragi Fjalldal, VP Business Development Meniga
Davíð Gunnarsson, framkvæmdastjóri Dohop ehf.
Elfa Björk Björgvinsdóttir, stofnandi og eigandi 22Hill
Elín Helga Sveinbjörnsdóttir, framkvæmdastjóri Hvíta hússins
Elísabet Einarsdóttir, mannauðsstjóri Íslandshótela
Eyþór Ívar Jónsson, forstöðumaður Rannsóknarmiðstöðvar um góða stjórnarhætti við HÍ
Finnur Oddsson, forstjóri Origo.
Friðrik Guðjón Guðnason, forstöðumaður Ferlaþróunar hjá Landsbankanum
Friðrik Þór Snorrason, forstjóri Reiknistofu bankanna
Georg Lúðvíksson, forstjóri Meniga
Gestur Pétursson, forstjóri Elkem á Íslandi
Guðbjörg Erna Guðmundsdóttir, fjármálastjóri Hlaðbær Colas
Guðlaug Birna Aradóttir, framkvæmdastjóri Skinnfisks
Guðmundur Þorbjörnsson, framkvæmdastjóri EFLU
Guðrún Árný Guðmundsdóttir, deildarstjóri á lungnadeild Landspítala
Guðrún Björg Sigurbjörnsdóttir, deildarstjóri verkefnastofu á Landspítala
Guðrún Gyða Ólafsdóttir, móttökustjóri hjá Háskólanum í Reykjavík
Helga Dögg Flosadóttir, stofnandi og forstjóri Atmonia.
Helga Ólafsdóttir, framkvæmdastjóri Ígló og Indí
Helgi Bjarnason, forstjóri VÍS
Helgi Þór Gunnarsson, forstöðumaður hjá velferðarsviði Reykjavíkurborgar
Hermann Björnsson, forstjóri Sjóvá
Hildur Ösp Gylfadóttir, mannauðs-og fjármálastjóri Fiskistofu
Hrafnhildur Hafsteinsdóttir, framkvæmdastjóri FKA
Hulda Jóhannsdóttir, leikskólastjóri Heilsuleikskólans Króks
Iða Brá Benediktsdóttir, framkvæmdastjóri viðskiptabankasviðs Arion banka
Ingigerður Guðmundsdóttir, forstöðumaður gæðamála hjá Sjóvá
Ívar J. Arndal, forstjóri ÁTVR
Jóhanna Þ. Jónsdóttir, framkvæmdastjóri aðfangasviðs Innnes ehf.
Jóhannes Ingi Kolbeinsson, stofnandi Kortaþjónustunnar
Jón Atli Benediktsson, rektor Háskóla Íslands
Jón Haukur Daníelsson, stofnandi og eigandi Allur heimurinn
Jón von Tetzchner, frumkvöðull og stofnandi Vivaldi
Katrín E. Hjörleifsdóttir, sviðsstjóri viðskiptasviðs Sjúkratrygginga Íslands
Kolbrún Hrafnkelsdóttir, forstjóri og stofnandi Florealis
Kristján Geir Gunnarsson, framkvæmdastjóri sölu-og markaðssviðs hjá Odda
Lísbet Einarsdóttir, framkvæmdastjóri Starfsafls.
Lovísa Hallgrímsdóttir, leikskólastjóri Regnbogans
Magnús Árnason, markaðsstjóri NOVA
Magnús Böðvar Eyþórsson, framkvæmdastjóri Rekstrarlausna RB.
Nótt Thorberg, framkvæmastjóri Marel á Íslandi
Ómar Þröstur Hjaltason, stofnandi Base Parking
Perla Ásgeirsdóttir, framkvæmdastjóri áhættustýringar Landsbankans
Ragnheiður Sigurðardóttir, eigandi Hótelrekstur
Rakel Eva Sævarsdóttir, stofnandi og eigandi Borðsins
Rakel Óttarsdóttir, framkvæmdastjóri upplýsingatæknisviðs hjá Arion banka
Rannveig Þórisdóttir, deildarstjóri hjá Lögreglunni á höfuðborgarsvæðinu
Salóme Guðmundsdóttir, framkvæmdastjóri Icelandic Startups
Sandra Mjöll Jónsdóttir Buch, framkvæmdastjóri og stofnandi Platome Biotechnology
Sigríður Harðardóttir, mannauðs-og gæðastjóri Strætó
Sigríður Björk Guðjónsdóttir, lögreglustjóri á höfuðborgarsvæðinu
Sigrún Ósk Sigurðardóttir, aðstoðarforstjóri ÁTVR
Sigrún Sæmundsdóttir, forstöðumaður Viðskiptalausna hjá Landsbankanum
Sigþór Skúlason, eigandi og forstjóri Airport Associates
Sigurður B. Pálsson, forstjóri BYKO
Sindri Bergmann Þórarinsson, KrakkaRÚV-stjóri
Sólrún Kristjánsdóttir, starfsmannastjóri Orkuveitu Reykjavíkur
Stefán Sigurðsson, forstjóri Vodafone
Svanhildur Konráðsdóttir, forstjóri Hörpu
Svanhvít Jakobsdóttir, forstjóri Heilsugæslu höfuðborgarsvæðisins
Þór Sigfússon, stofnandi og stjórnarformaður Íslenska sjávarklasans
Þóra Kristín Sigurðardóttir, forstöðumaður BPM ferlastýringar hjá Eimskip
Þórarinn Ævarsson, framkvæmdastjóri IKEA
Valur Knútsson, yfirverkefnastjóri Þeistareykjavirkjunar hjá Landsvirkjun
Vigdís Jónsdóttir, framkvæmdastjóri Virk.