Fréttir og pistlar

Faghópur um stjórnun viðskiptaferla (BPM) hélt sinn fyrsta fund í dag þann 11.apríl kl.08:30-09:50 í Ölgerðinni. Á stofnfundinum var haldið erindi um grunnatriði í stjórnun viðskiptaferla (BPM), farið yfir dagskrána á næstunni auk þess sem óskað verður eftir 2 - 3 aðilum til viðbótar í stjórn faghópsins. Magnús Ívar Guðfinnsson formaður faghópsins stjórnaði fundinum og byrjaði á að heyra í félögum sem kynntu sig með nafni og frá hvaða fyrirtækjum þeir komu. Magnús fór yfir markmið faghópsins sem er að auka vitund og skilning meðlima á mikilvægi markvissrar stjórnunar viðskiptaferla fyrir fyrirtækið. Nú þegar eru 59 skráðir í hópinn sem er framúrskarandi móttökur. Áhugasamir aðilar eru hvattir til að skrá sig í faghópinn á slóðinni: http://stjornvisi.is/hopur/stjornun-vidskiptaferla

Í fyrirlestri sínum kom Magnús inn á að fæst fyrirtæki eyða miklu fé í að straumlínulaga ferla t.d. gerð kvartanaferla o.fl. Dominos er fyrirtæki sem er gott dæmi um flotta ferla þ.e. frá því þú pantar og þar til varan er afgreidd. Mikilvægt er að skrá niður ferla, með því eykst sýn og hægt að ræða betur um verkefnið. Einnig er mikilvægt er að njóta stuðnings framkvæmdastjórnar. Erfiðast við að fara í gegnum ferlavinnu er þegar viðhorf starfmanna er „að svona hafa hlutirnir alltaf verið gerðir“ til hvers að breyta?. Þegar búið er að skrá verkferla hefst nýsköpunin. En hvað eru ferlar? Endurteknar athafnir sem gerum með ákveðið markmið að leiðarljósi. Í hverju fyrirtæki eru ákveðnir grunnferlar. Magnús tók dæmi um virðiskeðju. Það skiptir svo miklu máli að spyrja fólk hvað því finnst og að hver og einn sé með í fyrirtækinu. Ferlarnir eru brúin á milli IT side, Business side og Processes. Mikilvægt að skoða ferlin eins og þau eru í dag, þá fyrst er hægt að besta ferlið og sjá hvar er hægt að gera betur. Að lokum var varpað fram hugmyndum að efni sem áhugavert er að taka fyrir á fundum næsta vetur hjá faghópnum. Hér má sjá myndir frá fundinum:
https://www.facebook.com/media/set/?set=a.662800823787871.1073741922.110576835676942&type=3&uploaded=11

Jóhann Jón Ísleifsson er Corporate Procurement Director í Marel og ber ábyrgð á stefnumótun og samþættingu innkaupa milli allra eininga hjá Marel. Jóhann Jón kynnti fyrir Stjórnvísifélögum hvernig Marel skipuleggur sig í innkaupum og hver er þeirra stærsta áskorun. Til þess að minnka flækjustigið var rætt við alla stakeholdera og ákveðið var að búa til high-over stefnu fyrir innkaupin. Marel var skipt upp í fjóra iðnaði og 12 framleiðsluþætti. „Við erum til sem innkaup því við aðstoðum alla við að ná fram aukinni framlegð með hinum ýmsu leiðum“ segir Jóhann Jón. Innputtið kemur alltaf frá sölunni sem er þeirra stærsti stakeholder. Innkaupadeildin stjórnar öllum kostnaði nema launum. PR (product related). Áskorun innkaupasviðs og meginmarkmið er að auka virði með m.a. með því að taka birgja og fá þá með inn í þróun á vöru. Marel þarf ekkert endilega að hanna allt, þeirra birgjar flytja inn þekkingu til Marel. Samþætting er ekki einungis fólgin í að setja saman magn. Innkaupin vilja vera þekkt fyrir að það sé gaman í vinnunni og að þau séu árangursrík. Innkaupastjórar allra í fyrirtækinu eiga sína stjórnarskrá yfir hvernig á að vinna saman og eru ábyrgir fyrir að vera árangursríkir. Þeir búa til stefnuna sjálfir. Hann fór einnig yfir hin fimm gullnu R´s. 1.Right product 2. Right quantity 3. Right Price 4.Right quality 5.Right time. Marel hefur gríðarlega góðar upplýsingar yfir framlegð, alveg niður á hverja vél og sterk KPI (gulur/rauður/grænn). Í dag er Marel að keyra 120 mismunandi verkefni sem sameiginlega munu auka framlegð gríðarlega.

Fæðumst við ástríðufull eða er hún áunnin? Ef þú ætlar að kveikja ástríðu hjá öðrum þarftu að vera ástríðufullur. Sigríður Snævarr segir fólk ekki fæðast ástríðufullt. „Við erum forrituð til að þrá ekki til að njóta“, við erum alltaf að bíða eftir einhverju og erum því ekki í núinu“. Hvað kemur upp í hugann þegar við segjum „ástríðan fyrir vinnu“, hvernig tengjum við ástríðu og vinnu? Stjórnvísifélagar svöruðu þeirri spurningunni í morgun hvernig við tengjum saman ástríðu og vinnu og hver er ástríða hvers og eins fyrir sinni vinnu? Ástríða er undirliggjandi í huga okkar, Sigríður Snævarr fór að hugsa um þetta þegar hún fór að aðstoða þá sem eru atvinnuleitendur. Í bók sem hún gaf út er kafli um: „Hver er ástriða þín fyrir vinnu“. Með því að svara þessari spurningu greinum við sjálf styrkleika okkar. Hvar og hvenær njótum við okkar best? Er það í ákveðnu verkefni eða er það þegar við ljúkum verkefni? Ástríða felst í löngun til að gera eitthvað, hafa áhuga á fólki og samskiptum, metnaði, áskorun, drifkrafti, gleði, hvatningu að verða betri, hrífa aðra með, njóta augnabliksins, sterkri sýn (horfum upp fyrir okkur), tækifæri til að blómstra(aukaafurð með vinnu), hugarfari, að hugsa í lausnum, sjá ekki hindranir, sökkva sér í verkefni, jákvæðni og lífsgleði.
Ástríða getur smitast t.d. af hrífandi stjórnanda. Og hvernig deyr ástríða? Kannski þegar engin eftirspurn er fyrir henni. Fólk er sífellt í viðtali í útvarpinu að ræða ástríðu sína fyrir starfinu sínu. Það er svo mikilvægt að sýna öðru fólki virðingu og áhuga. Hér má sjá myndir af fundinum:https://www.facebook.com/media/set/?set=a.661823837218903.1073741920.110576835676942&type=3&uploaded=14

Fundur var haldinn í morgun þann 8.apríl hjá Advania. Fyrirlesarar voru Einar Þórarinsson forstöðumaður gæða- og öryggissviðs, Harpa Arnardóttir gæðastjóri og Kristján H. Hákonarson öryggisstjóri.

Farið var yfir eftirfarandi:
• Fyrirkomulag gæða- og öryggismála hjá Advania.
• Hvernig ISO staðlarnir eru að gagnast í starfsemi Advania
• Samlegðaráhrif af notkun bæði ISO 9001 og 27001.
• Sýnt var hvernig haldið er utan um þjálfun starfsfólks Advania í gæða- og öryggiskerfinu í kerfi sem nýbúið er að innleiða. Tilgangurinn er að hver og einn starfsmaður viti hvaða ferlum og skjölum hann á að vinna eftir og fái tilkynningar þegar uppfærslur eiga sér stað um að hann þurfi að kynna sér hverju hefur verið breytt. Hægt er að kalla fram yfirlit sem sýnir hvort starfsmenn hafi lokið að kynna sér ný og breytt skjöl.
• Það sem skilar mestum ávinningi í ISO 27001.

Fyrir hönd stjórnarinnar vil ég þakka starfsmönnum Advania fyrir áhugavert erindi og einnig vil ég þakka Stjórnvísi félögum fyrir góða mætingu.

Hér má sjá myndir af fundinum: https://www.facebook.com/media/set/?set=a.660967780637842.1073741919.110576835676942&type=3&uploaded=17

Með kveðju,
Áslaug D. Benónýsdóttir
formaður faghóps um ISO staðla og vottanir

Pétur Arason hjá Marel byrjaði fundinn á að kynna námskeið sem er haldið í Opna háskólanum um Straumlínustjórnun og er 8 daga. Markmiðið er að hreyfa við fólki og fá það til að hugsa öðruvísi og auka þróun í viðskiptaferlum. Pétur var á námskeiði hjá Lean Enterprise Institute. www.lean.org en þeir halda árlega ráðstefnu. Ráðstefnan er ekkert mjög stór og engar heimsóknir í fyrirtæki en þar hittir maður fólk og lærir eitthvað eitt nýtt sem er þess virði að hafa farið sagði Pétur. Hann benti jafnframt á ráðstefnur sem eru haldnar í Englandi sem jafnvel henta Íslendingum betur www.leanuk.org Einnig eru árlegar ráðstefnur í Danmörku. Sú ráðstefna sem hann mælir mest með er AME www.cvent.com Á Íslandi er Leanráðstefna haldin í þriðja skipti í maí www.leanisland.is
Þegar horft er með Lean gleraugunum (sóunar gleraugunum) fer maður að sjá alls kyns hluti eins og of miklar birgðir, viðskiptavinurinn ekki að fá það sem hann biður um o.fl. Áður en farið er af stað þarf að passa sig á að fara ekki að kópera frá einu fyrirtæki til annars því þá kemur menningar kúltúrinn inn. Lausn vandamála er lykillinn að vandamálum. Allir í fyrirtækinu eiga að vera stöðugt að hugsa um það. Pétur sýndi fjölmörg áhugaverð myndbönd og tók fyrir áhugaverð dæmi þar sem fyrirtæki og félagasamtök hafa stórbætt ferli. Hér má sjá myndir af fundinum https://www.facebook.com/media/set/?set=a.658905787510708.1073741918.110576835676942&type=3&uploaded=9

Í morgun var haldinn fundur á vegum gæðahóps Stjórnvísi þar sem fjallað var gæðakerfi í byggingariðnaðinum sem er gerð krafa um í nýlegri byggingarreglugerð. Í lögum um mannvirki frá 2010 og í byggingarreglugerð frá 2012 kemur fram að iðnmeistarar, byggingastjórar og hönnuðir skuli hafa gæðastjórnunarkerfi samþykkt af Mannvirkjastofnun. Byggingafulltrúar og Mannvirkjastofnun þurfa einnig að koma sér upp gæðakerfi sem fyrsta skref í átt að faggildingu.

Loka dagsetning fyrir innleiðingu og skráningu gæðastjórnunarkerfa hjá Mannvirkjastofnun er 31. desember 2014. Kröfurnar koma til með að hafa áhrif á alla sem koma að mannvirkjagerð og töluverð vinna liggur fyrir hjá þeim aðilum sem ekki eru búnir að laga sig að nýju umhverfi.

Á heimasíðu Mannvirkjastofnunar er að finna leiðbeiningar um gæðastjórnunarkerfi byggingarstjóra, hönnuða og iðnmeistara. Einnig hafa Samtök Iðnaðarins lengi unnið að því að aðstoða við innleiðingu á aðferðum gæðastjórnunar. Á heimasíðum samtakanna er að finna leiðbeiningar og upplýsingar sem nýtast verktökum og jafnframt geta þessir aðilar hýst gæðaskjöl sín inn í mótuðu umhverfi á heimasíðunni.

Nánari upplýsingar er að finna í glærum frá fundinum undir ítarefni: http://stjornvisi.is/vidburdir/564

Fundur var haldinn í morgun þann 2.apríl hjá Umslagi. Fyrirlesari var Ingvar Hjálmarsson gæðastjóri hjá Umslagi.

Fyrirtækið Umslag fékk ISO 27001 öryggisvottun í maí árið 2013. Farið var yfir hver var ástæða þess að fyrirtækið ákvað að taka upp staðalinn og hvernig innleiðingin og starfið gekk fyrir sig og hvaða breytingar hafa orðið á rekstri fyrirtækisins. Farið var yfir skrif öryggishandbókar, starf öryggishóps, hvernig verk- og stoðferlar voru útbúnir og þeim fylgt eftir í framhaldi, hvernig innri úttektir hafa gengið og hvernig undirbúningi þarf að vera háttað þegar úttektaraðilar frá þriðja aðila mæta á svæðið og meta hvernig til hefur tekist. Í lok fundarins fengu fundargestir tækifæri á að skoða verksmiðjuna.

Fyrir hönd stjórnarinnar vil ég þakka Ingvari fyrir áhugavert erindi og einnig vil ég þakka Stjórnvísi félögum fyrir góða mætingu.

Myndir frá fundinum má sjá hér: https://www.facebook.com/media/set/?set=a.657744130960207.1073741917.110576835676942&type=3&uploaded=10

Glærur frá fundinum má finna hér undir ítarefni:
http://stjornvisi.is/vidburdir/512

Með kveðju,
Áslaug D. Benónýsdóttir
formaður faghóps um ISO staðla og vottanir

Herdís Pála tók framkvæmdastjóri mannauðssviðs RB tók vel á móti Stjórnvísifélögum í morgun og hóf fundinn á að segja skemmtilega sögu af stjórnanda sem alltaf var viljugur til að taka að sér alls kyns verkefni sem samstarfsmenn komu með til hans en hvert verkefni var „einn api“. Þegar helgarfríið kom og hann var á leið heim í bílnum keyrði hann fram hjá golfvelli þar sem hann sá hóp fólks vera að spila golf. Hann leit öfundaraugum á fólkið og hugsaði með sér, það verður lítið um helgarfrí hjá mér með alla þessa vinnu framundan. Þegar hann leit nánar á hópinn sá hann að þetta voru allt samstarfsmenn. Hann fór því heim með alla apana með sér á meðan að hinir voru búnir að losa sig við þá. Herdís Pála sagðist sjálf hafa upplifað þessa tilfinningu áður en hún hóf nám í markþjálfun.
Einfaldasta formið við markþjálfun er að spyrja til baka. Hætta að vera að gefa öll svörin sjálfur heldur spyrja til baka og þá koma hugmyndir sem eru miklu betri. Einfaldleikinn skiptir mjög miklu. Herdísi Pálu fannst hún ná að setja saman kennaranámið sitt og MBA námið, nálgun við fólk og tól og tæki í markþjálfuninni. Með markþjálfuninni er spurt beinna spurninga, þú kemst fyrr að kjarnanum. Markþjálfunin nýtist við að ná sameiginlegri sátt eða sýn eða láta hópa stilla sig saman, Allt verður miklu strategiskara. Eitt form sem er mikið notað er að greina þ.e. hvert er verkefnið, vandamálið, áskorunin, það er hellings sigur unnin við það. Þá er miklu betra að finn leiðina, hvaða möguleikar eru í stöðunni. Allir glíma við að ná fókus. Er eitthvað sem hindrar okkur í að ná árangri. Oftar en ekki kemst fólk að því að það sem hindrar er maður sjálfur. Markþjálfun getur leyst svo margt vel. Í náminu lærði Herdís á mörg tól og tæki. Eitt er myndlíking þ.e. að að sjá myndlíkingar og sögur. Ef frammistaða er ekki nægilega góð er góð aðferð að segja dæmisögu t.d. um froskana. Fimm froskar sátu á trjádrumbi, þrír ákváðu að stökkva og hvað voru margir eftir? Fimm, því þessir þrír höfðu einungis ákveðið að stökkva en gerður það hins vegar ekki. Nota sögur. Ef starfsmaðurinn ákveður leiðina sjálfur er hann miklu meira til, ekki gefa lausnina heldur láta starfsmennina finna hana sjálfur. Hver og einn einstaklingur hefur svörin sjálfur. Þú veist þetta, enginn þarf að segja þér þetta, markþjálfinn hjálpar fólki að finna. Þú breytir eigin hegðun frekar ef þú ákveður það sjálfur.
Markþjálfun er gott að fara í með heilum deildum. Markþjálfun er ekki bara einn og einn. Hópurinn á að koma með tillögu hvernig á að gera og hverju á að breyta. ICF alþjóðleg markþjálfasamtök hafa gert rannsóknir á arðsemi þjálfunarinnar. 96% sem nýta sér markþjálfun ætla að gera það aftur. Ávinningurinn er svo mikill, rannsóknir sýna arðsemi.

Í ákveðnum aðstæðum þarftu að kalla til ytri markþjálfa vegna þess að það eru hagsmunaárekstrar. Stundum er kostur að hafa innri markþjálfa, Herdís Pála er oftar hrifin af ytri markþjálfun. Gott að hafa innri markþjálfun fyrir nýja stjórnendur. En í öðrum tilfellum ytri markþjálfun. Markþjálfun er ekkert endilega til að nota þar sem eitthvað er að heldur líka til að fókusera sig.
Einar Birkir framkvæmdastjóri hjá RB deildi reynslusögum af því hvernig er að nýta markþjálfun og sagði að það væri frábært að hafa mannauðsstjóra sem hefur farið í gegnum markþjálfun.

Frammúrskarandi þjónusta fyrirtækja og stofnana
Þú getur ekki stjórnað því sem þú ekki mælir
„Markmiðið með umbótum í ríkisrekstri er að gera þjónustu hins opinbera við almenning og atvinnulíf eins góða og kostur er með þeim fjármunum sem til ráðstöfunar eru hverju sinni“.
Þjónustustefna ÁTVR byggir á því að setja viðskiptavininn í öndvegi og tökum mið af væntingum hans. Hún einkennist af lipurð, gagnsæi og hlutleysi þar sem lögð er áhersla á fræðslu. Hvað vöruúrval okkar snertir þá á það að vera áhugavert og fjölbreytt og byggja á gæðum og ábyrgð.
Til að uppfylla þessar skuldbindingar leggur allt starfsfólk ÁTVR metnað sinn í að veita viðskiptavinum sínum frammúrskarandi þjónusta með lipurð og jákvæðni. Jafnframt hefur það skuldbundið sig til að bæta þekkingu sína, viðhorf og hæfni og miðla því til annarra.
Á síðasta ári fengu Vínbúðirnar 6.000 ábendingar frá viðskiptavinum úr þessum könnunum. Allar þessar athugasemdir hafa verið teknar til skoðunar og síðan settar í framkvæmd þær úrbætur sem líklegar eru til að bæta reksturinn fyrirtækisins.
Árið 2010 var tekið upp Skorkort Vínbúðanna til viðbótar við þau skorkort sem fyrir voru. Skorkortið sem er einstakt mælitæki, hjálpar okkur að fylgja málum betur eftir. Þau sýna jafnframt mánaðarlega frammistöðu Vínbúðanna. Í lok hvers árs eru verðlaun veitt þeim Vínbúðum sem skara fram úr af þeim 48 Vínbúðum sem ÁTVR rekur um allt land.
Reglulegar mælingar og kannanir sýna að mikill árangur getur náðst með hjálp skorkorta þar sem meðal annars ábendingar viðskiptavina og birgja endurspeglast í árangrinum.
Það var því engin tilviljun að Vínbúðirnar eftir góðan árangur undanfarinna ára náðu því markmiði að fá hæstu einkunn allra fyrirtækja í niðurstöðu Íslensku ánægjuvogarinnar eða einkunnina 74,1.

Hrund Rúdólfsdóttir forstjóri Veritas sagði í upphafi fundar í Veritas í morgun að gildin væru límið sem héldi starfsmönnum Veritas saman. Vilborg Gunnarsdóttir starfsmannastjóri Veritas sagði okkur frá því að starfsmannafjöldi í dag er 177 starfsmenn. Mannauðsstjóri hefur umsjón með stefnumótun málaflokksins, ráðningar, framkvæmd og undirbúning frammistöðumats, starfsþróun. Þau eru alltaf að mæla, taka þátt í VR könnun með öllum starfsmönnum og gera reglulega mælingar. Þau mæla starfsánægju vegna þess að Veritas vill að starfsfólkinu líði vel í vinnunni, geti tjáð sig nafnlaust, sjá hvar er hæg tað gera betur og tækifæri til úrbóta, hvað eru starfsmenn ánægðastir með,
En hvers vegna er Veritas með gildi? Þau eru leiðarljós í þeirra starfi og segja til um hvernig við gerum hlutina. Þau sameina viðhorf okkar og hegðun, þau lýsa menningu fyrirtækisins og stuðla að einingu á meðal starfsmanna. Veritas heldur starfsmannafundi vikulega þar sem allt er rætt, gildin hjálpa til við ákvarðanatöku og svara því hvað er verið að gera rétt og hvað ekki. Fyrirtæki með sterka gildahefð sýna betri rekstrarárangur. Gildi Veritas eru Áreiðanleiki: standa við gefin loforð og vinna af heilindum með fagmennsku og heiðarleika að leiðarljósi, Hreinskiptni: gefa skýr skilaboð og segja það sem í brjósti býr á nærgætinn og uppbyggilegan máta, Framsækni: löngun og viðleitni til að vaxa, þroskast og gera betur.
Í Veritas eru samskipti opin og óformleg.Vilja virkja skoðanir sem flestra og að þeim sé komið á framfæri. Vilja örva gagnrýna hugsun. Varðandi framsækni þá er alltaf verið að leita leiða til að gera betur, endanleg lausn er ekki til.
Markmið með gildavinnunni er að allir starfsmen þekki gildin. Gildin urðu til í vinnu starfsmanna haustið 2005, þá hét fyrirtækið Vistor. Í ársbyrjun 2007 var gildavinnustofa, upprifjun. Veturinn 2010 var síðan farið í að vinna með hvert fyrirtæki fyrir sig.. Þá komust að því að gildin ættu að vera þau sömu fyrir alla. Árið 2ö11 var undirbúningshópur myndaður og teknir vikulegir fundir. Fengu Vert almannatengsl til liðs við sig. Þeir fóru í að koma með sýnileika og frábærar hugmyndir komu fram. Vildu virkja alla starfsmenn og hafavinnuna skemmtilega.Undirbúningsnefndin fór í allar deildir og kynnti vinnuna. Vert kom með hugmynd um að teikna táknin. Augað=framsæknin, hefur auga fyrir öllu, athugasemdatákn=hreinskiptni, möguleikinn að tjá sig um hvaðeina, og þumallinn upp=
Haldin var ljósmyndasamkeppni um að túlka gildin, húsnæðið skreytt, flott partý haldið, skjáhvílur voru með gildin, matseðlarnir. Gildin voru síðan á dagskrá allra föstudagsfunda. Allir starfsmenn tóku þátt í að kynna gildin með alls kyns kynningum, video, leikhóp, söng o.fl. ótrúlega skemmtilegt að einn hópurinn túlkaði gildin . Framkvæmdastjórar voru mjög virkir í vinnunni.
Haldin er nýliðafræðsla um gildin. Þau halda síðan fund og kalla til sín eldri starfsmenn og fá hjálp hjá þeim. Þessi vinna er kynnt á starfsmannafundi. .
En til hvers er Veritas svo að þessu. Þetta er langtímaverkefni sem aldrei lýkur. Stjórnendur samstæðunnar gegna lykil hlutverki og verða að vera góðar fyrirmyndir, vísa reglulega til gildanna i ræðu og rit. Frammistaða er metin út frá gildum. Notað sem annar ásinn þ.e. er viðkomandi árangursdrifinn, er hann hreinskiptin, og framsækinn.

Er fyrirtækið þitt eitt af hverju 10 sem nær árangri við innleiðingu breytinga?
Rannsóknir sýna að 90% fyrirtækja ná ekki þeim árangri sem þau ætla sér við innleiðingu breytinga. Það er ekki þar með sagt að fyrirtæki nái engum árangri en því miður er hann langt frá því að vera sá sem menn ætla sér þegar lagt er af stað.
En hvað er til ráða? Í rauninni er þetta ekkert flóknara en að undirbúa sig fyrir maraþon. Árangursrík innleiðing á breytingum kallar á markvissan undirbúning þar sem helstu lykilþættir breytingarferilsins eru greindir og nauðsynlegar aðgerðir skilgreindar.
Stefnuvitinn (e. The Implementation Compass™) er verkfæri sem hjálpar fyrirtækjum í að undirbúa innleiðingu breytinga þannig að hægt sé að hámarka árangur breytinganna. Stefnuvitinn samanstendur af 8 þáttum: mannauður sem þarf að vera til staðar, framtíðarsýnin varðandi breytingarnar, upplýsingamiðlun, mælingar á árangri, nauðsynleg menning, skilgreining ferla, eftirfylgni og rýni á ferlinu.
Mikilvægt er að átta sig á stöðu mála áður en hafist er handa við innleiðingu breytinganna. Hver þáttur er metinn sérstaklega með því að leggja ákveðnar spurningar fyrir þá starfsmenn sem munu taka þátt í breytingarferlinu.

Segja má að Stefnuvitinn sé ígildi áttavita sem nauðsynlegur er til að rata í gegnum völundarhús breytinga. Við vitum öll að það er ákveðin leið inn í völundarhúsið og ákveðin leið út, en á vegferðinni leynast ýmsar hindranir eða áskoranir. Hins vegar eru þær yfirstíganlega ef vel er vandað til verks.

Á Strategíudeginum 21. maí n.k. mun Robin Speculand hugmyndasmiður Stefnuvitans halda erindi en sá dagur verður kynnt nánar þegar nær dregur.

Guðrún Ragnarsdóttir
Ráðgjafi hjá Strategíu

Atli Atlason - deildarstjóri kjaradeildar fjármálaskrifstofu og Helga Björg Ragnarsdóttir - skrifstofustjóri skrifstofu borgarstjóra og borgarritara fjölluðu í morgun um aðgerðir gegn kynbundnum launamun hjá Reykjavíkurborg.
Umfjöllunin hefur verið flókin, heildarlaunamunur á bilinu 8,1% - 16,1% árin 1995-2012. 2010 var skipaður starfshópur um kynbundinn launamun. Tillögur komu um: aukna áherslu á starfsmat, yfirferð á starfsheitum, aukið eftirlit, fræðsluátak, reglulega úttekt á kynbundnum launamun, aukið jafnvægi fjölskyldu-og atvinnulífs.
Aðgerðarhópur greindi fyrirliggjandi gögn. Niðurstöður aðgerðarhópsins voru í samræmi við fyrri niðurstöður. Hlutfallslega fleiri karlar fá greiðslur vegna yfirvinnu og aksturs en konur, þeir voru endilega ekki með hærri aksturssamninga. Háskólamenntað starfsfólk er líklegra til að vera með aksturssamninga. 75% starfsmanna borgarinnar eru konur og 25% karlar. Niðurstaða aðgerðahópsins var kynnt í borgarráði í september 2013 og vísað til borgarstjórnar. Verkefnið er langhlaup frekar en spretthlaup. Í fyrsta lagi var farið í fræðsluátak með stjórnendum. Vildu ná til allra sem eru stjórnendur með mannaforráð sem úthluta yfirtímum og akstri. Stjórnendur voru skyldaðir til að mæta. Þorlákur Karlsson fór yfir kannanir hjá borginni og aðrar kannanir. Markmiðið var að ná til stjórnenda og að allir hefðu sömu túlkun. Farið var yfir jafnlaunastaðal, mannauðsstefnu o.fl. Viðhorf stjórnenda skipta gríðarlegu máli er varðar jafnlaun. Eru að innleiða: „quick view“
Þorgerður Einarsdóttir, prófessor í kynjafræði við Háskóla Íslands sagði frá því að fram undir 1940 voru laun verkakvenna um 1/3 lægri en verkakarla fram til 1940. Fyrstu heildstæðu lögin um launajöfnuð 1961. Síðan fyrstu lögin voru sett er liðin hálf öld og því er spurningin á hverju strandar? Um skyldufæði handa vinnufólki segir í Búalögum og Jónsbók(1281) konur 5 merkur af hvítum mat á dag í aski, karlar 7,5 merkur af hvítum mat á dag í aski eða hálfur annar kvenaskur í karlaski. Í dag mælist aukinn launamunur eftir aldri. Það er uppsafnaður aðstöðumunur yfir ævina. Hann fer vaxandi eftir aldri. Uppsafnaður launamunur hjá konum fæddar 1940 er hærri. Menntunarbilinu hefur verið lokað. 31% kvenna eru með grunnmenntun á 28% karla, 28% kvenna með starfs-og framhaldsmenntun á móti 43% hjá körlum, háskólamenntun 41% konur á móti 29% hjá körlum. Tveir af hverjum þremur sem útskrifast úr háskola í dag eru konur. Gríðarleg kynjaskipting er á vinnumarkaðnum. Karlar eru oftar stjórnendur og embættismenn, konur oftar sérfræðingar og sérmenntað starfsfólk. Talnasafn hagstofunnar hefur að geyma mjög mikið af gögnum. Hverjar eru málefnalegar skýringar? Gera greinarmun á launamyndun og ómálaefnalegum kynbundnum launamun. Hjúskaparstaða og börn hafa jákvæð áhrif á karla en neikvæð á konur. Nota þarf eigindlega rannsókn til að kanna það. Konur sækjast ekki eftir launahækkunum. Ekki nógu duglegar að berja í borðið, of hógværar, of hlédrægar og gera minni kröfur. Atvinnurekendur bera ábyrgð á að mismuna fólki ekki í launum. Skv. Könnum BSRB 2012 eru konur ósáttari við laun sín en karlar.

Myndatexti: Forseti Íslands hr. Ólafur Ragnar Grímsson, Elínrós Líndal, stofnandi og listrænn stjórnandi fatahönnunarfyrirtækisins ELLU , Guðlaug Rakel Guðjónsdóttir, framkvæmdastjóri bráðasviðs Landspítala og Bjarni Bjarnason, forstjóri Orkuveitu Reykjavíkur.

Stjórnunarverðlaun Stjórnvísi voru veitt í fimmta skipti í gær og afhenti forseti Íslands, hr. Ólafur Ragnar Grímsson verðlaunin við hátíðlega athöfn í Veisluturninum í Kópavogi. Rúmlega 50 stjórnendur voru tilnefndirhttp://stjornvisi.is/stjornunarverdlaunin/tilnefningar2014 . Handhafar Stjórnunarverðlauna Stjórnvísi 2014 eru Elínrós Líndal, stofnandi og listrænn stjórnandi fatahönnunarfyrirtækisins ELLU , Guðlaug Rakel Guðjónsdóttir, framkvæmdastjóri bráðasviðs Landspítala og Bjarni Bjarnason, forstjóri Orkuveitu Reykjavíkur.
Stjórnunarverðlaunin eru veitt árlega stjórnendum sem þykja hafa skarað framúr á sínu sviði. Félagar í Stjórnvísi tilnefna og rökstyðja millistjórnendur, yfirstjórnendur og frumkvöðla í fyrirtækjum innan raða Stjórnvísi. Markmið Stjórnunarverðlauna Stjórnvísi er að vekja athygli á framúrskarandi starfi stjórnenda sem eru aðilar að Stjórnvísi og hvetja félagsmenn til áframhaldandi faglegra starfa og árangurs. http://www.stjornvisi.is
Hér má sjá myndir frá viðburðinum:
https://www.facebook.com/media/set/?set=a.647556965312257.1073741912.110576835676942&type=3&uploaded=35
http://www.vb.is/frettir/102949/
http://www.landspitali.is/Um-LSH/Frettir-og-vidburdir/Frettasafn/Frett/?NewsId=146933b4-aaa7-11e3-864a-005056be0005
http://www.or.is/um-or/frettir-og-tilkynningar/forstjori-orkuveitunnar-stjornandi-arsins
http://www.visir.is/stjornunarverdlaun-stjornvisi-afhent-i-fimmta-sinn/article/2014140319446
http://www.vb.is/frettir/102942/

Steinunn Halldórsdóttir, Héðinn Unnsteinsson og Sif Guðjónsdóttir, sérfræðingar hjá forsætisráðuneytinu kynntu einstaklega áhugaverðar breytingar í ráðuneytunum átta sem varða breytt og bætt verklag og var hvatinn vilji til að samhæfa.
Í dag eru 8 sjálfstæð ráðuneyti með 529 stöðugildi. Í forsætisráðuneytinu starfa 34 og er Steinunn Halldórsdóttir verkefnisstjóri hjá forsætisráðuneytinu frá 2010 og formaður verkefnastjórnunarfélags Íslands frá 2013.
Settur hefur verið á stofn 1. Stjórnsýsluskóli Stjórnarráðsins 2. Siðareglur fyrir starfsmenn og raðherra 3. Hæfnisnefndir sem meta umsækjendur um embætti 4. Verkefnastjórnun í öllum ráðuneytum. Mikil vakning hefur orðið um verkefnastjórnun á vegum Stjórnsýsluskóla Stjórnarráðsins og sóttu 190 manns námskeið 2012-13.
Í handbókinni er skilgreint hvað er verkefni. Lykilatriði til að gangi vel er 1. Handbókin 2. Eyðublað fyrir verkefnisáætlun í skjalasafni allra ráðuneyta 3. Námskeið á vegum Stjórnsýsluskóla Stjórnarráðuneytisins. Fólk utan ráðuneyta getur fundið handbókina því hún er á vef forsætisráðuneytisins og opin öllum. Í starfshópnum sem gaf út handbókina voru fulltrúar frá öllum ráðuneytum. Undanfarið er unnið að uppfærslu og endurskoðun á frumvarpahandbók.

Á fundi faghóps um breytingastjórnun í morgun hjá Endurmenntun HÍ kom fram að rannsóknir staðfesta að 90% þeirra fyrirtækja/stofnana sem fara í sameiningar ná ekki þeim árangri sem þau ætla sér. Guðrún Ragnarsdóttir, ráðgjafi hjá Strategíu sagði að ástæða þess að breytingar takast ekki eru 1. Sameining er ekki nógu vel undirbúin 2.framtíðarsýn ekki nægilega skýr 3. Mælanleg markmið skorti 4. Áætlunargerð ófullkomin 5. Ekki gert ráð fyrir kostnaði við sameiningu.

Mikilvægt er að stofna samráðshópa sem leggja mat á ávinning sameiningar. Skýr markmið með sameiningu - oft að auka hagræðingu. Oft vantar að setja fram fjárhagsleg markmið með sameiningunni. Breytingar eru eins og að rata í gegnum völdunarhús. Þá kemur „Stefnuvitinn“ að góðu gagni. Stefnuvitinn gerir kleift að meta styrkleika og veikleika. Matið gengur út á að spyrja ákveðinna spurninganna. (stigagjöf 1minnst 10 mest) 1. Mannauður - ertu með rétta starfsfólkið hvað varðar hæfni og getu? Hefur það hvatninguna sem þar til að innleiða breytingarnar? Veit starfsfólkið af hverju breytingarnar eru mikilvægar?
Í breytingum eru 20% kyndilberar 20% skemmdarvargar og 60% grúppíur eða gagnnjósnarar. Markmiðið er að ná öllum í að vera kyndilberar. Passa þarf upp á að kyndilberarnir séu að fara í rétta átt. Það er alls ekki einstaklingsbundið hverjir eru kyndilberar. Stjórnendur þurfa að gæta sín á að setja orkuna í kyndilberana ekki orkusugurnar eða skemmdarvargana.
Fjögur atriði þurfa að vera til staðar 1. Skilgreindu af hverju er þörf á breytingum 2. Hvaða tækifæri eru í þessu fyrir starfsfólkið 3.Hvað er ætlast til af starfsfólkinu 4. Útvegaðu tækin og tólin sem þarf til að ná árangri. Því meira sem fólk fær að taka þátt í umræðu og hafa áhrif því ánægðara er það.
Mælingarnar eru ljósið sem vísar fyrirtækinu í gegnumvölundarhúsið. Þær segja hvert þú ert að fara og hvenær þú þarftað leiðrétta stefnuna. Skilgreina þarf stefnumótandi og rekstrarlega mælikvarða.
Það er oft sagt að mjúku málin séu hörðu málin. Breytingastjórnun kallar á 1/3 rökhugsun og 2/3 tilfinningar. E þú vilt að starfsfólk tileinki sér breytingarnar verður það að upplifa meiri ánægju en erfiði. Muna eftir fimm spurninga prófinu er eitthvað sem við ætlum að gera 1.meira af 2.minna af 3.halda áfram að gera 4. Hætta að gera.

Árangursmælingar
Þú getur ekki stjórnað því sem þú ekki mælir.
Í 7. gr. reglugerðar frá 2004 um framkvæmd fjárlaga er fjallað um áætlanagerð stofnana, með tilvísan til áherslna og markmiðssetningar um árangursstjórnun. Til að uppfylla þessa kröfu hefur frá árinu 2004 verið unnið með stefnumiðað skorkort hjá Áfengis og tóbaksverslun Ríkisins (ÁTVR).
Skorkortið er notað sem stjórntæki við rekstur fyrirtækisins. Það er verkfæri sem veitir stjórnendum heildarsýn yfir starfsemina og samhæfir aðgerðir starfsmanna. Ef vel tekst til myndast árangursdrifin fyrirtækjamenning, þar sem framkvæmd stefnu er í höndum allra starfsmanna. Með því að breyta
stefnunni í markmið og mælingar opnast nýjar leiðir til árangurs.
Reglulegar mælingar og kannanir sannreyna að miklum árangri hefur verið náð í að innleiða stefnu fyrirtækisins með hjálp skorkorta.
Fyrir fjórum árum var hannað verkfæri sem kallað hefur verið „Skorkort Vínbúðanna“. Það er í grunneðli sínu einkunnakerfi á skalanum 1-10, samansett úr mikilvægustu þáttunum í rekstri Vínbúðanna.
Skorkortið uppfærist að hluta til sjálfvirkt og tekur gögn úr ýmsum kerfum og gagnateningum sem notuð eru hjá ÁTVR.
Reglulegar mælingar og kannanir sýna svo ekki verður um villst að miklum árangri hefur verið náð í að innleiða stefnu og stefnumið fyrirtækisins með hjálp skorkorta.
Síðustu ár hefur ÁTVR hlotið hæstu einkunn fyrirtækja á smásölumarkaði í mælingum Íslensku ánægjuvogarinnar sem Capacent, Stjórnvísi og Samtök iðnaðarins standa árlega að.
Mælingarnar hafa leitt til þess að:
. Færri unnir tímar eru á hverja selda einingu
. Viðskiptavinir gefa þjónustunni hærri einkunn
. Meiri hagnaður er af rekstrinum
. Ánægja starfsfólks eykst
. Minni vörurýrnun og meiri veltuhraði
. Oftar spurt um aldur viðskiptavina og þar með eykst samfélagsleg ábyrgð fyrirtækisins.

Sveinn V. Ólafsson, fagstjóri öryggisáætlana og umhverfismála hjá Samgöngustofu hélt í morgun fyrirlestur um mikilvægi og kröfur til stjórnkerfa í flugtengdum rekstri. Sveinn kom inn á gæðakerfi, áhættustjórnun, skipulag, ábyrgðarmenn og fl.
Flugumferðin er alltaf að aukast. Möguleiki er að reka flugleiðsögu skv. 9001 forskriftinni. Nú er að koma ný reglugerð um flugrekstur (Air Operations). ORO.GEN.200 Management system. Í reglugerðinni er rætt um stjórnkerfi (management system) ekki gæðakerfi. Þar er lagt fram eitt stjórnkerfi þar sem á að skilgreina ábyrgð, hver er í fyrirsvari fyrir viðkomandi málefni. Í ISO er alltaf talað um æðstu stjórnendur en í fluginu er alltaf talað um hver er í fyrirsvari (accountability). Samgöngustofa er yfirleitt i sambandi við gæðastjóra, tæknistjóra og flugrekstrarstjóra en ekki þann sem er í forsvari. Í reglugerðinni sem tekur gildi 8.apríl er mikil vinna í gangi núna. Öryggisstjórnunarkerfi gengur að finna hættur, tilgreina þær og afgreiða þær á þann hátt að hægt sé að lágmarka hættuna af viðkomandi hættu. Krafa er um að greina ferlin.
ISO er alltaf að hugsa um viðskiptavininn. Flugið hugsar um öryggið ekki gæðin við viðskiptavininn, það er í höndum annarra. ISO 9001 er með þetta allt en ekki risk management. Í reglugerðinni er alveg skýrt að accountable manager er eigandinn ekki gæðastjórinn. Gæðastjórinn er að monitora.
Hér má sjá myndir af viðburðinum:

Stjórn faghóps um ISO þakkar Sveini V. Ólafssyni fyrir áhugaverðan fyrirlestur og Staðlaráði Íslands fyrir frábærar móttökur og gott kaffi.
https://www.facebook.com/media/set/?set=a.643874502347170.1073741910.110576835676942&type=3&uploaded=14

Myndatexti: Jóhann Snorri Sigurbergsson, forstöðumaður viðskiptaþróunar HS orku, Liv Bergþórsdóttir, forstjóri Nova og Gunnhildur Arnardóttir, framkvæmdastjóri Stjórnvísi.
Í dag, 28. febrúar 2013, voru niðurstöður Íslensku ánægjuvogarinnar 2013 kynntar og er þetta fimmtánda árið sem ánægja viðskiptavina íslenskra fyrirtækja er mæld með þessum hætti. Að þessu sinni eru niðurstöður birtar fyrir 21 fyrirtæki í 6 atvinnugreinum og byggja niðurstöður á 200-1300 svörum viðskiptavina hvers fyrirtækis. Sú breyting var gerð á fyrirkomulagi í ár að einungis var afhent viðurkenning til þeirra fyrirtækja sem eru með tölfræðilega marktækt hæstu einkunnina í viðkomandi atvinnugrein, þ.e. þar sem segja má með 95% vissu að viðskiptavinir fyrirtækisins með
hæstu einkunnina séu að jafnaði ánægðari en þess með næst hæstu einkunnina. Í ár var því afhent viðurkenning í tveimur flokkum; raforkumarkaði þar sem HS orka fékk viðurkenningu með 62,9 stig af 100 mögulegum og farsímamarkaði þar sem Nova var með marktækt hæstu einkunnina, 72,6 stig. Ekki voru afhentar viðurkenningar á bankamarkaði, tryggingamarkaði, í flokki olíufélaga eða fyrir sigurvegara ársins, en ÁTVR mældist með hæstu einkunnina í ár, 74,1, sem reyndist ekki tölfræðilega
marktækt hærri en einkunn Nova, sem var næsthæst. Einkunnir allra birtra fyrirtækja í hverri atvinnugrein má sjá hér: http://stjornvisi.is/anaegjuvogin
Athygli er vakin á siða- og viðmiðunarreglum um notkun á merki Íslensku ánægjuvogarinnar sem einnig voru kynntar nú í morgun:

1. Merki Íslensku ánægjuvogarinnar er í eigu félagsins Íslenska ánægjuvogin. Íslenska ánægjuvogin er í eigu Capacent ehf., Samtaka iðnaðarins og Stjórnvísis.
2. Þau fyrirtæki sem nafngreind eru í mælingum Íslensku ánægjuvogarinnar mega nota merkið í auglýsingum og kynningarefni að því gefnu að upplýsingar um niðurstöður og framkvæmd séu réttar.
3. Aðeins getur fyrirtæki sagst vera sigurvegari eða með ánægðustu viðskiptavinina á markaði ef ánægjuvogareinkunn þess er marktækt hæsta einkunnin í viðkomandi atvinnugrein. Að jafnaði er tölfræðilega marktækur munur á einkunnum aðeins til staðar ef munurinn nær um 3 stigum á 100 punkta kvarða og er þá miðað við 95% vissu.

Nánari upplýsingar veita Davíð Lúðvíksson hjá SI í síma 5910114/8246114, netfang david@si.is og Vilborg Helga Harðardóttir hjá Capacent Gallup í síma 5401074/8601074, netfang vilborg.hardardottir@capacent.is. Upplýsingar um Íslensku ánægjuvogina má
finna á: http://stjornvisi.is/anaegjuvogin.
Hér má sjá myndir af viðburðinum:
https://www.facebook.com/media/set/?set=a.641596435908310.1073741909.110576835676942&type=3&uploaded=32