Faghópur um stjórnun upplýsingaöryggis: Liðnir viðburðir

Viðburður: Mat á áhrifum á persónuvernd (MÁP)

Á fundinum verður fjallað um mat á áhrifum á persónuvernd (MÁP) og praktísk atriði sem því fylgja. Við fáum til okkar fulltrúa Persónuverndar, Rebekku Rán Samper, sem mun fjalla um lagalegu kröfurnar og framkvæmd MÁP og persónuverndarfulltrúa Landspítalans, Elínborgu Jónsdóttur, sem mun deila reynslusögum frá spítalanum í tengslum við MÁP. 

Fundurinn verður haldinn í Háskóla Reykjavíkur í stofu M215, 5. desember nk., kl. 9 - 10:30. 

Við í faghópi um persónuvernd hvetjum alla þá sem hafa áhuga á persónuvernd og öryggi persónuupplýsinga til að mæta og taka þátt í umræðunni. 

Join the meeting now 

Join the meeting

Í þessari kynningu faghóps Stjórnvísi um upplýsingaöryggi ætlum við að reyna að skoða hvers vegna við vinnum að bættu upplýsingaöryggi. Hvernig mætum við þeim kröfum sem eru gerðar til okkar þannig að sú nálgun skili árangri en sé ekki bara til að tikka í box eða bara til að forðast sektir?

Fyrri mælandi er Björgvin Sigurðsson, Teymisstjóri í stafrænu teymi Sambands sveitarfélaga. Björgvin er kerfisfræðingur frá HR með 27 ára reynslu úr upplýsingatækni. Hann ætlar að skoða sérstaklega landslagið varðandi netöryggismál sveitarfélaga, hvaða skref séu skynsamleg núna og segja okkur frá verkefni Sambandsins um net- og upplýsingaöryggi. 

Seinni mælandi er Sigrún Lilja Sigmarsdóttir, fagstjóri eftirlits með net- og upplýsingaöryggi mikilvægra innviða hjá stafrænu öryggi Fjarskiptastofu. Sigrún Lilja er iðnaðarverkfræðingur og hefur starfað við eftirlit og innri endurskoðun í 17 ár og er handhafi CISA (certified information security auditor) fagvottunar frá ISACA.

Fyrirlesturinn hennar er leitast við að svara spurningunni "Hvers vegna erum við að þessu?" og þá helst undirspurningunni "Hvers vegna þurfum við ráðstafanir til að stýra netöryggisáhættu?" Lögð verður sérstök áhersla á mikilvægi áhættuhugsunar og þar með áhættustjórnunar við stýringu á netöryggisáhættu. 

Join the meeting

• Skýrsla formanns yfir liðið ár. 
• Kosning stjórnar faghóps.
• Önnur mál. 

Framboð í stjórn faghópsins má senda á jonkristinn@ionradgjof.is

Microsoft Teams Need help?

Tengjast fundinum núna (Join Meeting now)

Erindið er haldið í samvinnu faghópanna: Gæðastjórnun og ISO staðlar, Loftslagsmál og Stjórnun upplýsingaöryggis. 

Dagskrá:

09:00-09:05 -  Kynning - Gná Guðjónsdóttir stjórnarmeðlimur faghópsins Gæðastjórnun og ISO staðlar kynnir faghópinn og fyrirlesarann og stýrir fundinum sem verður á Teams (hlekkur á fjarfundinn kemur inn hér daginn áður).

09:05-09:45 - Hverju skilar vottun skipulagsheilda með ISO stjórnunarkerfisstöðlum og í hverju liggur ávinningurinn?
Tengist ávinningur vottunar starfsmannahaldi, samkeppnishæfni, viðskiptavinum, ímynd, fjárhagslegri afkomu, bættu aðgengi að skjölum, bættu vinnulagi, betri nýtingu á aðföngum eða auðveldaði vottunin fyrir markaðs- og/eða kynningarstarfi hér á landi eða erlendis?

Kynntar verða niðurstöður MIS rannsóknar Elínar Huldar Hartmannsdóttur í upplýsingafræði hjá HÍ sem hún framkvæmdi vorið 2022. Hver var notkunin og hvaða ávinning töldu íslensk fyrirtæki og skipulagsheildir sig hafa af vottun á þremur stjórnunarkerfisstöðlum ISO 9001, ISO 14001 og ISO 27001.

09:45 – 10:00  Umræður og spurningar

Um fyrirlesarann:

Elín Huld Hartmannsdóttir

Starfar sem gæða- og skjalastjóri hjá Sýslumanninum á höfuðborgarsvæðinu, var áður í um eitt ár hjá Isavia meðfram námi. Var einnig sumarstarfsmaður á skjalasafni Forsætisráðuneytisins á námstímanum.

Elín vann áður sem hársnyrtimeistari og rak eigið fyrirtæki í 17 ár en lagði skærin á hilluna í orðsins fyllstu merkingu árið 2015.

Hún útskrifaðist frá HÍ með MIS í upplýsingafræði haust 2022 og fékk leyfisbréf bókasafns- og upplýsingafræðings og leyfisbréf kennara á leik-, grunn- og framhaldsskólastigi í framhaldinu.

Hjá Sýslumanninum á höfuðborgarsvæðinu starfa um 100 manns og íbúafjöldi í umdæmi embættisins er um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Join the meeting now

Næsta haust munu taka gildi auknar kröfur sem nefndar hafa verið NIS2. Við munum fá Unni Kristínu frá Fjarskiptastofu til að segja okkur meira um NIS2, hvaða fyrirtæki gætu verið innan breytts umfangs og hvaða kröfur verða gerðar á fyrirtæki og stofnanir með þessum breytingum. 

Að lokinni kynningu gefst tækifæri fyrir umræður og spjall. 

Join the meeting now

Smelltu hér til að tengjast fundinum

Mörg fyrirtæki hafa annað hvort innleitt SOC þjónustu eða eru að íhuga það. En er þetta fyrir alla og hverju mega fyrirtæki vænta að fá með svona þjónustu?

Við fáum Robby Perelta til að deila af reynslu sinni með okkur, fjalla um hverjir ættu helst að íhuga að notast við lausnir sem þessar og hvað sé mikilvægt að hafa í huga. KYNNING FER FRAM Á ENSKU

Eftir kynningu frá Robby verður tími fyrir umræður og vonum við að sem flest taki þátt. 

Um Robby: 

Robby Peralta is the host of the mnemonic security podcast, as well as an individual who has worked 8 years within the SOC space.

During those years, Robby has worked with a variety of organizations, private and governmental, all across Europe with their security monitoring efforts.

Robby will share his experiences and knowledge on who should consider a SOC service, and the most common ways of implementing it these days.

Smelltu hér til að tengjast fundinum
Gervigreind er alltumlykjandi og ljóst að áhrif hennar eru mikil. 

Í þessari kynningu ætlum við annars vegar að skoða hvernig gervigreindin er að hafa áhrif á ógnir og upplýsingaöryggi og hins vegar hvernig gervigreind getur hjálpað fyrirtækjum í vörnum gegn nútíma upplýsingaöryggisógnum. Þessi kynning er unnin í samvinnu faghóps Stjórnvísi um Gervigreind og faghóps um upplýsingaöryggi. 

Fyrri kynning: Þögul innrás gervigreindar: mun þitt fyrirtæki lifa af?

Á meðan almenningur er upptekinn í spjalli við ChatGPT og Dall-E fikti, er þróun að eiga sér stað á bakvið tjöldin sem mun gjörbreyta daglegum rekstri fyrirtækja og kúvenda hegðun neytenda. Frá heilbrigðisþjónustu til fjármála, frá landbúnaði til fataverslana, þá er spurningin ekki lengur hvort gervigreind muni hafa áhrif á þitt fyrirtæki, heldur hvenær og hvernig - og hvort þið séu tilbúin.

Tryggvi Freyr Elínarson er einn af stofnendum og eigendum Datera og hefur yfir 20 ára reynslu í stafrænni markaðssetningu og viðskiptaþróun. Samhliða innlendum og erlendum verkefnum hefur Tryggvi markvisst byggt upp öflug tengslanet og státar því sterkum tengslum í innstu röðum hjá fyrirtækjum á borð við Facebook, Google, TripAdvisor, Snapchat, Tiktok, og Smartly, og því oftar en ekki með aðgang að upplýsingum og tækninýjungum sem ekki allir hafa.

Seinni kynning: Rachel Nunes frá Microsoft segir okkur hvernig öryggislausnir Microsoft aðstoða fyrirtæki að verjast ógnum gegn upplýsingaöryggi. KYNNING FER FRAM Á ENSKU.

Smelltu hér til að tengjast fundinum

Smelltu hér til að tengjast fundinum

Í hinum síbreytilega heimi upplýsingaöryggis er oft gott að byrja á að skilgreina hvað sé um rætt þegar talað er um upplýsingaöryggi. Viðmið og lágmark er sífellt að breytast og þess vegna mikilvægt að sem flest séum við með sömu hugmyndir um hverju sé verið að stefna að og hvernig því marki skuli náð. 

Við ætlum að fá Bryndísi Bjarnadóttur, sérfræðing hjá CERT-ÍS til að fara aðeins með okkur í gegnum hvað upplýsingaöryggi sé fyrir CERT-ÍS og hver séu hin nýju lágmörk upplýsingaöryggis. 

Smelltu hér til að tengjast fundinum

Click here to join the meeting 
Stjórn faghóps um upplýsingaöryggi boðar hér til aðalfundar fyrir starfsárið 2022-2023.  Farið verður yfir ýmis málefni er varðar faghópinn ásamt því að kjósa nýja stjórn og formann. 

Dagskrá fundar:

• Kynning á faghópnum    
• Samantekt á starfi vetrarins
• Kosning formanns og stjórnar 
• Næsta starfsár faghópsins
• Önnur mál 

Þeir sem hafa áhuga á að taka að sér formennsku stjórnar eða taka sæti í stjórn geta haft samband við Önnu Kristínu Kristinsdóttur, formann stjórnar faghópsins, í gegnum netfang annakk86@gmail.com eða í síma 692-5252.

Fundurinn fer fram í formi fjarfundar 

Click here to join the meeting 

Menntun og fræðsla upplýsingaöryggisstjóra er enn eitt verkefnið sem við stöndum frammi fyrir 
og margir eiga erfitt með. 
 
Umræðan um hvaða þekking sé nauðsynleg eða mikilvæg fyrir upplýsingaöryggisstjóra
hefur lengi verið til staðar og algengt að spá hvort sé mikilvægara að hafa tæknilega 
eða skipulagslega þekkingu eða hvort að lausnin sé kannski blanda af þessu tvennu.
 
En leitin að hvaða þekking sé mikilvægust og hvaðan sé best að sækja þá þekkingu er
oft ekki auðfundin. Á þessum viðburði verður fjallað um hvaða möguleikar eru í boði og 
hvers vegna það er mikilvægt fyrir upplýsingaöryggisstjóra að sækja sér menntun og fræðslu. 
Menntun og fræðsla upplýsingaöryggisstjóra er enn eitt verkefnið sem við stöndum frammi fyrir 
og margir eiga erfitt með. 
 

Faghópur um upplýsingaöryggi vill vekja athygli á því að Tækninefnd TN-IoT hjá Staðlaráði Íslands stendur fyrir norrænum netfundi um Netöryggi IoT lausna - Nordic IoT Webinare, sem ber yfirskriftina Consumer IoT Cybersecurity labelling. 

Netfundurinn fer fram þann 3.maí næstkomandi kl.8:45-10:15 og er aðgangur ókeypis. 

Hér meðfylgjandi má finna skráningarsíðu viðburðarins - Nordic IoT Webinar. 

Tengill á fundinn er hér: Click here to join the meeting

Auðkennamál eru eitt helsta verkefni sem upplýsingaöryggisstjórar og stjórnendur tölvukerfa standa frammi fyrir - hvernig getum við verið viss um að notendur séu sannarlega þau sem þau segjast vera?

Traust auðkenni er grundvöllur þess að hægt sé að veita aðgang að upplýsingum og með tilkomu tískuorða eins og Zero-Trust-Architecture halda málin áfram að flækjast. Hversu langt er nauðsynlegt að ganga til að staðfesta auðkenni notenda? 

Til að upplýsa okkur um leiðir til að takast á við þetta verkefni höfum við fengið tvo flotta mælendur, Auði Ester Guðmundsdóttur teymisstjóra innan heilbrigðis- og upplýsingatæknideildar Landspítalans og Guðmund Pétur Pálsson Microsoft-hönnuð hjá Isavia.

Auður Ester er tölvunarfræðingur frá HR  og hefur starfað hjá Landsspítalanum í 25 ár. Hún mun fjalla um aðgangsmál og aðgangsveitingar á Landspítalanum, hvernig þessum málum var háttað áður vs. núna og hvaða áskoranir þau eru að eiga við.

Guðmundur Pétur er með um 30 ára reynslu í upplýsingatækni, Microsoft Certified Master og Microsoft Certified Trainer, hefur síðustu 15 árin verið ráðgjafi hjá Opnum kerfum og kennari hjá Prómennt. Hann mun fara yfir hvernig Microsoft nálgast auðkenningu og aðgangsveitingar, hvað aðferðafræði er beitt og hvert stefnir.  Hvað sé auðkenni og auðkenning, hvað þurfi til að fá aðgang að auðlindum.

Tengill á fundinn er hér: Click here to join the meeting

Staðarfundur hjá Origo, Borgartún 37 og á Teams
SL lífeyrissjóður hefur einkum á síðustu árum unnið að og lagt mikla áherslu á gæðastarf sjóðsins þar sem mjög góður árangur hefur náðst. SL er eini lífeyrissjóðurinn sem hefur náð alþjóðlegri faglegri vottun á Íslandi, með ISO 9001, ISO 27001 og ISO 14001 sem er umhverfisstaðal og kemur m.a. að fjárfestingum sjóðsins.  Vitað er að fáir evrópskir lífeyrissjóðir hafa náð samskonar árangri. Sjóðurinn hefur skilað einna hæstu raunávöxtun fyrir sína sjóðfélaga yfir langt tímabil sem er afurð mikils umbótarvilja og vandaðrar vinnu. Við síðustu úttekt BSI á Íslandi komu fram engin frávik né ábendingar frá úttektaraðila, á öllum þremur stöðlum, og því gæti leynst eitthvað áhugavert í kynningu sjóðsins.

Sigurbjörn Sigurbjörnsson, framkvæmdastjóri, fjallar um vegferð sjóðsins að vottununum þremur. Auk þess mun Ágúst Kristján Steinarrsson, ráðgjafi Viti ráðgjöf, fjalla um vinnuna frá sjónarhóli ráðgjafa og verkefnastjóra, en hann hefur tekið þátt í vegferð SL frá upphafi

Staðarfundur hjá Origo, Borgartún 37 og á Teams

Hlekk í viðburðinn (Microsoft Teams) er að finna hér.

Reynslusögur frá aðilum sem hafa lent í öryggisbresti

Öryggisbrestum fer fjölgandi. Umfjöllun um þá er einnig vaxandi og verkefni okkar er að koma í veg fyrir eða draga úr áhrifum þeirra á rekstur.

Það virðast hins vegar allir geta lent í öryggisbresti og nauðsynlegt að tala um þá þannig að sem flestir geti
dregið lærdóm af. Hvað gerist? Hver eru viðbrögðin? 
Við fáum tvo góða fyrirlesara sem miðla af reynslu sinni af því að standa í miðjum storminum til að tala um  atvik sem þeir lentu í og viðbrögð þeirra.

Fyrirlesarar eru:
Jóhannes S. Rúnarsson, Strætó bs
Hákon Svanþórsson, Geislatækni ehf.

Smelltu á þennan texta til að komast í viðburðinn á Microsoft Teams

Hægt er að tengjast í tölvunni, farsímaforritinu eða tæki herbergisins

Smelltu hér til að tengjast fundinum

Verðmætastjórnun og flokkun verðmæta er eitt mikilvægasta verkefni stjórnkerfa og er eitt fyrsta verkefnið sem staðlar og leiðbeiningar leggja til að sé framkvæmt. Flokkun verðmæta eftir leynd, réttleika og tiltækileika getur gert alla vinnu markvissari og er því sannarlega grundvöllur helstu verkefna okkar sem hrærumst í upplýsingaöryggi. 

Á sama tíma flækist þetta verkefni fyrir mörgum og vildum við í Faghópi Stjórnvísi um upplýsingaöryggi þess vegna reyna að varpa ljósi á verkefnið, en einfaldar lausnir í þessum málum geta skipt miklu máli og gert verkefnið viðráðanlegra. 

Við höfum fengið Svavar G. Svavarsson, Global Security & Privacy Director hjá Össur til að koma að tala um þetta og hvernig verðmætastjórnun tengist við áhættustjórnun fyrirtækisins. 

Click here to join the meeting

FramtíðarGróska – Innlendir innviðir og alþjóðlegar ógnanir

Tvö stutt erindi um innviði til að takast á við framtíðaráskoranir, ásamt hugleiðingum um áherslur Sameinuðu þjóðanna, til að takast á við „Svörtu fílanna“ við sjóndeildarhringinn. Staðarfundur með kaffi og smá veitingum.

Alþjóðlegar ógnanir, ráð og stefnukostir

     Karl Friðriksson, framkvæmdastjóri Framtíðarseturs Íslands

Þjóðaröryggisráð Íslands. Hlutverk og starfsemi

     Þórunn J. Hafstein, ritari þjóðaröryggisráðs

Fundurinn er í formi fjarfundar, hér er beinn hlekkur á fundinn.

Október er Evrópski netöryggismánuðurinn (e. European Cybersecurity Month), þar sem Netöryggisstofnun Evrópusambandsins (ENISA) í samstarfi við aðildarríki Evrópusambandsins heyja árlega herferð til að efla netöryggi og auka vitundarvakningu meðal borgara og stofnana þess. Í ár fagnar þetta samstarfsverkefni 10 árum og í tilefni þess er þema mánaðarins veiðipóstar (e.phising) og gagnagíslataka (e. ransomware). 

Faghópur um upplýsingaöryggi vill leggja sitt að mörkum og heldur því viðburð um þessi málefni þar sem lagðar verða fram einfaldar leiðir og nálgun til að varast og bregðast við vefveiðum og gagnagíslatöku. 

Hér er hlekkur á fundinn á Zoom!
Heimsfaraldur, skriður, eldgos og óveður: Hvernig er hægt að eiga í hreinskiptum samskiptum við almenning þegar náttúran hefur tekið völdin? 


,,Víðir og almættið - Samtal við almenning um almannatengsl” er fundur á vegum faghóps um almannatengsl hjá Stjórnvísi þar sem við ræðum við þau Víði Reynisson, sviðsstjóra Almannavarna, og Hjördísi Guðmundsdóttur, samskiptastjóra almannavarna, um samskipti við almenning þegar mikið liggur undir. Ásta Sigrún Magnúsdóttir, upplýsingafulltrú menningar- og viðskiptaráðuneytisins, og Gunnar Hörður Garðarsson, samskiptastjóri ríkislögreglustjóra, leiða umræðurnar.

Hér er hlekkur á fundinn á Zoom!

Fundurinn er í formi fjarfundar, smellið hér til að komast inn á fundinn. 

Fyrr á þessu ári kom út ný útgáfa af ISO/IEC 27002:2022 staðlinum um Upplýsingaöryggi, netöryggi og persónuvernd - Upplýsingaöryggisstýringar. Töluverðar breytingar voru gerðar á staðlinum þar sem greinar voru sameinar, ýmsar kröfur duttu út og öðrum bætt við. Á þessum viðburði mun Ólafur Róbert Rafnsson, ráðgjafi og formaður tækninefndar  hjá Staðlaráði Íslands um upplýsingaöryggi og persónuvernd fara yfir hverjar helstu breytingarnar á staðlinum voru, hvað felst í þeim og að hverju skipulagsheildir þurfi að huga fyrir vottun á staðlinum. 

Linkur á fundinn

Faghópur um aðstöðustjórnun í samstarfi við faghóp um upplýsingaröryggi mun hér fjalla um öryggi á vinnuaðstöðu sem starfsfólk vill geta treyst á. Fjallað verður um öryggi frá ýmsum aðstöðutegundum og málaflokkum, bæði út frá öryggi í vinnuumhverfinu og út frá upplýsingaröryggi. 

Meðal spurninga sem verður svarað eru:

Hverjar eru öryggisógnir? Hvað þarf að verja? Hvernig er það varið? Hvernig er upplýsingagjöf háttað?

Ásta Rut Jónasdóttir, deildarstjóri innkaup og eignaumsjón hjá Securitas.

Böðvar Tómasson, framkvæmdastjóri hjá Örugg verkfræðistofa.

Fundurinn er í formi fjarfundar, smellið á hlekkinn hér til að komast inn á fundinn. 

Við hefjum veturinn á kyninngu á grunnatriðum um upplýsingaöryggi. Fjallað verður um hvað upplýsingaöryggi er og hverju skipulagsheildir þurfi að huga að. Við munum fara yfir hvernig upplýsingöryggi hefur breyst og þá munu framsöguaðilar einnig miðla með okkur reynslu sinni. 

Hvort sem þú villt rifja upp megináherslur upplýsingaöryggis eða ert að kynna þér málaflokkinn þá er þetta rétti fyrirlesturinn fyrir þig. 

Nú er góðum lærdómsvetri senn að ljúka þar sem við fengum til okkar frábæra fyrirlesara. Þrátt fyrir marga góða fyrirlestra undanfarin misseri eru það oft umræðurnar sem skilja hvað mest eftir sig. 

Á þessum viðburði Faghóps um upplýsingaöryggi ætlum við að láta reyna á nýtt fyrirkomulag þar sem umræður munu leika aðalhlutverkið. Við höfum fengið með okkur marga af fyrirlesurum seinasta árs til að vera tilbúin í umræður og svara spurningum. Þetta fyrirkomulag köllum við Spjallborðsumræður - þar sem hver sem er getur spurt hvern sem er að einhverju sem þeim langar til að fræðast meira um. 

Margar af undanförnum kynningum hafa lýst hvernig fyrirlesarar stefna á eða eru að takast á við áskoranir og áhættur tengdar upplýsingaöryggi. Núna gefst okkur tækifæri til að heyra hvernig sú vegferð gengur. Þá er einnig tækifæri til að spyrja þeirra brennandi spurninga sem gafst ekki tækifæri til að spyrja seinast.

Hægt verður að senda inn spurningar eða tillögur að umræðuefni fyrir fundinn til að þau sem standa fyrir svörum hafi tækifæri til að undirbúa sig enn betur (nánari upplýsingar koma síðar). Þá verður einnig hægt að spyrja spurninga á viðburðinum sjálfum. 

Hlökkum til að sjá sem flesta! 

Stjórn faghóps um upplýsingaöryggi boðar hér til aðalfundar fyrir starfsárið 2021-2022.  Farið verður yfir ýmis málefni er varðar faghópinn ásamt því að kjósa nýja stjórn og formann. 

Dagskrá fundar:

• Kynning á faghópnum    
• Samantekt á starfi vetrarins
• Kosning formanns og stjórnar 
• Næsta starfsár faghópsins
• Önnur mál 

Þeir sem hafa áhuga á að taka að sér formennsku stjórnar eða fara í stjórn geta haft samband við Önnu Kristínu Kristinsdóttur, formann stjórnar faghópsins, í gegnum netfang annakk86@gmail.com eða í síma 692-5252.

Fundurinn fer fram á teams, hér er beinn hlekkur á fundinn. 

Fundurinn verður haldinn á Teams. Hér er hlekkur á fundinn.  

Kröfur um upplýsingagjöf og rýni stjórnenda eru fjölbreyttar, hvort sem þær eru kröfur ISO27001 um rýni stjórnenda eða leiðbeiningar um góða stjórnarhætti. Reglulega þarf að fara fram rýni á mikilvægum þáttum upplýsingaöryggis (s.s. markmiðum, eftirlitsaðgerðum, stefnum og ferlum) til að tryggja virkni og rýna hvort stjórnkerfið henti áfram í óbreyttri mynd. Þá er einnig mikilvægt að stjórnendur séu meðvitaðir um stöðu og þroskastig og þekki þær áhættur sem steðjað geta að þeirra skipulagsheild m.a. svo hægt sé að forgangsraða og veita verkefnum nauðsynlegan stuðning. 

Mörgum þykja mál tengd upplýsingaöryggi flókin, skilja ávallt ekki þær kröfur sem fara ber eftir eða þykir það ekki hafa næga tæknilega þekkingu. Það getur því verið krefjandi að kynna og upplýsa stjórnendur um svo mikilvægt málefni. Í ljósi þess þarf upplýsingagjöf til stjórnenda að vera markviss, gagnleg og tímanleg. Hægt er að nýta margvíslegar leiðir til þess!

Á þessum viðburði fáum við að kynnast því hvernig þrjú fyrirtæki hafa komið sér upp aðferðum sem notaðar eru til þess að upplýsa stjórnendur, kynnumst þeim aðferðum og fáum að heyra hvernig þær hafa virkað. 

Ragna Elíza Kvaran, Upplýsingaöryggisstjóri hjá VÍS. Ragna hefur unnið í tíu ár hjá VÍS og hefur sinnt þar gæðamálum, verið skjalastjóri og persónuverndarfulltrúi en er nú upplýsingaöryggisstjóri og hefur sinnt því hlutverki frá árinu 2014. Ragna er með meistaragráðu í Electronic Information Management og B.A. í bókasafns- og upplýsingafræði. Ragna segir frá innleiðingu á verklagi í samskiptum sínum við innri nefndir og nefndir á vegum stjórnar. Hvernig VÍS hefur með einföldu skipulagi tryggt nauðsynlega upplýsingagjöf til nefnda og stjórnar. Einnig tryggt að upplýsingaöryggi sem málaflokkur sé reglulega á dagskrá, að umræður og ákvarðanir séu skjalaðar með réttum hætti og verið sé að fylgja því stjórnskipulagi sem stjórn setur. 

Ragnar F. Magnússon, Upplýsingaöryggisstjóri hjá Landsvirkjun. Ragnar er menntaður rafmagnsverkfræðingur frá KTH í Stokkhólmi og er með SANS vottanir í GCIH, GPEN og GCFA. Hann hefur víðtæka reynslu af upplýsingaöryggi og hefur m.a. starfað sem tæknilegur öryggisstjóri hjá Arion Banka og sérfræðingur í upplýsingaöryggi hjá Nýherja. 

Arnar S. Gunnarsson, Director of IT Security hjá Controlant. Arnar hefur unnið við hönnun og rekstur tölvukerfa í tæp 20 ár og hefur sérhæft sig í öryggismálum í meira en 12.ár. Hann hefur haldið erindi á fjölda ráðstefna erlendis um öryggismál og hefur unnið með stærstu fyrirtækjum landsins á þeim vettvangi. Áður starfaði hann sem Innviðahönnuður Arion Banka og Tæknistjóri hjá Origo. Arnar er með fjölda af alþjóðlegum öryggisgráðum en þar má t.d. nefna "Hacking Forensic Investigator" og ,,Ethical Hacker". Arnar er þessa dagana að ljúka við MBA gráðu hjá HR. 

Click here to join the meeting 

Fjölmörg fyrirtæki hafa lagt af stað í stafræna vegferð með það markmið að einfalda og besta ferla, auka skilvirkni og bæta þjónustu við viðskiptavini sína. En hvernig er hugað að upplýsingaöryggi þegar markmið slíkra vegferða er oft að reyna að hlaupa sem hraðast? Mikið af þeim ferlum sem verið er að bæta snúast m.a. um trúnaðarupplýsingar starfsfólks eða viðskiptavina og þess vegna er sérstaklega mikilvægt að vel sé staðið að málum þegar þegar slíkar breytingar eru gerðar á tengdum ferlum. 

Á þessum viðburði mun faghópur um upplýsingaöryggi leitast við að skoða hvernig fyrirtæki og stofnanir sem eru framarlega og hafa verið sýnileg í stafrænni vegferð sinni tryggja öryggi upplýsinga. 

Þröstur leiðir Stafræna Reykjavík hjá Reykjavíkurborg. Hann hóf störf hjá borginni 2017 eftir að hafa starfað í 7 ár hjá Vinnumálastofnun sem ráðgjafi og þjónustustjóri. Helstu verkefni Stafrænnar Reykjavíkur snúa að stafrænni verkefna- og vörustýringu, innleiðingu hugbúnaðar, stafrænum leiðtogum og vefmálum. Þröstur er með BA gráðu í Tómstunda- og félagsmálafræði frá HÍ, hefur meðal annars lokið PMD stjórnunarnámi frá HR og námi í Digital Innovation Leadership frá Harvard Kennedy School.   

Tengill á fund

Fjallað verður um netöryggissveit CERT-IS sem starfrækt er af Fjarskiptastofu, þá verður einnig sagt frá nýjum samstarfssamningi sem aðildarfyrirtæki Samorku var að ganga frá við InfraCERT sem er sérhæft viðbragðsteymi fyrir orkufyrirtæki. 

Guðmundur Arnar Sigmundsson, forstöðumaður CERT-IS netöryggissveitar Fjarskiptastofu. Guðmundur er að leiða netöryggissveitina í gegnum mikinn uppbyggingarfasa en CERT-IS  stuðlar að bættu öryggi þjónustuhóps síns og íslenskrar netlögsögu með því að leitast við að fyrirbyggja og draga úr skaða vegna öryggisatvika og áhættu hjá þjónustuhópi sínum og í íslenskri netlögsögu. Þá sinnir CERT-IS einnig viðbrögðum við öryggisatvikum, veikleikum og annarri áhættu. Guðmundur mun fara yfir núverandi stöðu CERT-IS, stærð, markmið og hlutverk sveitarinnar og mengi stofnana og fyrirtækja sem það sinnir netöryggisvörnum fyrir. 

Halldór Halldórsson, öryggisstjóri hjá Landsnet, hlutverk Landsnets er að flytja raforku frá raforkuframleiðendum til dreifiveitna og stórnotenda um allt land. Halldór er einnig formaður neyðarsamstarfs  raforkukerfisins NSR, formaður netöryggisráðs Samorku og fulltrúi Íslands í neyðarsamstarfi raforkukerfa noðurlanda NordBER. 

Aðildarfyrirtæki Samorku, samtök orku- og veitufyrirtækja á Íslandi hafa undirritað samninga við InfraCERT/Kraft-CERT, en hjá InfraCERT er starfandi viðbragðsteymi með sérþekkingu á kerfum og búnaði sem orkufyrirtæki nota. Halldór mun segja okkur frá því hvað felst í þessum samningi og samstarfi. 

Olgeir Helgason, upplýsingaöryggisstjóri og sérfræðingur í stjórnunarkerfum Orkuveitu Reykjavíkur (OR). Orkuveita Reykjavíkur og dótturfélögin Veitur, Orka náttúrunnar, Ljósleiðarinn og Carbfix. hafa innleitt og fengið vottuð eða viðurkennd átta stjórnunarkerfi. Olgeir segir í örstuttu máli frá því hvernig OR sér fyrir sér að nýta sér samninginn og samstarfið við InfraCERT/Kraft-CERT. 

Click here to join the meeting

Aukin krafa er á fyrirtæki og stofnanir að ganga úr skugga um að birgjar eða þjónustuaðilar sem notaðir eru uppfylli viðeigandi kröfur um öryggi. Hér verður leitast eftir að skoða hvaða leiðir eru færar við stýringu á birgjum og hvernig hægt er að sýna fram á að þeir uppfylli viðeigandi öryggiskröfur. Við höfum fengið til liðs við okkar þrjá sérfræðinga; 

Aldís Geirdal Sverrisdóttir, teymisstjóri lögfræðiþjónustu Þjónustu- og nýsköpunarsviðs Reykjavíkurborgar. Lögfræðiþjónustan sinnir helst verkefnum á sviði opinberra innkaupa, persónuverndar og  stafrænna verkefna. Aldís mun skoða hvaða kröfur er hægt að gera í upphafi ferils þegar unnið er að útboðum og samningum.

Úlfar Andri Jónasson er verkefnastjóri í netöryggisþjónustu Deloitte á Íslandi. Hann er með ýmsar vottanir tengdar upplýsingaöryggi, þar á meðal Certified Information Systems Security Professional (CISSP) og Certified Information Systems Auditor (CISA). Úlfar hefur stjórnað og framkvæmt fjölda úttekta á upplýsingaöryggismálum viðskiptavina Deloitte, þar á meðal veikleikagreiningar, innbrotsprófanir og kóðarýni. Þá hefur Úlfar aðstoðað fyrirtæki við hönnun og innleiðingu stýringa tengdu netöryggi og innra eftirliti, auk þess að hafa víðtæka reynslu í kerfisstjórnun og ýmsar vottanir frá Microsoft í kerfisrekstri. Einnig hefur Úlfar tekið að sér hlutverk upplýsingaöryggisstjóra í útvistun. Úlfar er meðlimur í evrópsku viðbragðsteymi Deloitte vegna netöryggisógna og innbrota í tölvukerfi.

Úlfar mun fara yfir landslagið hvað varðar árásir á þjónustuaðila og hvað sé hægt að gera. Aldís skoðar hvaða kröfur er hægt að gera í upphafi ferils þegar unnið er að útboðum og samningum.

Sigurður Már Eggertsson, persónuverndarfulltrúi byggðasamlagana sveitarfélaganna á höfuðborgarsvæðinu (SHS, Strætó og SORPA). Hann er lögfræðingur að mennt og hefur komið að innleiðingu persónuverndarlaga hjá hinum ýmsu stofnunum og sveitarfélögum. Sigurður mun fara yfir mögulegar leiðir til þess að rýna þjónustu þjónustuaðila og þar með tryggja virkt eftirlit með því að þeir viðhaldi öryggi upplýsinga í samræmi við öryggiskröfur og ákvæði samninga. 

Tengill á aðalfund

Stjórn faghóps um upplýsingaöryggi boðar hér til aðalfundar fyrir starfsárið 2021-2022.  Farið verður yfir ýmis málefni er varðar faghópinn ásamt því að kjósa nýja stjórn og formann. 

Dagskrá fundar:

• Kynning á faghópnum    
• Samantekt á starfi vetrarins
• Kosning formanns og stjórnar 
• Næsta starfsár faghópsins
• Önnur mál 

Þeir sem hafa áhuga á að taka að sér formennsku stjórnar eða fara í stjórn geta haft samband við Önnu Kristínu Kristinsdóttur, formann stjórnar faghópsins, í gegnum netfang annakk86@gmail.com eða í síma 692-5252.

Microsoft Teams meeting

Click here to join the meeting

______________________

Örar breytingar í umhverfi fyrirtækja fela í sér aukna áhættu í rekstri, því er mikilvægt að fyrirtæki séu meðvituð um þá hættu sem ógnað getur starfsemi þeirra. Þá þurfa fyrirtæki einnig að hlíta við kröfum laga og reglugerða hvað varðar áhættustjórnun. Fyrirtæki þurfa að greina, meta, stýra, hafa eftirlit með og endurskoða áhættu í starfsemi sinni en til þess þarf að vera til staðar skýrt og skilgreint ferli.

Fyrirtækin CreditInfo og Orkuveita Reykjavíkur munu miðla reynslu sinni m.a. hvaða aðferðir og umgjörð þau hafa skapað sér við áhættustjórnun ásamt því hvaða ljón hafa orðið á vegi þeirra í vegferðinni.

Sigríður Laufey Jónsdóttir, persónuverndarfulltrúi og forstöðumaður Þjónustu- og lögfræðingasviðs Creditinfo. Laufey er lögfræðingur frá Háskóla Íslands með héraðsdómslögmannsréttindi. Áður starfaði hún sem sviðsstjóri hjá Umboðsmanni skuldara, sem sviðsstjóri hjá Motus og Lögheimtunni og sem forstöðumaður í Búnaðarbanka Íslands. Laufey hefur starfað hjá Creditinfo frá árinu 2015 og tekið þátt í að innleiða nýju persónuverndarlöggjöfina í starfsemi félagsins.

Ábyrg meðferð og vinnsla upplýsinga er hornsteinninn í starfsemi Creditinfo. Félagið hefur innleitt og fengið vottaðan ISO 27001 staðalinn um stjórnun upplýsingaöryggis. Persónuverndarfulltrúi og upplýsingaöryggisstjóri hafa unnið náið saman að gerð áhættumats. Hafin er vinna við að samþætta og samræma gerð áhættumats á upplýsingaöryggi og persónuvernd. Farið verður yfir það af hverju Creditifno telur slíkt vænlegt og hvaða skref hafa verið tekin í þá átt.  

Olgeir Helgason, sérfræðingur í stjórnunarkerfum og upplýsingaöryggisstjóri Orkuveitu Reykjavíkur (OR). Olgeir er með  BS í rafmagnstækifræði frá Odense Teknikum (nú SDU í Danmörku). Lauk viðskipta- og rekstrarfræði frá HÍ. Hóf störf árið 1984 hjá Rafmagnsveitu Reykjavíkur sem síðar varð að Orkuveitu Reykjavíkur og hefur gegnt 3 mismunandi störfum innan samstæðunnar á öllum þessum árum.

Orkuveita Reykjavíkur og dótturfélögin Veitur, Orka náttúrunnar, Gagnaveita Reykjavíkur og Carbfix hafa innleitt og fengið vottuð eða viðurkennd átta stjórnunarkerfi. Flest kerfanna eru lögbundin stjórnunarkerfi sem byggja á vottuðum stjórnunarkerfum og er áhættu grunduð hugsun komin inn í öll stöðluðu stjórnunarkerfin. OR reyndi að meðhöndla og skrá áhættur allra stjórnunarkerfanna eftir einu og sama kerfinu og vinna með áhættur á sama hátt hvort sem um var að ræða áhættur vegna gerlamengunar í köldu vatni, nýtingaráætlunar gufu á Hellisheiði eða bilunar í afritunarþjarki fyrir UT -  Sjáum hvernig fór!

Click here to join the meeting
Á viðburðinum munu þrjár öflugar konur sem starfa sem upplýsingaöryggisstjórar á mismunandi vettvangi miðla með okkur reynslu sinni og fara m.a. yfir hver helstu hlutverkin og verkefnin séu, hvað ákvarðar mikilvægi málaflokksins ásamt því að taka umræðu um hvaða kosti sé mikilvægt að hafa til að sinna hlutverki upplýsingaöryggisstjóra.  En það eru þær Elísabet, Guðríður og Ragna sem munu miðla með okkur reynslu sinni. 

Elísabet Árnadóttir, öryggisstjóri Advania. Elísabet er verkfræðingur með gráðu í viðskiptafræði og með próf í verðbréfamiðlun. Hún stýrir einnig áhættumati, áhættugreiningu og umbótaverkefnum í upplýsingaöryggi. Hún hefur víðtæka reynslu af stjórnun og ráðgjöf hjá framleiðslu-, fjármála- og fjarskiptafyrirtækjum og hefur annast gæðastjórnun, upplýsingaöryggi og áhættustjórnun. Elísabet hefur byggt upp og rekið gæðakerfi með ISO stöðlunum og ITIL og hefur starfað sjálfstætt, hjá Össuri og hjá Arion banka ásamt því að hafa setið í stjórn Lífsverks, lífeyrissjóðs verkfræðinga.

Guðríður Steingrímsdóttir, gæða- og upplýsingaöryggisstjóri Veritas. Guðríður er lyfjafræðingur og með vottun í verkefnastjórnun. Hún starfaði áður í lyfjaskráningum þar sem gæða- og öryggismál eru hátt metin en hefur starfað sem upplýsingaöryggisstjóri frá árinu 2017 þegar hún tók við starfi sem gæða- og upplýsingaöryggisstjóri hjá Veritas.

Ragna Elíza Kvaran, upplýsingaöryggisstjóri VÍS. Ragna hefur unnið í tæp tíu ár hjá VÍS og hefur sinnt gæðamálum, verið skjalastjóri og persónuverndarfulltrúi. Framtíðarsýn VÍS er að verða stafrænt þjónustufyrirtæki en því fylgja einnig áskoranir við að tryggja öryggi upplýsinga. Mikil áhersla er á þennan málaflokk hjá félaginu með dyggum stuðningi stjórnenda og stjórnar.

Hlekkur á fundinn

Vitundarmál vegna upplýsingaöryggis geta verið margskonar og að mörgu sem hægt er að huga. Á þessari kynningu ætlum við að skoða vitundarmál í víðu samhengi og skoða tækifæri til að gera enn betur. Við skoðun hvernig fyrirtæki standa að innri og ytri samskiptum en líka hvernig stuðlað er að aukinni vitund meðal borgara landsins. Samvinna og samstarf verður til grundvallar enda oft leiðin að farsælli og hagkvæmri lausn. 

Hermann Þór Snorrason, sérfræðingur á Fyrirtækjasviði Landsbankans segir frá því hvernig Landsbankinn stendur að vitundarvakningu um netöryggi gagnvart bæði einstaklingum og fyrirtækjum. Í erindinu fjallar Hermann um ytri netöryggisfræðslu bankans, ferlinu við textaritun, hvernig gagnaöflun er háttað, samstarfinu við auglýsingastofur og erlenda banka, hann lýsir viðbrögðum viðskiptavina við fræðsluefninu og fleiru í þeim dúr. Hermann hefur m.a. stýrt netbönkum og vefþjónustum Landsbankans og vann að innleiðingu RSA-öryggiskerfisins sem byggir m.a. á mynstur- og umhverfisgreiningum og hefur ritað fjölda greina um netöryggismál banka.

Daði Gunnarsson hjá Lögreglunni á Höfuðborgarsvæðinu segir okkur frá samstarfi lögreglu um allan heim þegar kemur að netbrotamálum og hver þróunin er innan íslensku lögreglunnar þegar kemur að þessu ört vaxandi máli. Farið yfir skýrslu EUROPOL um skipulögð afbrot á netinu (IOCTA) og hvað sé sameiginlegt með henni og raunveruleikanum á Íslandi. Þá ræðir hann um samstarfsaðila á sviði netbrota og netöryggis bæði innlenda og erlenda. Þá fer hann einnig yfir námskeið sem í boði er fyrir verðandi lögreglumenn í Háskólanum á Akureyri með áherslu á netbrot og netöryggi. Daði er með MSc. í Forensic computing and cybercrime investigations frá UCD og er með CFCE vottun frá IACIS. Hann hefur sótt mörg námskeið á vegum lögreglunnar í tengslum við netbrot og netrannsóknir ásamt því að kenna í Háskólanum á Akureyri, Lögregluháskólanum í Noregi (PHS), Evrópska lögregluskólanum (CEPOL) og gert námsefni fyrir EUROPOL, CEPOL o.fl.

Daníel Máni Jónsson, Öryggisstjóri hjá Valitor ætlar að segja okkur frá hvað Valitor er að gera varðandi öryggis vitundarvakningu meðal starfsmanna sinna. Varpa fram nokkrum heilræðum sem gott getur verið að hafa á bakvið eyrað þegar fyrirtæki setja saman áætlun og efni fyrir vitundarherferðir sínar. Daníel Máni þreytist seint á að fjalla um mikilvægi samstarfs og samtals þegar kemur að öryggismálum, hvort sem er innan fyrirtækja eða milli fyrirtækja. Upplýsingaöryggi er ekki einstaklingsíþrótt heldur hópíþrótt og ekki ólíklegt að hann komi lítillega inn á það og deili með okkur reynslu sinni í þeim efnum. Daníel Máni hefur lengst af starfað í hröðum heimi greiðslumiðlunar þar sem öryggi og traust eru lykil þættir og þó hann hafi farið vítt og breytt um skipurit Valitor hafa öryggismál yfirleitt verið ofarlega á baugi í þeim hlutverkum sem hann hefur gengt hjá félaginu og dótturfélögum.

Click here to join the meeting

Ólafur Róbert Rafnsson, ráðgjafi og formaður tækninefndar hjá Staðlaráði Íslands um upplýsingaöryggi og persónuvernd mun fjalla um helstu atriði sem hafa þarf í huga við innleiðingu á ISO staðlinum, að starfrækja stjórnunarkerfi um upplýsingaöryggi og almennt um staðla á þessu sviði.

Ásmundur Bjarnason, forstöðumaður upplýsingatækni hjá Landsneti segir frá nýlegri vottun á ISO 27001 hjá fyrirtækinu og hvernig hefur tekist að bæta öryggismál og menningu á þessari vegferð. 

Join Microsoft Teams Meeting Í haust taka gildi lög um öryggi net- og upplýsingakerfa mikilvægra innviða en með þeim er innleidd svonefnd NIS-tilskipun. Með lögunum eru lagðar víðtækar upplýsingaöryggiskröfur á tiltekinn hóp lögaðila, bæði opinbera og einkaaðila. Mikilvægt er að þeir aðilar nýti tímann fram að gildistöku laganna til að tryggja hlítingu við þau. Á fundinum verður farið yfir hvernig æskilegt sé að slík innleiðing fari fram í raun og hver reynslan hefur verið af sambærilegum innleiðingum lagalegra upplýsingaöryggiskrafna hér á landi á undanförnum árum.

Hörður Helgi Helgason er lögmaður og einn eigenda lögmannsstofunnar Landslög. Hörður Helgi hefur á undanförnum 15 árum veitt stofnunum og fyrirtækjum ráðgjöf á sviði upplýsingaöryggis og persónuverndar, á síðustu árum einkum um innleiðingu nýrra persónuverndarreglna. Hann var settur forstjóri Persónuverndar frá 2013 til 2014.

Þeir sem þegar eru skráðir á fundinn hafa fengið sent fundarboð. Hlekkur á fundinn má nálgast hér: 

 ________________________________________________________________________________

Join Microsoft Teams Meeting

Learn more about Teams | Meeting options

________________________________________________________________________________

Dagskrá fundar:

•     Samantekt á starfi vetrarins
•     Kosning í stjórn   
•     Hugmyndir að næstu viðburðum

Þeir sem hafa áhuga að taka þátt á fjarfundinum vinsamlegast sendið tölvupóst á annakk86@gmail.com til að fá fundarboð með hlekk á fundinn.

Í haust taka gildi lög um öryggi net- og upplýsingakerfa mikilvægra innviða en með þeim er innleidd svonefnd NIS-tilskipun. Með lögunum eru lagðar víðtækar upplýsingaöryggiskröfur á tiltekinn hóp lögaðila, bæði opinbera og einkaaðila. Mikilvægt er að þeir aðilar nýti tímann fram að gildistöku laganna til að tryggja hlítingu við þau. Á fundinum verður farið yfir hvernig æskilegt sé að slík innleiðing fari fram í raun og hver reynslan hefur verið af sambærilegum innleiðingum lagalegra upplýsingaöryggiskrafna hér á landi á undanförnum árum.

Hörður Helgi Helgason er lögmaður og einn eigenda lögmannsstofunnar Landslög. Hörður Helgi hefur á undanförnum 15 árum veitt stofnunum og fyrirtækjum ráðgjöf á sviði upplýsingaöryggis og persónuverndar, á síðustu árum einkum um innleiðingu nýrra persónuverndarreglna. Hann var settur forstjóri Persónuverndar frá 2013 til 2014.

Viðburður er haldinn í Háskólanum í Reykjavíka, stofa V101, Menntavegi 1, 102 reykjavík.

Kærar þakkir þið sem mættuð á fundinn - Hér er tengill á Facebook streymið: https://www.facebook.com/Stjornvisi/videos/2585059381775400/

Á þessum morgunfundi mun Ólafur Sigurðsson framkvæmdastjóri Birtu lífeyrissjóðs fjalla um auknar áherslur fjármagnveitenda á ábyrgar fjárfestingar. Að því loknu mun Sigurður Ólafsson fjalla út frá sjónarhóli stjórnarmanns, um auknar kröfur til ófjárhagslegra viðbótarupplýsinga. Þessar upplýsingar veita innsýn, eru mikilvægar til að auka gagnsæi og þurfa að byggja á vönduðum stjórnarháttum. 

Um þetta verður m.a. fjallað á þessum áhugaverða viðburði.

Ábyrgð einstakra stjórnarmanna er talsverð hvað varðar viðbótarupplýsingar. Mikilvægt er að upplýsingagjöfin byggi á vönduðum stjórnarháttum og lög um ársreikninga eru afgerandi um að viðbótarupplýsingagjöf um árangur, stöðu og megin óvissuþætti skulu vera hluti af skýrslu stjórnar. Atvinnuvegaráðuneytið gaf nýlega út reglugerð til fyllingar þessum ákvæðum.
Það er einnig athyglisvert að ársreikningaskrá RSK birtir nú sérstakar áherslur sínar um að í eftirliti með ársreikningum 2019 verði sérstaklega gengið eftir því að kanna ófjárhagslega upplýsingagjöf og skýrslu stjórnar. Þetta gæti bent til að úrbóta sé þörf í tilviki margra fyrirtækja.

Snertifletir umræðunnar eru allmargir og því er athygli áhugafólks innan margra faghópa vakin á þessum viðburði!

Faghópur um Upplýsingaöryggi var nýlega endurvakinn og efnir til fyrsta viðburðar með tveimur fyrirlestrum og fyrirlesurum með ólíka nálgun á upplýsingaöryggi. Markhópur fyrirlestranna eru upplýsingaöryggisstjórar og aðrir ábyrgðar- og umsjónaraðilar upplýsingaöryggis. 

1) Innsýn í gagnaflutnings öryggi um netkerfi.

Farið ofan í saumana á ferðalagi gagna og hvernig er hægt að stuðla að öryggi á flutningsleiðum. Hvað þurfa vörsluaðilar gagna að hafa í huga? Hvert stefnum við?

Fyrirlesari: Áki Hermann Barkarson er með 20 ára reynslu sem sérfræðingur í gagnaflutningskerfum og netöryggi.

 2) Svipmyndir af innlendum upplýsingaöryggisvettvangi

Hraðyfirlit yfir innlendar fréttir um upplýsingaöryggisatvik í þeim tilgangi að sýna fram á hversu vítt svið stjórnun upplýsingaöryggis nær yfir. Hverju mega öryggisstjórar búast við? Hvað geta þeir haft áhrif á?

Fyrirlesari: Ebenezer Þ. Böðvarsson er með 10 ára reynslu sem upplýsingaöryggisstjóri hjá fjármálafyrirtæki.

Einungis sex mánuðir eru þangað til að persónuverndarreglugerð ESB (General Data Protection Regulation) tekur gildi. GDPR leysir af hólmi rúmlega 20 ára gamla persónuverndarlöggjöf sem ekki hefur fylgt eftir þeim breytingum sem hafa átt sér stað í hinum stafræna heimi.

Mörg skilyrði GDPR tengjast bæði gæða- og öryggisstjórnun fyrirtækja og á þessum fundi verður farið yfir helstu þætti gæðastjórnunar sem nýtast við hlítingu GDPR.

Dagskrá er eftirfarandi:

Arna Hrönn Ágústsdóttir, lögfræðingur hjá Nýherja mun segja frá GDPR innleiðingunni hjá félaginu með áherslu á mikilvægi starfsmannaþjálfunar

Maria Hedman, Lausnaráðgjafi og product owner hjá Nýherja, mun fjalla um kortlagningu verkferla og sýna raunhæf dæmi um ferla sem krefjast endurbóta vegna tilkomu GDPR.

Anton Már Egilsson, Lausnastjóri hjá Nýherji, mun fjalla um helstu þætti öryggismála í tengslum við hlítingu GDPR

Í lokin gefst tími fyrir spurningar og umræður.

Nokkrar breytingar hafa orðið á ISO 9001 og ISO 27001 stöðulunum. Á fundinum verður kynnt hvernig Orkuveita Reykjavíkur hefur staðið að því að nýta stefnumótun til þess að innleiða breyttar áherslur í stöðlunum. Greint verður frá undirbúningi , framkvæmd, úrvinnslu og innleiðingu stefnumótunar þar sem lögð er áhersla á aðkomu stjórnenda að vinnunni.
Fyrirlesarar: Kristjana Kjartansdóttir, gæðastjóri OR, og Olgeir Helgason, upplýsingaöryggisstjóri OR.

Breytt persónuverndarlöggjöf frá 2018 - hvað þýðir það fyrir þína starfsemi?

Fyrr á árinu voru samþykktar umfangsmestu breytingar sem gerðar hafa verið á evrópskri og þ.a.l. íslenskri persónuverndarlöggjöf í rúm 20 ár. Breytingarnar taka gildi á árinu 2018 en fyrir þann tíma þurfa fyrirtæki og stofnanir að aðlaga starfsemi sína að breyttum - og auknum - kröfum til persónuverndar og öryggis persónuupplýsinga. Réttindi einstaklinga eru jafnframt aukin til muna sem einnig kallar á breytingar í starfsemi þeirra sem vinna persónuupplýsingar. Farið verður yfir helstu breytingarnar sem löggjöfin kallar á um og settar fram leiðbeiningar um hverju þurfi að huga að í framhaldinu.

Með framsögu farar Alma Tryggvadóttir, skrifstofustjóri upplýsingaöryggis frá Persónuvernd og Hörður Helgi Helgason, hdl. Landslög

Faghópnum hefur borist boð um að bjóða félögum á þennan fund hjá RB. Áhugasamir þurfa að skrá sig hjá RB með því að fara inn á tengilinn hér fyrir neðan.

Haraldur Þorbjörnsson Öryggisstjóri RB og Sigurður Örn Gunnarsson Þjónustustjóri RB munu fjalla um reynsluna af sameiningu gæðakerfa RB og Teris, en bæði fyrirtækin voru fyrir samrunann með ISO/IEC 27001 vottun.

AÐGANGUR ER ÓKEYPIS!

Nánar um fundinn og skráning:
http://www.rb.is/frett/Sameining_oryggisstjornkerfa_Reynslusaga_fra_samruna_RB_og_Teris

Ráðstefna verður haldin 12. nóvember kl. 12:00-16:00 á Bæjarhálsi 1, hjá Orkuveitu Reykjavíkur. Markmiðið er að kynna breytingarnar á stöðlum (ISO 9001, ISO 14001, OHSAS 18001 og ISO 27001) ásamt því að miðla þekkingu og reynslu framsögumanna og ráðstefnugesta.

Ráðstefnustjóri: Kristjana Kjartansdóttir, gæðastjóri Orkuveitunnar.

Dagskrá:

12:00 Móttaka og léttur hádegisverður í boði Stjórnvísi.

12:20 Opnun: Bjarni Bjarnason, forstjóri Orkuveitu Reykjavíkur.

12:40 Hver er staðan á þýðingu og útgáfu staðlanna? Arngrímur Blöndahl, verkefnastjóri, Staðlaráði.

12:50 Hverjar eru helstu áskoranir fyrirtækja við innleiðingu á breytingum? Michele Rebora, ráðgjafi 7.is.

13:30 Kaffihlé.

13:40 Hvaða áhrif hafa breytingarnar á vottuð fyrirtæki? Árni Kristinsson, sérfræðingur BSI.

14:05 Reynslusaga af innleiðingum breytinga. Olgeir Helgason, sérfræðingur, Orkuveitu Reykjavíkur.

14:40 Fyrirkomulag umræðuhópa kynnt.

14:50 Kaffi og umræður.

15:55 Ráðstefnuslit.

Frír aðgangur og allir velkomnir

Ýmir Vigfússon deilir með okkur reynslu sinni og þekkingu á tölvuinnbrotum.

Hann hefur kennt fræðin í háskólanum í Reykjavík undanfarin misseri og segir okkur frá hakkarakeppni sem hefur verið haldin á vegum háskólans. Tilgangurinn er að auka meðvitund um mikilvægi tölvuöryggis. Atriði sem að öll fyrirtæki og stofnanir þurfa að vera meðvituð um!

Fyrirlesturinn er í stofu: V102

Guðmundur Kjærnested hjá Stjórnarráðinu deilir með okkur reynslusögum af stjórnun auðkenna og aðgangs í flóknu og síbreytilegu umhverfi og þeim aðferðum og verkfærum sem hafa verið notuð.

Spennandi fyrirlestur úr atvinnulífinu um málefni sem snertir alla öryggismeðvitaða vinnustaði.

Faghópur um upplýsingaröryggi boðar til fundar þar sem sérfræðingur Icelandair kynnir fyrir okkur hvað þeir hafa verið að gera til að fylgjast með og vernda ímynd fyrirtækisins gegn samfélagsmiðlun. Jafnframt segir hann frá reynslu sinni af þeim hugbúnaði sem Icelandair notar til þessa.

• Innan samfélagsmiðla er auk facebook, YouTube, Twitter, Goole+, Flickr og LinkedIn.

Faghópur um Upplýsingaöryggi boðar til fundar þann 29.nóvember nk. Á þeim fundi mun Tryggvi R. Jónsson, áhættuþjónustu Deloitte kynna áhugaverðar niðurstöður „Global Security Survey 2010“ þar sem tóku í fyrsta skiptið þátt íslensk fyrirtæki

Þetta er fundur sem allir þeir sem bera ábyrgð á upplýsingaöryggi í sínum fyrirtækjum ættu að hafa áhuga á .

Jafnframt verður kosin ný stjórn faghópsins og eru áhugasamir beðnir um að hafa samband við Stjórnvísi.

Fundur á vegum faghóps um upplýsingaöryggi
Öryggi í "cloud computing"

Fundarefni
Öryggi í "cloud computing"
Kynning Sigurjóns Lýðssonar fjallar um Windows Azure sem er tölvuský (e. Cloud computing) Microsoft. Windows Azure er í raun nettengt gagnaver sem fyrirtæki geta nýtt til að keyra hugbúnaðarlausnir sínar í stað þess að byggja upp eigin tölvuver.

Framsögumaður
Sigurjón Lýðsson, Microsoft

Fundarstaður
Arion banki, Borgartúni 19, 105 Reykjavík.
 

Fundur á vegum faghóps um upplýsingaöryggi
Upplýsingaflæði og veföryggi
Arnar Birgisson fjallar um veföryggi almennt en veltir jafnframt fyrir sér upplýsingaflæði (e. information flow) og hvernig það nýtist í sambandi við veföryggi.
 
Framsögumaður
Arnar Birgisson er doktorsnemi í tölvunarfræði í Chalmers, í Svíþjóð.  Sérsvið hans er "language based security".
 
Fundarstaður
Landsbankinn, Thorvaldsensstræti 4 (gamla Landsímahúsið), 5. hæð.

Fundur á vegum faghóps um upplýsingaöryggi
Fundarefni
Öryggisvitund

Framsögumenn
Ebenezer Þ. Böðvarsson hjá Skýrr, mun leitast við að svara spurningum varðandi öryggisvitund og þá sérstaklega: „Hvernig byggjum við upp öryggisvitund? Hvernig viðhöldum við henni? Hvernig mælum við hana?“  og  að fara um það nokkrum orðum.
Sigurpáll Ingibergsson hjá Stika, ætlar að fjalla um efnið frá sjónarhorni ráðgjafa og öryggisstjóra með ISO/IEC 27001 að leiðarljósi.

Fundarstaður
Skýrr að Ármúla 2, 108 Rvk.

Fundur á vegum upplýsingaöryggishóps

Framsögumaður
Hákon L. Åkerlund sérfræðingur í tölvuöryggi

Hákon ætlar að tala um beinar árásir á netkerfi, hvernig árásaraðilar fara framhjá hefðbundnum vírusvörnum og einnig stöðuna sem við erum í gagnvart skipulagðri starfsemi af þessu tagi. Í framhaldi af því mun Hákon svo fara yfir þær leiðir sem við höfum til að verja okkur og til hvaða aðgerða á að grípa ef við verðum fyrir árás.
Fundarstaður
Thorvaldsensstræti 4 (gamla Landsímahúsið), 5. hæð.
 

Fundur á vegum faghóps um upplýsingaöryggi
Fundarefni
Nýjar ógnir Internetsins og þær árásir sem mest eru notaðar í dag
og varnir gegn þeim. Leitast verður við að svara eftirfarandi spurningum:
· Hvað hefur breyst?
· Hvar stöndum við í dag?
· Hvað er til ráða?
Framsögumaður
Joakim Sandstrøm frá nSense en hann hefur kennt námskeið í öruggri
forritun (e. secure coding), fyrir Sensa, við góðar undirtektir. Joakim er einn
stofnenda nSense og hefur tekið þátt í yfir 600 verkefnum tengdum öryggismálum og
haldið fyrirlestra um öryggismál um allan heim.
Fundarstaður
Sensa, Kletthálsi 1
 

Fundur á vegum upplýsingaöryggishóps.
Nánari upplýsingar væntanlegar.
 

Fundur á vegum upplýsingaöryggishóps

„Business Continuity“ eða stjórnun rekstrarsamfellu eins og það hefur verið kallað á íslensku.

Fundurinn verður með örlítið öðru sniði en venjulega. Fjórir sérfræðingar munu hefja fundinn og fjalla um efnið í svona 10-15 mínútur hver. Því verður svo fylgt eftir með umræðum.
Upplýsingar um fundarstað væntanlegar.