VIÐBURÐUR STJÓRNVÍSIS OG FÉLAGS ÍSL. BIFREIÐAEIGENDA 25. OKTÓBER 2016.

Um FIB: Félag íslenskra bifreiðaeigenda er hagsmunafélag bifreiðeigenda og viðurkennt sem slíkt af stjórnvöldum. Fulltrúar FÍB eiga setu- og tillögurétt í nefndum á vegum hins opinbera og félagið fær til umsagnar frumvörp, tillögur og reglugerðir frá löggjafar- og framkvæmdarvaldinu.

FIB hefur um áratugaraðir staðið að útreikningum á kostnaði er tilheyrir eldsneyti bifreiða. Oftar en ekki hafa útreikningar FIB raktað í fréttirnar. Á viðburðinum þann 25. okt. 2016 mun framkvæmdarstjóri FIB, Runólfur Ólafsson, útskýra hvernig staðið er að kostnaðarútreikningi varðandi útsöluverð á eldsneyti til neytenda. Einnig mun hann fara yfir sölulega þróun í þessum efnum.

Fundartími er kl 08:30-10:00, þann 25. okt. 2016.
Fundarstaður, Stjórnvísi húsinu, Eiðistorgi, Seltjarnarnesi.

Þegar frumkvöðlar stofna nýtt fyrirtæki er spurningunni um mikilvægi hugverkaverndar oft látið ósvarað. Hugverkavernd virðist í augum margra dýr valkostur fyrir áhættusama viðskiptahugmynd og fellur því iðulega aftarlega í forgangsröðina.

Hvernig geta frumkvöðlar varið efnið sitt og vinnu án þess að kæfa tilraunavinnu og samskipti við markhópinn? Ættu frumkvöðlar sem hafa ekki einu sinni staðfest eftirspurn á markaði að eyða tíma og peningum í að vernda hugmyndir sínar?

Eygló Sif Sigfúsdóttir, lögfræðingur hjá Einkaleyfastofu mun hefja fundinn og svo mun hún, ásamt Erlu Skúladóttir, stjórnarformanni Lauf Forks og Einari Olavi Mäntylä, verkefnisstjóri Nýsköpunar Vísinda- og nýsköpunarsviðs hjá Háskóla Íslands ræða málin og sitja fyrir svörum úr sal.

Viðburðurinn er styrktur af Nýherja og Stjórnvísi.

Boðið verður upp á léttar veitingar og það er frítt inn.

ENGLISH:
When entrepreneurs start a new venture the question of intellectual property protection often falls by the wayside. IPP seems like an expensive option for a risky business idea and doesn’t register as a priority.

How can entrepreneurs guard their property and content with out suffocating experimentation and customer feedback? Should entrepreneurs who haven’t found product-market fit bother spending time and money on protecting their ideas?

Eygló Sif Sigfúsdóttir, lawyer at the Icelandic Patent Office will open the event, after which she will be joined by Erla Skúladóttir, chairman of the board at Lauf Forks and Einari Olavi Mäntylä, innovation manager at the University of Iceland’s Division of Science and Innovation will discuss the issue and take questions.

The event is sponsored by Nýherji and Stjórnvísi.

The event is free and open, but will be held in Icelandic.

Light refreshments will be served

Kynningin tekur á ákveðnum Lean verkfærum sem notast má við í verkefnastjórnun og framkvæmdum utan framleiðsluiðaðarins. LNS Saga fékk til sín starfsmenn sem áður höfðu unnið með Lean í framleiðsluiðnaði og séð árangur þess þar. Þeir leituðu leiða til að innleiða Lean í stjórnun verkefna og framkvæmda sem byggjast á stuttum líftíma og framkvæmast í breytilegu umhverfi. Jónas og Svanur fara yfir þau verkfæri sem LNS Saga valdi að nota, innleiðinguna, árangurinn og reynsluna. Þessi kynning kann að vera áhugaverð fyrir þá sem hafa enn ekki náð að tengja Lean við sína starfsemi, þar sem hún tekur á málum sem eru meira innan verkefnastjórnunar en framleiðslu.

Haustráðstefna Stjórnvísi sem jafnframt er 30 ára afmælishátíð verður haldin á Grand Hótel þann 2. nóvember kl. 8:30-13:00.

Þema afmælisráðstefnunnar er "Endurmörkun í síbreytilegu umhverfi, reynslusögur leiðtoga".

Fyrirlesarar eru þau Margrét Guðmundsdóttir stjórnarformaður N1 og fyrrverandi forstjóri Icepharma hf., Hulda Gunnlaugsdottir COO-Divisjons direktør Norlandia Care Group AS, www.norlandiacare.no og Oliver Luckett forstjóri ReviloPark sem starfar í Reykjavík og Los Angeles.

Dagskráin hefst með morgunverðarhlaðborði kl. 8:00. Nótt Thorberg framkvæmdastjóri Marel á Íslandi og formaður stjórnar Stjórnvísi setur afmælisráðstefnuna kl. 8:30. Því næst verða flutt þrjú áhugaverð erindi. Stuttar vinnustofur verða á eftir fyrstu tveimur erindunum þar sem tækifæri gefst að ræða saman og kynnast öðrum félögum. Ráðstefnan endar með léttum hádegisverði við undirleik góðrar tónlistar. Ráðstefnustjóri verður Guðrún Högnadóttir, framkvæmdastjóri hjá FranklinCovey og heiðursfélagi Stjórnvísi.

Verið öll hjartanlega velkomin.

Aðgangur er frír.

Ragnar Már Vilhjálmsson hjá Manhattan Marketing fjallar um markaðsáætlanir og mikilvægi þeirra í rekstri fyrirtækja, m.a. út frá raunverulegum dæmum.

Kaffi, te og sódavatn er í boði á staðnum.

Stjórnvísi og Festa, miðstöð um samfélagsábyrgð, standa saman að fundi um ISO 26000, staðal um samfélagsábyrgð fyrirtækja. Á fundinum verður varpað ljósi á hagnýtt gildi staðalsins fyrir íslensk fyrirtæki og stofnanir. Ólíkt mörgum ISO stöðlum er ISO 26000 ekki staðall til vottunar á fyrirtækjum heldur er hann hugsaður sem leiðbeiningarstaðall fyrir innleiðingu á samfélagsábyrgð í fyrirtækjum. ISO 26000 nýtist fyrirtækjum vel við að kortleggja sína samfélagsábyrgð og setja sér markmið um aðgerðir og árangur.

Dagskrá:
1) ISO 26000 í stórum dráttum. Guðrún Rögnvaldardóttir, framkvæmdastjóri Staðlaráðs Íslands. Staðlaráð lét þýða ISO 26000 á íslensku og hann var síðan staðfestur sem íslenskur staðall árið 2013. Staðallinn var fyrst gefinn út af Alþjóðlegu staðlasamtökunum 1. nóvember 2010.

2) Mótun stefnu Marel um samfélagsábyrgð. Þorsteinn Kári Jónsson, verkefnastjóri samfélagsábyrgðar hjá Marel. Marel hefur undanfarið ár unnið að mótun stefnu og innleiðingu á samfélagsábyrgð fyrirtækisins. Þorsteinn Kári segir frá notkun verkfæra á borð við ISO 26000 við mótun stefnunnar.

3) Stefna Landsvirkjunar um samfélagsábyrgð, og verkefni, í ljósi meginflokka og viðfangsefna ISO 26000. Jóhanna Harpa Árnadóttir, verkefnastjóri samfélagsábyrgðar hjá Landsvirkjun. Jóhanna Harpa mun fjalla sérstaklega um áherslur á samskipti við hagsmunaaðila.

Húsið opnar kl. 8.00. Léttar morgunveitingar í boði.

Um ISO 26000 á vef ISO: http://www.iso.org/iso/home/standards/iso26000.htm

Mikilvægur þáttur gæðastjórnunar er að skilja þarfir og væntingar viðskiptavina. Ýmsum aðferðum er hægt að beita til þess að fá fram þessar upplýsingar og mikilvægt að nota þær með skipulögðum hætti til þess að bæta starfsemina.
Reynir Kristjánsson, gæðastjóri Hagstofu Íslands, ætlar að segja frá hvernig Hagstofan hefur flokkað viðskiptavini sína og komið á reglubundnum fundum til að ræða þarfir og væntingar. Viðskiptavinir sjálfir koma með hugmyndir að umbótum og forgangsraða.
Gunnar Hersveinn verkefnastjóri miðlunar hjá umhverfis- og skipulagssviði Reykjavíkurborgar nefnir dæmi um hvernig sviðið hefur markvisst unnið að því að auka gæði samskipta milli borgarbúa og sviðsins en verkefni þess spanna viðamikið svið og tengist m.a. skipulagi, umhverfi, heilbrigðismálum, sorphirðu, framkvæmdum og umhirðu.

Stjórnunarlegur ákvörðunarréttur

Hvað er stjórnunarlegur ákvörðunarréttur (Management Decision Rights) og hvar á hann að vera staðsettur í fyrirtækjum?
Fjallað verður m.a. um mikilvægi stjórnunarlegs ákvörðunarréttar, hvernig kostnaðaruppbygging tengist þessum rétti sem og hver er munurinn á „kostnaðarstjórnun“ og „kostnaðarstýringu“. Einnig verður fjallað um hina "gleymdu auðlind" í fyrirtækjum, þ.e. millistjórnendur, sem er í raun lífvaki hvers fyrirtækis.

Staðsetning; Lögberg stofa 204.(L-204)

Tími; kl. 08:30 - 09:50

Átt þú þér DRAUM?

Taktu DRAUMINN þinn með þér gegnum örstutt markþjálfunarferli:

• Hvað gerist ef þú gerir þetta EKKI?
• Hvað gerist EKKI ef þú gerir þetta?
• Hvað gerist EKKI ef þú gerir þetta EKKI?
• Hvað gerist ÞEGAR þú gerir þetta?

Er DRAUMURINN orðinn að MARKMIÐI?

Markþjálfarnir Ásgeir Jónsson og Hrefna Birgitta Bjarnadóttir koma og veita innsýn í sín verkefni með áherslu á NLP og markþjálfun.

Ásgeir rekur ráðgjafafyrirtækið Takmarkalaust líf ehf. sem hefur á sl. árum haslað sér völl í ráðgjöf, námskeiðahaldi og fyrirlestraröðum fyrir fyrirtæki á almennum markaði og einnig fyrir opinbera aðila.

Hrefna Birgitta er NLP Master Coach kennari, starfsþróunarþjálfi og á og rekur fyrirtækið Bruen sem býður uppá nám og námskeið í NLP markþjálfun, atferlis- og samskiptatækni.
Hrefna vinnur að fyrirbyggingu brottfalls af vinnumarkaði og hefur haldið fjölda námskeiða fyrir m.a. stjórnendur, starfsfólk og notendur Vinnu-, Heilbrigðis- og Velferðasviða á Norðurlöndum.

Þau starfa bæði að verkefnum fyrir Vinnumálastofnun og Velferðasvið.

Heilsugæsla höfuðborgarsvæðisins hóf Lean vegferð sína formlega þann 1.október 2015. Leiðarljós á þeirri vegferð var að með aukinni teymisvinnu mætti betur uppfylla þarfir viðskiptavina.
Eva Kristjánsdóttir ætlar að segja frá helstu áskorunum í innleiðingu Lean í umhverfi þar sem hefðir og formfast vinnulag hafa ríkt um árabil.

Öflug stefnumótun og skýr markmið eru forsendur í allri áhættustýringu og uppbyggingu innra eftirlits sem miðar að því að ná fram settum markmiðum fyrirtækja og stofnana. Þessu samspili markmiðssetningar, áhættustýringar og innra eftirlits verður lýst og fjallað sérstaklega um mikilvægi uppbyggingar áhættustýringar og innra eftirlits hjá stofnunum og fyrirtækjum. Farið verður yfir hlutverk og ábyrgð stjórnar, stjórnenda og almennra starfsmanna, auk þess að kynna eftirlitshlutverk innri endurskoðunar.

Fyrirlesari er Anna Margrét Jóhannesdóttir, verkefnastjóri úttekta og staðgengill innri endurskoðanda hjá Innri endurskoðun Reykjavíkurborgar.

Að innleiða samfélagsábyrgð í rekstur fyrirtækja felst oft í að afla þarf nýrrar þekkingar, breyta ríkjandi viðhorfi og stjórnendur og starfsfólk þurfa að að skipta um aðferðir og breyta hegðun. Þetta getur átt við hvort sem um er að ræða nýtt og sjálfbært viðskiptamódel, flokkun á úrgangi, nýja samgöngumáta eða jafnrétti á vinnustað. Í þessu erindi verður skoðað hvernig líta má á innleiðingu á samfélagsábyrgð í fyrirtækjum sem viðskiptalegt umbreytingaferli þar sem skipulagðar aðferðir breytingastjórnunar geta aukið fókus, sparað tíma og tryggt betri árangur.

Erindið hentar þeim sem sinna mannauðsstjórnun og stefnumótun í fyrirtækjum og vilja hjálpa til við að gera þau samfélagslega ábyrg.

Fyrirlesari er Ketill Berg Magnússon framkvæmdastjóri Festu - miðstöðvar um samfélagsábyrgð fyrirtækja, stundakennari við HR á sviði samfélagsábyrgðar og viðskiptasiðfræði og fyrrum mannauðsstjóri.

Guðjón Viðar Valdimarsson fjallar um þær kröfur sem gerðar eru til áhættustjórnunar í ISO 27001:2013 í samanburði við fyrri útgáfu staðalsins. Einnig verður skoðað hvernig útfærsla þessarar aðferðafræði við áhættustjórnun samkvæmt ISO 31000 getur nýst til áhættustjórnunar í víðara samhengi með praktískum dæmum.

Segja má til að einfalda myndina að öryggismál snúist um að skapa framtíðarsýn og skilgreina mikilvæg markmið auk þess að koma auga á, meta og stýra hættum sem geta komið í veg fyrir að framtíðarsýnin verði að veruleika.
Hluti þeirrar vinnu er m.a. að gera áhættumat, skjalfesta besta og öruggasta verklag og útbúa gátlista þar sem við á. Einnig má nefna að koma upp ferli fyrir frávikaskráningar, skilgreina orsakagreiningaferli og umbótaferli svo fátt eitt sé nefnt. Öll þessi vinna er hins vegar til einskins ef þeir starfsmenn sem útsettir eru fyrir hættum við sína vinnu fylgja ekki skráða verklaginu, skrá ekki frávikin, tileinka sér ekki breytingar í kjölfar úrbóta o.s.frv. Engar framfarir verða einungis frá skrifborðinu. Sá sem vill innleiða breytingar til að auka og bæta öryggisvitund og hegðun þarf að hafa sjálfstraust til að treyst á og nota eigin reynslu til að sannfæra aðra um nauðsyn þess að vinna með breyttum og öruggari hætti. Hann eða hún þarf að virkja stjórnendur og fara út til fólksins og eiga við það samtal. Sýna þarf ákveðni en jafnframt sveigjanleika. Sá sem vill framfarir þarf einnig að átta sig á að beita þarf mismunandi nálgun í samskiptum því fólk er mismunandi og hefur ólíkar væntingar og þarfir. Að virkja stjórnendur og starfsmenn á öllum stigum krefst leiðtogahæfni.

Í kynningu sinni mun Reynir Guðjónsson Dale Carnegie þjálfari og öryggisstjóri OR ræða þessi atriði og nokkrar leiðir sem hægt er að nota til að efla öryggisleiðtoga.

Svava Björk Ólafsdóttir, verkefnastjóri hjá Icelandic Startups fjallar um tengslamyndun.
Megin hluti starfsemi Icelandic Startups snýr að því að tengja saman ólíka aðila svo sem frumkvöðla, fjárfesta, bakhjarla verkefna og fleiri. Öflugt tengslanet og viðhald þess skiptir sprotafyrirtæki miklu máli. Hún mun veita hagnýt ráð til tengslamyndunar ásamt innsýn inn í starfsemi Icelandic Startups og íslensku sprotasenunnar.

Ína Björg Hjálmarsdóttir, gæðarstjóri Blóðbankans og stjórnarmaður ISO faghópsins, býður heim í Blóðbankann.
Á þessum fundi verða umræður um gæðastjórnunarkerfi, breyttar kröfur ISO 9001 og staða innleiðinga - og annað sem þátttakendur vilja ræða og fræðast um og miðla.
Hámark 10 manns.

Kristjana Kjartansdóttir, gæðarstjóri OR og stjórnarmaður ISO faghópsins, býður heim í Orkuveitu Reykjavíkur.
Á þessum fundi verða umræður um gæðastjórnunarkerfi, breyttar kröfur ISO 9001 og staða innleiðinga - og annað sem þátttakendur vilja ræða og fræðast um og miðla.
Hámark 10 manns.

Núvitund er öflugt leið til að takast á við krefjandi starf og auka vellíðan. Núvitund hjálpar okkur að auka athygli og efla einbeitingu, eykur skilvirkni, dregur úr neikvæðum áhrifum streitu, eflir ónæmiskerfið og hefur jákvæð áhrif á samskipti og starfsanda.

Á þessari kynningu verður farið yfir hvað felst í núvitund og hvað rannsóknir segja um ávinning einsktaklinga við að tileinka sér núvitund og hvaða hag fyrirtæki hafa af því að innleiða núvitund inn í vinnustaðamenningu. Farið verður yfir hvernig starfsfólk getur með einföldum æfingum aukið núvitund sína, þjálfað huga og heila, skerpt athygli og einbeitingu þannig að auðveldara verði að takast á við verkefnalista og áskoranir í lífi og starfi en jafnframt aukið vellíðan sína og velgengni.

Anna Dóra Frostadóttir er sálfræðingur, núvitundarkennari og félagsráðgjafi. Hún rekur eigin sálfræðistofu á Núvitundarsetrinu og sinnir jafnframt kennslu í núvitund á háskólastigi.

Bryndís Jóna Jónsdóttir hefur starfað við mannauðsstjórnun, verkefnastjórnun, ráðgjöf og kennslu. Hún er núvitundarkennari hjá Núvitundarsetrinu, með MA diplóma í jákvæðri sálfræði og MA í náms- og starfsráðgjöf.

Fundurinn verður haldinn í stofu M201 í Háskólanum í Reykjavík.

Samkvæmt Matvælastofnun Sameinuðu þjóðanna (FAO) endar um þriðjungur þess matar sem framleiddur er í heiminum í ruslinu. Samkvæmt nýlegri greiningu Umhverfisstofnunar bendir allt til þess að Ísland sé engin undantekning. Matarsóun er ekki bara óþarfa sóun heldur hefur hún líka neikvæð áhrif á losun gróðurhúsalofttegunda. Síðustu misseri hefur matarsóun verið töluvert í umræðunni og er almennur samhljómur um að draga þurfi úr henni. Hjá Landspítalanum og Arion banka er unnið að því að draga úr matarsóun.

Á fundi hópanna samfélagsleg ábyrgð og umhverfi og öryggi 7. desember nk. verður farið yfir nálgun Arion banka og Landspítala:

Hlédís Sigurðardóttir, sérfræðingur á samskiptasviði Arion banka, fjallar um hvernig það kom til að Arion banki fór að mæla matarsóun í mötuneyti starfsfólks í höfuðstöðvum. Alfreð Ómar Alfreðsson, yfirmatreiðslumaður bankans, fjallar um framkvæmd verkefnisins og þann árangur sem náðst hefur.

Vigdís Stefánsdóttir deildarstjóri eldhúss og matsala Landsspítala fjallar um matarsóun, verkefni sem unnin hafa verið og þau sem eru í farvatninu.

Þess má geta að Umhverfisverðlaun Norrænu ráðherranefndarinnar féllu þetta árið í skaut fyrirtækis sem hannaði app sem leiðir saman afganga veitingastaða og mötuneyta og kaupendur að ódýrum mat.