Niðurstöður rannsókna á heilastarfsemi eru farnar að veita okkur þekkingu sem leiðir til endurskoðunar á stjórnunarkenningum m.a. á sviði breytingastjórnunar og árangursríkrar samvinnu.
Líffræðilegar rætur samskipta, tengsla og samvinnu hafa verið rannsakaðar á sviði „Social neuroscience“. Úr þeim rannsóknum má greina tvö megin þemu. Í fyrsta lagi að verulegan hluta hvata sem stýra félagslegum samskiptum má rekja til skipulagðrar tilhneigingar mannsins til að lágmarka hættu og hámarka ávinning. Í öðru lagi að heilastarfsemi sem rekja má til félagslegrar reynslu og því að lágmarka hættu og hámarka ávinning fer fram á sömu svæðum í heilanum og heilastarfsemi sem tengist grunn þörf mannsins til að lifa af. Þannig meðhöndlar heilinn félagslegar þarfir með svipuðum hætti og þörf á mat og drykk.

Guðríður Sigurðardóttir og Inga Björg Hjaltadóttir ráðgjafar hjá Attentus fara yfir árangursríkar aðferðir í stjórnun út frá nýjustu rannsóknum í félags- og sálfræðilegum taugavísindum “neuroscience”.

Guðríður Sigurðardóttir ráðgjafi hjá Attentus hefur nýlokið mastersnámi í Leadership and Organizational Coaching frá EADA Business School í Barcelona þar sem meðal annars var unnið í Neuro Training Lab og nýjustu tækni í rannsóknum á taugavísindum var beitt í stjórnendaþjálfun. Inga Björg Hjaltadóttur ráðgjafi hjá Attentus er nýkomin heim af ráðstefnu Neuro Leadership Institute þar sem þáttakendur fengu að kynnast nýjustu rannsóknum á þessu sviði.

Stjórn vörustjórnunarhópsins hefur ákveðið að reyna nýtt fundarform fyrir stjórnvísifélaga.
Við ætlum að byrja á því að halda þemafund þann 25 nóvember kl 15:30 - 16:30.

Á þemafundum eru þátttakendur aðeins á bilinu 5-10 í einum tilteknum hóp og sér einn aðili um að leiða/stýra fundinum.
Tilgangurinn er að þátttakendur geti hist í smærri hópum til þess að ræða sértæk málefni, deila reynslu og aðstoða hvort annað, ásamt því að styrkja tengslamyndun.
Þema fundarins á þessum fyrsta fundi verður innkaup og ætlum við að taka fyrir spurninguna
„Hverjar eru helstu áskoranir þínar í daglegu starfi í innkaupastjórnun“.

Endilega skráið ykkur sem fyrst þar sem hámark 10 þátttakendur komast að.

• Viktor Vigfússon og Lilja Scheel Birgisdóttir, Icelandair ITS kynna uppsetningu á ferlamódeli hjá ITS sem innhildur ferla og leiðbeiningar sem starfsmenn nýta við tæknirekstur flugvéla hjá Icelandair.
• Hvernig ferlar eru nýttir að tryggja gæði í vinnubrögðum; við að viðhalda þekkingarstigi í starfsemi sem og hraða þjálfun nýrra starfsmanna
• Ferlamódel sem byggir á lausn frá Holocentric sem starfsmenn nota í daglegum störfum sýnt
• Rætt um viðhald og uppfærslu á ferlamódelinu
• Hvaða áskoranir eru í að reka ferlamódel sem miðar að auknu þekkingarstigi í starfseminni og stöðugum úrbótum?
• Spurningar og umræður í lokin

Sjúklingurinn í öndvegi

26. nóvember 2015 9:00 - 10:00.

Landspítalinn er þjóðarsjúkrahús allra landsmanna en um leið héraðssjúkrahús höfuðborgarsvæðisins. Landspítalinn hefur sett Sjúklinginn í öndvegi og hefur unnið að innleiðingu á lean aðferðafræði í starfsemi sinni síðustu 4 árin.

Þann 26. nóvember nk. mun Guðrún Björg Sigurbjörnsdóttir deildarstjóri á Verkefnastofu og Hilmar Kjartansson yfirlæknir á bráðadeild segja frá Lean starfi á Landspítala og hvernig 3P (Product - Preparation - Process aðferðafræði er nýtt til að undirbúa nýjar byggingar fyrir Landspítala og þróun á starfseminni.

Landspítali býður alla velkomna í Hringsal á Barnaspítalanum þann 26. nóvember kl. 9:00.

Sálfélagslegt áhættumat og aðgerðaáætlun

2. desember 2015
   Morgunfundur hjá Sjóvá, Kringlunni 5.
   Vinsamlegast athugið að það er breyting á áður auglýstri dagskrá þar sem Ragnheiður Guðfinna er veðurteppt á Egilsstöðum. Í hennar stað kemur Guðmundur Kjerúlf sérfræðingur hjá Vinnueftirlitinu sem verður með kynningu á félagslegu áhættumati starfa. Ágústa Björg Bjarnadóttir forstöðumaður mannauðs hjá Sjóvá talar um framkvæmd áhættumatsins hjá þeim og aðgerðaáætlun í kjölfarið.

Líðan starfsmanna er gríðarlega mikill forspárþáttur í mögulegri velgengi fyrirtækja. En hvað er á bak við líðan starfsmanna?
Huglæg líðan er það hvað starfsmaður er að hugsa og velta sér upp úr og félagsleg líðan er hvernig samskipti starfsmanns er við aðra samstarfsmenn og virkni hans í félagssamskiptum innan vinnustaðar. Líðan starfsmanna hefur mikil áhrif á velferð og heilsu viðkomandi og er ráðandi þáttur þegar kemur að frammistöðu, afköstum og ábyrgð starfsmanns gagnvart starfi sínu. Starfsumhverfið hefur breyst mjög hratt með aðlögun að alheimsviðskiptum, aukinni samkeppni, hröðum vexti, samruna fyrirtækja og margt fleira. Þessar breytingar eru að hafa frekar neikvæð áhrif á líðan og heilsufar fólks. Samkvæmt rannsóknum er starfstengd streita, sem er bæði huglægur og félagslegur þáttur, eitt algengasta heilsufarsvandamálið innan vinnustaða í dag og algengasta orsök veikindafjarvista.

Áður fyrr beindist starf vinnuverndar aðallega að því að fyrirbyggja slys eða tjón í áþreifanlegu umhverfi starfsmanna. Í dag ber atvinnurekandi einnig ábyrgð á að gert sé áhættumat þar sem metnar eru aðstæður í vinnuumhverfi sem hafa huglæg og félagsleg áhrif á starfsfólk og starfsmannahópinn.

Ágústa Björg forstöðumaður mannauðsmála hjá Sjóvá segir okkur frá framkvæmd matsins hjá Sjóvá og aðgerðum sem þau sett inn í kjölfarið.

10 skotheldar uppskriftir að slæmri þjónustu - Örn Árnason leikari mun með aðstoð ykkar rýna 10 uppskriftir fræðimannsins Leonards Berry að slæmri þjónustu og setja í skotheldan íslenskan búning. Við munum spá og spekúlera hvort þessar uppskriftir eigi við á Íslandi þar sem 77% starfandi fólks vinnur í þjónustu og verslun.

Fyrirlesturinn er í boði Gerum betur ehf. sem er frumkvöðull í að gera íslenskt efni um þjónustu í bókarformi, myndböndum, námskeiðum og hugvekjum. Íslenskt efni sem endurspeglar aðstæður sem við þekkjum hentar best til að efla þjónustu.

Allar nánari upplýsingar fást hjá Margréti Reynisdóttir, margret@gerumbetur.is, s. 899 8264

Nú fer sá tími í hönd að flestir vilja gefa gjafir og gleðja aðra. Hátíð ljóss og friðar fer í hönd, veisluhöld og skemmtanir margfalt í boði og öll viljum við njóta. En hvað er það sem allt þetta getur leitt til ef við höfum fyrirhyggju, naumhyggju og nýtni ekki með í för. Komið og kynnið ykkur hvernig draga má úr umhverfisáhrifum jólanna; að viðfangsefnið á við einstaklinga og fyrirtæki.

Erindið flytur Ragna I. Halldórsdóttir, deildarstjóri umhverfis- og fræðsludeildar

Næsta nýsköpunarhádegi verður 15 desember í húsi Sjávarklasans. Umræðuefnið verður nýsköpun matvæla og hvaða áskoranir matarfrumvköðlar standa frammi fyrir og framtíð matvælaiðnaðar á Íslandi. Gísli Matthías, landsliðskokkur, matarfrumkvöðull og matreiðslumeistari á Slippnum í Vestmannaeyjum og Mat og Drykk á Grandagarði 2 mun vera með stutt erindi og leiða svo panel umræðu með Óskari í Ommnom, Stefáni Atla hjá Crowbar Protein og Brynhildi Pálsdóttur, matarhönnuð.
Auk þess munu fulltrúar tilvonandi matarklasans vera til staðar til að segja örstutt frá matarmarkaðnum á Hlemmi og þeirra pælingum ef umræður skapast um það. Þeir munu líka dreifa auglýsingar til þeirra sem eru á póstlista matarklasans.

LOKAÐ FYRIR SKRÁNINGU!
Á síðasta áratug hafa miklar breytingar orðið á skjalavörslu þar sem rafræn kerfi eru að taka yfir þar sem áður var pappír. Strangar reglur gilda um skjalavörslu opinberra aðila en eitt af hlutverkum Þjóðskjalasafns Íslands er að setja reglur um skjalavörslu og hafa eftirlit þar um. Það er umfangsmikið verkefni fyrir allar stofnanir að viðhalda heildstæðu málasafni og að færa skjalavörslu úr pappírsumhverfi yfir í rafræn kerfi.

Á fundinum mun gæðastjóri Mannvirkjastofnunar, Bjargey Guðmundsdóttir, og gæðastjóri Einkaleyfastofunnar, Bergný Jóna Sævarsdóttir, segja frá helstu áskorunum við að taka upp rafræna skjalavistun en stofnanirnar hafa nýlega fengið samþykki Þjóðskjalasafns fyrir rafrænum skilum. Þær munu einnig fjalla um um það hvernig skjalastjórnun og gæðastjórnun tvinnast saman. Njörður Sigurðsson, sviðsstjóri skjalasviðs hjá Þjóðskjalasafni mun segja frá því hvernig málið horfir við Þjóðskjalasafni. Velt verður upp spurningum um þróun skjalamála hjá nágrannaþjóðunum og framtíðarsýn Þjóðskjalasafns varðandi þróunina hér á landi.

Fundurinn er haldinn í samstarfi við Félag gæðastjóra í opinberri stjórnsýslu.