Viðskiptagreind: Liðnir viðburðir

Hvernig nýtast gervigreind og máltækni við að bæta þjónustu við viðskiptavini?

Skráning hér hjá Advania. 

Aukin krafa viðskiptavina um meiri sjálfsafgreiðslu og betra aðgengi að þjónustu allan sólarhringinn er eitthvað sem fyrirtæki um heim allan þurfa að bregðast við ætli þau ekki að verða undir í samkeppninni. 

Á þessum fundi ætlum við að fjalla um framtíð þjónustuveitingar með gervigreindina að vopni. Segja frá samstarfsaðila Advania í spjallmennalausnum, fá reynslusögu frá viðskiptavini og tala um framtíð íslenskunnar í máltækni og þróunarstarf tengdri henni í Háskólanum í Reykjavík.

Hér er um að ræða morgunverðarfund sem enginn sá sem lætur sig bætta þjónustu við viðskiptavini sína varða ætti að láta framhjá sér fara.

Dagskrá fundarins:  

• 08:00 - Húsið opnar

• 08:30 - Velkomin til Advania – Ægir Már Þórisson, forstjóri Advania

• 08:35 - Á íslensku má alltaf finna svar 
  Hvaða tækifæri felast í framþróun í máltækni fyrir fyrirtæki í landinu? Anna Björk Nikulásdóttir, verkefnastjóri SÍM, Samstarf um íslenska máltækni, og Dr. Eydís Huld Magnúsdóttir, rannsóknarsérfræðingur hjá Mál- og Raddtæknistofu Háskólans í Reykjavík og meðeigandi Tiro ehf, fjalla um máltækniáætlun Íslands, raddgagnasöfnun og nýjungar í talgreiningu fyrir íslensku.
  Anna Björk Nikulásdóttir, verkefnastjóri SÍM
  Eydís Huld Magnúsdóttir, rannsóknarsérfræðingur hjá Háskólanum í Reykjavík og meðeigandi Tiro

• 09:00 - Nýting samræðugreindar (e. conversational AI) í þjónustu
  Í erindi sínu mun Jørgen segja frá lausn Boost.ai, fara yfir muninn á sýndaraðstoðarmanni (e. virtual agent) og spjallbotta (e. chatbot) ásamt því að fjalla um möguleika íslenskra fyrirtækja þegar kemur að nýtingu gervigreindar í þjónustu við sína viðskiptavini.   
  Jørgen Holst, sölustjóri hjá Boost.ai

• 09:25 - Leiðin að skilvirkari þjónustu
  Sigurður segir frá vegferðinni við að snjallvæða þjónustuver LÍN með innleiðingu á spjallmenninu Línu, sem í dag sinnir fyrstu snertingu við viðskiptavini í gegnum netspjall.
  Sigurður Steinar Ásgeirsson, deildarstjóri innheimtudeildar hjá LÍN

Kynntu þér samstarf Advania og Boost.ai hér.

Skráning hér hjá Advania. 

Big data - eða gagnagnótt eins og það heitir á íslensku - er fremur víðtækt hugtak sem tekur yfir ma. það gríðarlega magn gagna sem skapast í heiminum á degi hverjum, þá tækni, aðferðir og ferla við að höndla og vinna úr þessum gögnum og svo þau verðmæti/breytingar/hættur sem þessi vinna skapar fyrir fyrirtæki, stofnanir, neytendur og hópa.

Fyrirlesarar:

Páll Ríkharðsson, ráðgjafi hjá Herbert Nathan & Co og kennari við HR

Erindi Páls snýst um að skilgreina gagnagnótt og beina ljósi (með dæmisögum) að hvernig gagnagnótt mun m.a. breyta ákvarðanatöku í fyrirtækjum.

Grímur Tómasson, ráðgjafi hjá GT Hugbúnaðarráðgjöf og kennari við HR

Erindi Gríms mun taka tæknihliðina og sýna hvaða gagnagrunsfræði er grundvöllurinn fyrir notkunar.

Notkun á PowerPivot er jafnt og þétt að aukast eftir því sem stjórnendur og greinendur eru að uppgötva þessa einföldu leið til að öðlast aukið innsæi í eigin rekstur.

Örnámskeiðið gengur út á það að kynnast því hvað PowerPivot er og hvað það getur. Farið verður yfir umhverfið, uppsetningu og uppbyggingu PowerPivot, hvernig unnið er með vensl í gögnum og hvernig stillt er upp einföldu mælaborði og skýrslu.

Um fyrirlesara: Ragnhildur Konráðsdóttir er sérfræðingur í viðskiptagreind hjá Advania og hefur kennt bæði tölvunarfræði og viðskiptagreind í Háskóla Reykjavíkur. Þar að auki hefur hún kennt fjölda PowerPivot námskeiða hjá Advania og aðstoðað notendur við að greina gögnin sín með PowerPivot.

Staðsetning: Örnámskeiðið er haldið í Advania búðinn að Guðrúnartúni 10.

Nú á dögum eru sífellt gerðar meiri kröfur um að stjórnendur séu með heildaryfirsýn yfir rekstur fyrirtækja. Þörfin fyrir áætlana- og skýrslugerð hefur því aukist og samhliða fer meiri tími í öflun og vinnslu gagna sem nauðsynleg er til þess að hægt sé að taka vel upplýstar ákvarðanir er varða fyrirtækið. Allir vilja vera með nýjustu tölur til að geta framkvæmt viðeigandi greiningar sem fanga þá þróun sem fyrirtækið er í hverju sinni.

Martin Thy Asmussen, ráðgjafi hjá danska fyrirtækinu Toolpack, mun fjalla um áætlana- og skýrslugerð. Martin hefur yfirgripsmikla þekkingu á efninu, er menntaður á sviði fjármála og endurskoðunnar ásamt gráðu í tölvufræðum. Martin hefur yfir 15 ára starfsreynslu sem endurskoðandi og síðar ráðgjafi í sérverkefnum hjá PWC, sem verkefnastjóri við Microsoft Dynamics AX verkefni og við hugbúnaðarsmíð.

Einstakt tækifæri fyrir alla áhugamenn um áætlanagerð og hvernig hægt er að nýta betur upplýsingatæknina við áætlangerð og samanburð áætlana við rauntölur ásamt greiningum.

Viðskiptagreindarhópur Stjórnvísi heimsækir Össur, en fyrir þá sem ekki vita þá er Össur alþjóðlegt fyrirtæki sem hannar og framleiðir stoðtæki, spelkur og stuðningsvörur. 
Hjá fyrirtækinu starfa um 1600 starfsmenn á 14 starfsstöðvum í fjórum heimsálfum.  Össur er annar stærsti stoðtækjaframleiðandi í heiminum í dag.  Höfuðstöðvar fyrirtækisins eru á Íslandi þar sem starfa um 270 manns við þróun, framleiðslu, þjónustu og stjórnun, en þangað er okkur boðið fimmtudaginn 18.nóvember n.k. til að heyra hvernig Össur hefur nýtt sér viðskiptagreind.
Á móti okkur tekur Kjartan Friðriksson sem mun fara yfir innleiðingarferlið og hvernig Össur nýtir sér BI lausnir í daglegum rekstri.
Kjartan útskrifaðist sem tölvunarfræðingur frá Háskóla íslands vorið 1999.  Hann starfaði við hugbúnaðarþróun árin 1998 til 2005 innanlands sem erlendis.  Árið 2005 réð hann sig til Össurar til þess að leiða uppbyggingu BI lausna fyrirtækisins.
Fundurinn hefst stundvíslega kl.15:30
Staðsetning:  Össur - Grjóthálsi 5,
18.nóvember kl.15:30

Fyrsti fundur Viðskiptagreindarhóps þennan veturinn verður haldinn 30.september nk.
Staður: Íslensk erfðagreining, Sturlugötu 8
Tími: Fimmtudagurinn 30.september kl.16:00
Efni:  Upplýsingatækni og gagnaúrvinnsla hjá Íslenskri erfðagreiningu og fyrirspurnarmálið SDL
Fyrirlesari er: Hákon Guðbjartsson, framkvæmdastjóri upplýsingatæknisviðs

Fundurinn er á vegum faghóps um viðskiptagreind

Árangursstjórnun hjá ÁTVR
Framsögumaður
Kristján F. Guðjónsson, verkefnisstjóri árangursstjórnunar hjá ÁTVR, mun kynna árangur af innleiðingu viðskiptagreindar hjá ÁTVR,

ÁTVR hefur innleitt stefnumiðað skorkort, sem stjórntæki í rekstri og til að samþættast öðrum stjórntækjum viðskiptagreindar eins og áætlunargerð og greiningarverkfærum.

Fundarstaður
Húsakynni ÁTVR að Stuðlahálsi 2, 2 hæð, 110 Reykjavik.
 
 

Fundur á vegum faghóps um viðskiptagreind

Fundurinn verður á ensku og er efni hans:
An effective approach to Master Data Management
• What is MDM?
• How is it different from Business Intelligence?
• The aspects of an effective MDM program
• How do we get started?
Fyrirlesari
Thomas Ravn, MDM practice manager hjá Platon. Thomas er margreyndur á sviði MDM og hefur unnið að ótal verkefnum um heim allan, talað á ráðstefnum og skrifað greinar í fagtímarit.
Fundurinn verður haldinn í höfuðstöðvum Arion Banka.
 

Fundur á vegum faghóps um viðskiptagriend

Fundarefni
Innleiðing Targit hjá N1

• Hverning notar N1 viðskiptagreind
• Vinnuborð starfsmanna
• Vinnuborð stjórnandans
• Stefna og Framtíðarsýn
  Framsögumaður
  Jóhann Þór Einarsson sérfræðingur upplýsingatækni - MS Iðnaðarverkfræði

Sýnd verða dæmi um það hvernig N1 notar Targit greiningar. Þetta er því gott tækifæri fyrir þá sem hafa áhuga á að sjá Targit í notkun.

Fundarstaður
N1 Dalvegur 10-14. 3 hæð til vinstri, Kennslustofa
Boðið er upp á léttan morgunverð frá 8.30 - fundurinn hefst kl. 9.00

Fundur á vegum faghóps um viðskiptagreind

Fundarefni
Upplýsingar sem stefnumótandi auðlind
Fyrirlesutrinn er hugleiðingar um virði upplýsinga og hvað við getum gert til að meðhöndla upplýsingar sem þá stefnumótandi auðlind sem þær eru. Ætlunin er að að hafa fyrirlesturinn opinn á þann hátt að áhugi fundarmanna ræður svolítið för (sér í lagi í seinni hlutanum).
Mögulega lyki fundinum þannig að fyrirlesarinn kafaði ofan í verkefni (CASE), tæki umræðu um virði upplýsinga, segði frá eigin hugmyndum varðandi rétt skref á þeirri leið að ná tökum á kvikyndinu eða jafnvel að sýnd bíómynd um baráttu hugprúðs riddara við stóran dreka.

Fyrirlesari
Sigurður Jónsson hjá Platon
Sigurður er giftur þriggja barna faðir úr Kópavogi. Hann hefur unnið við Information Management síðan 1998 og starfar þessa stundina sem ráðgjafi í þeim málum hjá hinu alþjóðlega ráðgjafafyrirtæki Platon (www.platon.is). Sigurður hefur unnið að innleiðingu jafnt sem ráðgjöf á þessu sviði hérlendis og erlendis.

Fundarstaður
Síminn við Ármúli 27 (verslun Símans), gengið inn bakvið.
 

Aðdragandi
Miðvikudaginn 15. apríl n.k. stendur til að stofna faghóp innan Stjórnvísi um viðskiptagreind. Þetta er í beinu framhaldi af fyrsta fundi skipulögðum af undirbúningsnefnd hópsins sem fram fór 5. mars s.l.
Fundarefni

1. Formleg stofnun faghópsins innan Stjórnvísi og honum valið nafn og stjórn.
2. Fyrirlestur og umræður. Að þessu sinni ætlar Óskar Jónsson, sem starfar við áhættugreiningu hjá StatOilHydro í Noregi, að fjalla um hvernig olíurisinn vinnur og nýtir upplýsingar fyrir áhættugreiningu.
   Fundarstaður
   Fundurinn mun fara fram í húsakynnum Símans að Ármúla 27 – bakhús (Fræðslusetur Símans) og hefst hann kl. 16:00.
   F.h. undirbúningshópsins vonum við að sem flestir sjái sér fært að mæta og eins væri gott að þeir sem fá þetta skeyti dreifi því áfram á aðila sem líklega hafa áhuga. Öllum er frjálst að mæta og aðgangur ókeypis.