Hér má finna hlekk á viðburðinn

Faghópur í almannatengslum og samskiptastjórnun hjá Stjórnvísi stendur fyrir viðburði þar sem Ingimundur Jónasson, forstöðumaður eignaumsýslu hjá Sýn, kynnir niðurstöður lokaritgerðar sinnar um kynhlutleysi í upplýsingamiðlun en hann tók viðtöl við stjórnendur fyrirtækja sem hafa hafið vinnu við að kynhlutleysa miðlað efni. Ingimundur er að ljúka BA námi í miðlun og almannatengslum hjá Háskólanum á Bifröst. Erna Sigurðardóttir, mannauðsleiðtogi hjá Orkuveitu Reykjavíkur (OR), mun einnig kynna þær breytingar sem OR hefur stuðlað að varðandi kynhlutlausa orðanorkun almennt út á við og í innri samskiptum hjá OR samstæðunni og hverju þær hafa skilað.

Viðburðurinn er fyrir alla stjórnendur sem vilja huga að kynhlutleysi í innri og ytri samskiptum fyrirtækja, vilja heyra um reynslu annarra stjórnenda, og jafnvel deila eigin reynslu með öðrum. Mikil umræða hefur skapast um kynhlutleysi í samfélaginu undanfarin misseri og ólíkar skoðanir komið fram, en hver er ávinningur þess að kynhlutleysa miðlað efni í fyrirtækjasamskiptum að mati stjórnenda?    

Andrea Guðmundsdóttir, fagstjóri miðlunar og almannatengsla við Háskólann á Bifröst, og Heiða Ingimarsdóttir, verkefnastjóri upplýsinga- og kynningarmála hjá Múlaþingi, leiða viðburðinn. 

Hér má finna hlekk á viðburðinn

Faghópur almannatengsla og samskiptastjórnunar heldur umræðunni áfram varðandi hver er tilgangur miðlunar og gagnvirkra samskipta og heldur nú til Akureyrar miðvikudaginn 2. nóvember. Viðburðurinn verður haldinn í Ketilhúsi, Kaupvangsstræti 8 og hefst 17:00.

Ingvar Örn Ingvarsson, framkvæmdastjóri Cohn og Wolfe á Íslandi mun hefja viðburð á því að fara yfir álitaefni sem lúta að tilgangi miðlunar og gagnvirkra samskipta fjölmiðla og lögaðila. Sem sérfræðingur í almannatengslum hefur Ingvar Örn starfað á sviðinu í 20 ár og hefur nýtt fagmenntun sína á sviðinu og alþjóðlega reynslu til að lyfta ráðgjöf innan sviðsins á hærri sess.

Í kjölfarið mun Guðbjörg Hildur Kolbeins fara yfir álitaefni sem lúta að tilgangi fjölmiðla. Guðbjörg Hildur er dósent í fjölmiðlafræði við Háskólann á Akureyri og aðjunkt í miðlun og almannatengslum við Háskólann á Bifröst, og hefur unnið að rannsóknum á íslenskum fjölmiðlum.

Skapti Hallgrímson, einn reyndasti blaðamaður landsins og nú ritstjóri Akureyri.net kemur til með að taka þátt í umræðum viðburðar að erindum loknum.

Dagskrá:

17:00-17:20 Ingvar Örn Ingvarsson fer yfir álitaefni er varða tilgang miðlunar og gagnvirkra samskipta og fjölmiðla

17:20-17:40 Guðbjörg Hildur Kolbeins fer yfir álitaefni er varðar tilgang fjölmiðla

17:40-18:10 Ingvar Örn, Guðbjörg Hildur og Skapti svara fyrirspurnum um álitaefni viðburðar

18:10-18:30 Opnar umræður og léttar veitingar

Erla Björg Eyjólfsdóttir, formaður stjórnar faghóps um almannatengsl og samskiptastjórnun mun leiða fundinn

Það eru allir velkomnir á Stjórnvísiviðburði sér að kostnaðarlausu. Í Stjórnvísi eru í dag um 4500 stjórnendur frá 400 fyrirtækjum sem greiða árgjaldið. Stjórnvísi er í eigu sinna félagsmanna og rekið án fjárhagslegs ávinnings. 

Hlekkur á Teams: Hver er tilgangur miðlunar og gagnvirkra samskipta fjölmiðla og lögaðila?

Hér er hlekkur á fundinn á Zoom!
Heimsfaraldur, skriður, eldgos og óveður: Hvernig er hægt að eiga í hreinskiptum samskiptum við almenning þegar náttúran hefur tekið völdin? 


,,Víðir og almættið - Samtal við almenning um almannatengsl” er fundur á vegum faghóps um almannatengsl hjá Stjórnvísi þar sem við ræðum við þau Víði Reynisson, sviðsstjóra Almannavarna, og Hjördísi Guðmundsdóttur, samskiptastjóra almannavarna, um samskipti við almenning þegar mikið liggur undir. Ásta Sigrún Magnúsdóttir, upplýsingafulltrú menningar- og viðskiptaráðuneytisins, og Gunnar Hörður Garðarsson, samskiptastjóri ríkislögreglustjóra, leiða umræðurnar.

Hér er hlekkur á fundinn á Zoom!

Faghópur um almannatengsl og samskiptastjórnun hefur sitt fyrsta starfsár með krafti fimmtudaginn 15. september. kl. 11:45. Viðburðurinn verður haldinn í Háskólanum í Reykjavík í stofu M216.

Ingvar Örn Ingvarsson, framkvæmdarstjóri Cohne og Wolf á Íslandi mun hefja viðburð á því að fara yfir álitaefni sem lúta að tilgangi miðlunar og gagnvirkra samskipta fjölmiðla og lögaðila. Ingvar Örn hefur starfað í almannatengslum í 20 ár og hefur nýtt fagmenntun sína á sviðinu og alþjóðlega reynslu til að lyfta ráðgjöf innan sviðsins á hærri sess.

Þórarinn Þórarinsson, sem á að baki rúma tvo áratugi í blaðamennsku á vefmiðlum, tímaritum og dagblöðum, hefur í seinni tíð verið upptekinn af málfrelsinu og fagmennsku í fjölmiðlun kemur til með að taka við fyrirspurnum út frá álitaefni ásamt Brynjari Níelssyni.

Brynjar Níelsson, lögmaður, fyrrverandi þingmaður og núverandi aðstoðarmaður ráðherra er flestum kunnugur en hann liggur ekki á skoðunum sínum og hefur ítrekað lýst áhyggjum sínum af stöðu fjölmiðla á Íslandi. 

Dagskrá:

11:45 – 12:00 Ingvar Örn Ingvarsson fer yfir álitaefni er varða tilgang miðlunar og gagnvirkra samskipta og fjölmiðla

12:00 – 12:30 Þórarinn Þórarinsson og Brynjar Níelsson svara fyrirspurnum um álitaefni viðburðar

12:30 – 13:00 Opnar umræður

Erla Björg Eyjólfsdóttir, formaður stjórnar faghóps um almannatengsl og samskiptastjórnun mun leiða fundinn