Forsíða / Faghópar / ÖÖ: óvirkur: Tæknifaghópur

ÖÖ: óvirkur: Tæknifaghópur

Tæknihópur Stjórnvísi var formlega stofnaður í maí 2020 og samanstendur af hópi fólks úr ólíkum greinum atvinnulífsins sem hafa öll áhuga á hjálpa íslenskum fyrirtækjum og stofnunum að hagnýta tækni til árangurs.

Margir íslenskir vinnustaðir hafa ekki náð að nýta sér tækni til árangurs og virðast skrefin i vefjast fyrir of mörgum. Má þar benda á ýmsa þætti eins og uppsafnaða tækniskuld, litla þekkingu á viðfangsefninu innanhúss og óvissu um hvaða skref er heppilegt að taka til að byrja því oft getur verið kostnaðarsamt að ætla að taka mjög stór skref inn í framtíðina.

Á sama tíma standa Íslendingar vel að vígi þegar kemur að tæknilegum innviðum og tæknilæsi, fyrir utan að hér starfa ýmis ráðgjafar-, hugbúnaðar-, rekstrarþjónustu- og lausnasölu fyrirtæki sem hafa mörg dæmi um vel heppnaðar innleiðingar á íslenskum og erlendum vettvangi.

Það er að mati stjórnar faghópsins að hjálpa þurfi kaupendum og seljendum að ná saman og þannig að stuðla að aukinni verðmætasköpun og hagkvæmni fyrir íslenskt hagkerfi. Það sé öllum til hagsbóta og stuðli að verðmætari störfum og framþróun inn í framtíðina.

Miklar tækni- og hugafars framfarir hafa orðið á síðustu misserum og er því ekki seinna vænna en að hefjast handa. Við gerum okkur grein fyrir því að lausnirnar eru ekki endilega tæknilegar, samskipti, fræðsla og skilaboð skipta mun meira máli en tæknin sjálf.

Tæknihópur Stjórnvísi vill búa til vettvang til skoðanaskipta og umræðu um þessi mál og fá til þess sérfræðinga af ólíkum sviðum til að fræða og upplýsa.

Við hvetjum alla sem hafa áhuga á að ganga til liðs við hópinn, fræðast og taka þátt í umræðum um hvernig við lögum skekkjuna sem við stöndum frammi fyrir.

Viðburðir

24 nóv. 2022

Hvað er djúptækni og hvernig hefur hún áhrif?

24. nóv. 2022 09:00 - 10:00 / Fenjamýri - Fundarherbergi

Click here to join the meeting

Djúptækni er svið þar sem beitt er vísindalegri og verkfræðilegri nálgun, oft þverfaglegri, við þróun lausna. Til sviða í djúptækni teljast m.a. efnistækni, eðlisfræði, verkfræði, líftækni,raunvísindi, læknisfræði,hönnun, listsköpun sem og og tengsl við tölvunarfræði, gervigreindarþróun og fjölmörg önnur tæknisvið

Í fyrirlestrinum mun Hans Guttormur Þormar ræða um djúptækni og tengsl hennar við fjórðu iðnbyltinguna og þýðingu fyrir þekkingaruppbyggingu í samfélaginu.

Hans Þormar, er líffræðingur og hefur komið að mörgum frumkvöðlaverkefnum, og hefur verið framarlega í umræðunni um róttæka nýsköpun og tækifæri sem í henni leynast.

24 nóv. kl 9:00 Fenjamýri

13 okt. 2020

Nýjasta tækni og framtíðin

13. okt. 2020 12:00 - 13:00

Join Microsoft Teams Meeting

Undanfarna áratugi höfum við séð gríðalegar framfarir í tækni og nýsköpun á heimsvísu. Þessar framfarir hafa skapað mannkyninu öllu aukna hagsæld. Þrátt fyrir veirufaraldur á heimsvísu eru framfarir ekkert að minnka heldur munu bara aukast næstu árum. Gervgreind, róbotar, sýndarveruleiki, hlutanetið og margt fleira er að búa til nýjar lausnir og ný tækifæri. Framtíðin er í senn sveipuð dulúð og getur verið spennandi og ógnvekjandi í senn. Eina sem við vitum fyrir vissu er að framtíðin verður alltaf betri. Í þessu fyrirlestri ætlar Ólafur Andri Ragnarsson kennari við HR að fjalla um nýjustu tækni og framtíðina.

Ólafur Andri Ragnarsson er kennari við Háskólann í Reykjavík og kennir þar námskeið um tækniþróun og hvernig tæknibreytingar hafa áhrif á fyrirtæki. Hann er tölvunarfræðingur (Msc) að mennt frá Oregon University í Bandaríkjanum. Ólafur Andri er frumkvöðull og stofnaði, ásamt fleirum, Margmiðlun og síðar Betware. Þá tók Ólafur Andri þátt í að koma á fót leikjafyrirtækinu Raw Fury AB í Stokkhólmi. Þá situr hann í stjórnum ýmissa fyrirtækja. Hann tók einnig þátt í að stofna samtök tölvuleikjaframleiðenda og sat í stjórn þess um árabil. Ólafur Andri sendi frá sér bókina Fjórða iðnbyltingin: Iðnbyltingar og áhrif þeirra á samfélög árið 2019. Þar fjallar hann um forsendur tækniframfara og þær breytingar sem hafa orðið og munu verða.

Join Microsoft Teams Meeting

Fréttir

13. október 2020 12:30

Nýjasta tækni og framtíðin

Fundurinn var tekinn upp og má nálgast á facebooksíðu Stjórnvísi.
Faghópur um tækni hélt sinn fyrsta fund í hádeginu í dag og voru tæplega 100 manns á fundinum. Fyrirlesari var Ólafur Andri Ragnarsson kennari við Háskólann í Reykjavík og fjallaði hann um nýjustu tækni og framtíðina. Ólafur segir að það eina sem við vitum fyrir vissu sé að framtíðin verði alltaf betri.

Ólafur Andri hefur skrifað bók um tækni „Fjórða iðnbyltingin“ og hugur hans er allur í tækni. Núna er fjórða iðnbyltingin og telur Ólafur Andri að hún hafi byrjað árið 2007 í San Francisco þegar Steve Jobs kynnti nýja snjallsímann. Í dag eru 4 milljarðar snjalltækja og fólk snertir símann sinn mörg hundruð sinnum á dag. Iphone 12 kemur út í dag og er grunnur fyrir næstu byltingu. Einu stóru framfarirnar í símanum eru myndavélarnar. Aðaltekjulind Amazon er gagnahýsing. „Software eats the world“. Gervigreindin er löngu komin, allt gerist í rauntíma. Svakalegar breytingar eru að eiga sér stað í verslun og fjármálakerfum. Við getum í dag talað við hluti eins og hjólið okkar í gegnum netið. Nú tengist allt netinu snjallúr, bíllinn, húsið, sjónvarpið. Nú eru komnar verslanir í US „Walk away“ þar sem gervigreind les allar vörur sem þú ert með og skuldfærir. Gervigreindin er alls staðar, í Kína er hægt að sjá með andlitsgreiningu hver er inn í hvaða verslun. Gervigreindin leysir mörg verkefni afskaplega vel. Gervigreind og róbot eru farnir að geta búið til pizzur. Í Reykjavík fljúga róbotar með vörur og matarsendingar heim til fólks. Róbotar 21. aldar sjá, heyra, læra og tjá sig. Þetta eru vélar sem eiga samskipti við mannfólk. 5G mun skipta miklu máli fyrir færanlega róbota.

Ólafur ræddi um sárafátækt í heiminum sem í dag er undir 10%. Ungbarnadauði hefur nánast horfið. Ál, timbur og málmar eru minna notaðar. En hvað með framtíðina? Framfarir munu halda áfram og aukast á 21.öldinni. Við lifum lengur og verðum ríkari og fólksfjöldi staðnar. Rosaleg uppbygging verður í Asíu og Afríku þar verða risaborgir framtíðarinnar.

Störf munu breytast, þau þurfa að verða skemmtilegri, minna stressandi og hættuminni. Tæknilegt atvinnuleysi er alltaf tímabundin og mun verða. Við munum vinna minna og vinna frá kl.09:-17:00 er liðin tíð. Mjög margt spennandi verður á heilsusviðinu. Við þurfum alltaf að vera að læra. Farsíminn verður framtíðin okkar og verður jafnvel í gleraugunum okkar. Hann veit allt um okkur og gefur okkur öll ráð varðandi næringu, tísku, nám o.fl.

2. júní 2020 15:57

Fyrsta stjórn nýstofnaðs faghóps um tækni.

Nýr faghópur hefur verið stofnaður um tækni. Smelltu hér til að skrá þig í faghópinn. Fjöldi áhugaverðra aðila sýndi áhuga á að koma í stjórn faghópsins og úr varð níu manna stjórn sem hittist á Kringlukránni í hádeginu í dag og ræddi hugsanlegar áherslur faghópsins. Stjórnina skipa: María Björk Ólafsdóttir Mementopayments formaður, Fjalar Sigurðarson Nýsköpunarmiðstöð Íslands, Guðmundur Arnar Intellecta, Ragnhildur Ágústsdóttir Eldvirkni, Sigríður Hjörleifsdóttir ORF Genetics, Sigrún María Ammendrup Háskólanum í Reykjavík, Sigurjón Hákonarson Ozio, Valþór Druzin Icelandair og Víðir Ragnarsson Orkuveitu Reykjavíkur.