Viðburðir

Forsíða / Viðburðir / Fjarfundur: Þolinmæði og þrautseigja eru lykilatriðin

Fjarfundur: Þolinmæði og þrautseigja eru lykilatriðin

Viðburður er liðinn

6. apríl 2020 11:00 - 12:00

Mannauðsstjórnun, Stjórn Stjórnvísi ,

Linkur á fundinn er hér. Join Microsoft Teams MeetingAðstæðurnar sem við erum að fást við í dag; óvissa, vinnutími og vinnurammi í uppnámi , heimilin eru undir álagi þegar vinnustaðurinn flytur heim og pressan eykst og reksturin samt í erfiðleikum. Stjórnunin þarf að vera til staðar og áherslur þjónandi forystu eiga sérstaklega vel við. Starfsfólkið, hvað þurfum að hafa í huga, án alls vafa verðum við að halda áfram, finna leiðir og ná árangri.

Fjarfundur ca 45-60 mín

Spurningar leyfðar í gegnum chattið á meðan og eftir fund.

Sendur verður linkur á viðburðinn á mánudag.

Það eru þau Ása Karín Hólm og Sigurjón Þórðarson sem verða með erindi á fundinum.

Ása Karin Hólm Bjarnadóttir

Ása Karin er með Cand.merc frá Odense Universitet. Hún hefur reynslu af ráðgjöf fyrir fjölbreyttan hóp viðskiptavina á sviði stefnumótunar, skipulags, markaðs- og þjónustumála. Í gegnum ráðgjafaferilinn hefur hún komið mikið að innleiðingu á stjórnsýslubreytingum, stefnumótun og ýmisskonar breytingum hjá fyrirtækjum og stofnunum.

Verkefni sem Ása Karin hefur komið að eru m.a. innleiðing stefnumiðaðs árangursmats, mótun upplýsingastefnu, kortlagning ferla o.fl. hjá fjöldamörgum stofnunum og fyrirtækjum. Ása Karin hefur einnig komið töluvert að þjálfun og kennslu fyrir Capacent. Ása Karin hefur starfað sem ráðgjafi hjá Capacent síðan 2000.

Sigurjón Þórðarson.

Sigurjón hefur unnið sem ráðgjafi frá 2005 á sviði liðsheildar, stjórnunar, stefnumótunar og umbóta. Hann hefur unnið með ótölulegum fjölda starfsfólks og stjórnenda við að gera starfsumhverfi og vinnustaði þeirra betri. Sigurjón er MBA frá HR, MA dipl í jákvæðri sálfræði frá EÍ, er framhaldsskólakennari ásamt því að vera matreiðslumeistari með meira 20 ár reynslu í veitinga og ferðaþjónustu

Staðsetning viðburðar

Fréttir af viðburðum

6. apríl 2020 21:40

Þolinmæði og þrautseigja

Sigurjón og Ása Karín Hólm hafa undanfarnar vikur átt í miklum samskiptum við fólk sem er að vinna við breyttar aðstæður. Þau byrjuðu á að kynna sig og bentu á að efnið yrði aðgengilegt á vef Stjórnvísi og Capacent.

En hvað er að gerast? Fordómalausar aðstæður! Það er hugtak í stjórnunarfræðunum sem heitir „VUCA“ og það á við núna. Það þýðir aðstæður sem einkennast af óstöðugleika, enginn sér fram fyrir sig og flækjustigið er mikið. Lausnin er að líta inn á við. Muna eftir því að til þess að virka þá verðum við að setja okkur í 1.sæti þ.e. setja súrefnisgrímuna fyrst á okkur og síðan að aðstoða aðra.

Staðan er sérstök og allir vilja vita hvernig vikan og dagarnir líta út. En nú stöndum við frammi fyrir því að plönin ganga ekki upp. Það ríkir heilsufarslegt óöryggi og fjárhagslegt óöryggi. Allir finna til með einhverjum hætti. Allir eru að reyna að vinna sem best úr því. Núna eru verkefnin á mörgum stöðum færri en á öðrum stöðum meiri.

Áreitið er mikið í formi frétta. Hvert og eitt okkar er að takast á við breytingu, vinnan er komin heim og rekst á heimilislífið. Nú eru aðstæður þannig að við þurfum að skapa okkur umgjörð og aga. Nú þarf að vera einlægur við sjálfan sig, það eru tækifæri í stöðunni. Allt þetta snýst um hvernig við tæklum aðstæður. Ætlum við að verða píslavottar? Ég þarf að hanga heima fyrir og starfa? Eða ætlum við að vakna og byrja daginn á að nýta daginn, vera uppbyggilegur og byggja á sínum styrkleika? Horfum til tækifæranna sem við höfum með okkar nánu fjölskyldu. Það skiptir öllu máli hugarfarið sem við tökum með okkur inn í daginn.

Áherslur hafa mikið breyst í stjórnun. Sem stjórnendur þurfum við að lyfta okkur upp. Gefa okkur leyfi til að horfa nokkra mánuði fram í tímann. Allir eru vanir að gera áætlanir en við vitum að þær ganga ekki allar eftir. Það sem við vitum og getum gert er að við þekkjum þarfirnar. Þetta er kölluð styrkleikamiðuð stjórnun og við þurfum að vera leiðtoginn sem lýsir leiðina. Um leið og við erum vakandi fyrir okkur sjálfum þurfum við að vera vakandi fyrir öðrum. Nú er tækifæri til að eiga stutt samtal maður á mann. Við þurfum að muna eftir viðskiptavinum okkar. Mikilvægast af öllu er að hugleiða hvað við getum haft áhrif á núna. Við getum haft áhrif á hugsanir okkar og tilfinningar, hvernig við bregðumst við fréttum. Það er nauðsynlegt að hlusta á hvað er í gangi en við verðum að passa okkur á hversu mikið við hlustum á fréttirnar. Framtíðin er og verður, höldum áfram að plana eitthvað sem dregur okkur í gegnum skaflinn. Við höfum áhrif með því að fylgja fyrirmælum og höfum áhrif á aðra. Verum heiðarleg við maka og vinnufélaga og að sækja stuðning. En það sem við getum ekki haft áhrif er hversu langt ferlið verður. Við getum ekki stýrt heildarafleiðingum. Þetta er svo mikilvægt tól og tæki að spá í hvað við getum haft áhrif á. Ekki láta ytri aðstæður hafa áhrif á þína líðan.

Mjög víða eru verkefni að hverfa og fólk er í minnkandi starfshlutfalli eða að missa vinnuna. Sigurjón og Ása Karín teiknuðu upp hagaðilakort og nú er kominn inn nýr hagaðili sem er „fjölskyldur starfsfólks“. Allt í einu er vinnustaðurinn og skólinn kominn inn á heimilið. Þessi nýi hagaðili er kröfuharður. Nú er hæpið að horfa á að fólk eigi að vinna ákveðið margar klukkustundir. Það reynir miklu meira á að vera á fundi á sínu heimili en að vera í fundarherbergi.

Einn af árangrinum sem þarf að mæla er að horfa á er að við komum heil út úr þessu. Mikilvægt er að horfa á árangur verkefnanna. Langflestir starfsmenn vinna af heilindum og skila því sem þeir eiga að skila. Fyrir stjórnendur er þetta einstakt tækifæri að bæta traust og lykilatriði er að vera sem oftast í sambandi. Til að sigla í gegnum þetta þurfum við á öllum að halda. Munum að það eru verðmæti í fólkinu okkar. Í lokin hvöttu þau okkur til að eiga í samskiptum, sækja hrós og sofa vel og velja sér viðhorf. Það birtir að lokum. h

24. apríl 2020 22:42

Þolinmæði og þrautseigja eru lykilatriðin

Þau Sigurjón og Ása Karín Hólm hafa undanfarnar vikur átt í miklum samskiptum við fólk sem er að vinna við breyttar aðstæður. Efnið af fundinum er aðgengilegt hér:

Í fyrsta hluta fer Sigurjón yfir þá áskorun sem nú blasir við okkur. Þá ræðir hann hvað VUCA tími er og hvernig skuli komast í gegnum slíkan tíma og eins hvað það þýðir fyrir stjórnendur til að átta sig á bæði sjálfum sér sem og starfsfólki sínu.

Í 2. hluta fer Ása yfir það sem einkennir VUCA tíma. Í dag er það veiran sem ógnar and-, félags-, og fjárhagslegri heilsu okkar og finnum við öll fyrir óöryggi. Vinnan er komin heim og þar með tilefni til að átta sig á eigin aðstæðum og ná að skapa í samtali við stjórnendur nýjar sálfræðilegan samning og virða hann, gagnvart okkur sjálfum sem og öðrum fjölskyldumeðlimum. Þá ræðir Ása að lokum um tækifærið í tækninni annars vegar og hugarfarinu hins vegar. Hvaða hlutverk ætlum við að taka að okkur?

1 og 2 https://capacent.com/is/about/news/2020/tholinmaedi-og-thrautseigja/

Í þriðja hluta fer Sigurjón yfir hlutverk stjórnenda og stjónun á þessum tímum. Á meðan heilsa og öryggi fólks er í forgangi er einnig nauðsynlegt að halda áfram en þó með breyttum áherslum. Nándin þarf að vera meiri á sama tíma og fjarlægðin eykst og þarfir starfsfólk breytast mikið.

Sigurjón útskýrir aðstæðubundna stjórnun þegar vinnustaðurinn er orðinn gestur á heimili fólks. Þá fer hann yfir hvernig hver vídd færist Í fjórða hluta talar Ása um starfsmanninn sjálfan en óvissa og óöryggi fer mismunandi í fólk. Áskoranirnar felast í að vinnuaðstaðan er heima og mörkin milli heimilis og vinnu óljós eða horfin, ástandið er orðið langvarandi og það tekur á ásamt því að hvatningin í umgengni við samstarfsfólk er ekki lengur til staðar. Lausnin fyrir starfsfólkið sjálft er að sækja upplýsingar til stjórnenda, spyrja spurninga og ræða möguleikana. Huga þarf að heilsunni og sinna öllum grunnþörfum en einnig þarf að velja vel fólk í kringum sig, að það sé fólk sem hefur jákvæð áhrif á mann en líka að velja hvaða áhrif þú hefur á annað fólk. Ása fer yfir áhrifahringinn og ætti það að geta hjálpað okkur að átta okkur á eigin áhrifum við þetta ástand og hvernig samtal sé lausnin við annars flóknum aðstæðum.

3 og4 https://capacent.com/is/about/news/2020/tholinmaedi-og-thrautseigja-hluti-3-og-4/

Hvað gerum við þegar frændi hefur verið lengur í heimsókn en hann sagðist ætla að vera og við vitum ekki alveg hvenær hann fer?

Í fimmta hluta fyrirlestrar Ásu og Sigurjóns hjá Stjórnvísi fáum við að heyra frá Sigurjóni um hvernig verkefni hafa breyst að undanförnu og hvernig vinnustaðurinn er orðinn gesturinn sem ætlar að staldra við lengur en við hefðum kært okkur um. Á sama hátt og fjölskyldur þurfa að gera með sér samning um vinnutíma, þurfa stjórnendur líka að aðlaga stýringu verkefna að nýjum aðstæðum. Lítið þýðir að stýra fólki en áherslan þarf að vera á verkefnin og að hjálpa fólki að uppfylla vinnuskyldu sína.

5 https://capacent.com/is/about/news/2020/tholinmaedi-og-thrautseigja-hluti-5/

Tengdir viðburðir

2 apr. 2025

VELFERÐ Á VINNUSTAÐ - Heilsuefling og viðverustjórnun hjá Kópavogsbæ

2. apr. 2025 09:00 - 10:00 / Bæjarskrifstofa Kópavogsbæjar

Sigríður Þrúður Stefánsdóttir mannauðsstjóri og Auður Þórhallsdóttir mannauðsráðgjafi hjá Kópavogsbæ segja okkur frá tveggja ára átaksverkefni sem var sett af stað í byrjun árs 2024 til að draga úr veikindafjarvistum starfsfólks. Á sama tíma er einnig verið að innleiða nýja mannauðsstefnu með það að markmiði að byggja upp enn betra starfsumhverfi sem styður við heilsu, öryggi og vellíðan starfsfólks jafnframt því að rýna mögulegar ástæður fjarvista.

Ráðinn var starfsmaður í verkefnið tímabundið til að sjá um innleiðingu ferla, utanumhald, eftirfylgni, fræðslu og til stuðnings við stjórnendur. Allir stjórnendur og starfsfólk fengu kynningar á verkefninu, jafnframt því að stjórnendur sóttu skyldunámskeið í umhyggjusamtölum.

Viðburðurinn verður haldinn í skrifstofum bæjarins að Digranesvegi 1, í Holtinu á 2. hæð. Hollar veitingar verða í boði og líka kaffi.

15 maí 2025

Aðalfundur faghóps um mannauðsstjórnun 2025

15. maí 2025 10:00 - 10:30

Aðalfundur faghóps um mannauðsstjórnun verður haldinn fimmtudaginn 15. maí klukkan 10:00 til 10:30 í gegnum Teams.

Fundardagskrá:

Uppgjör á starfsári
Kosning til stjórnar*
Önnur mál

Faghópur um mannauðsstjórnun óskar eftir framboðum til formanns stjórnar, og stjórnarfólks.

Þau sem vilja bjóða sig fram til stjórnar, vinsamlegast sendið tölvupóst á sunna@vinnuhjalp.is.

* Stjórnarfólk sér um fundarstjórnun á viðburðum þar sem sérfræðingar koma og fræða og efla félagsfólk faghópsins um þau málefni sem eru efst á baugi. Stjórn faghóps um mannauðsstjórnun fær til þess stuðning og fræðslu um fundarstjórnun og á fræðslukerfinu LearnCove sem heldur utan um alla viðburði faghópsins.

Eldri viðburðir

8 feb. 2025

Markþjálfun vinnustofa: From Adversary to Ally: A workshop

8. feb. 2025 09:00 - 17:00

Faghópur markþjálfunar vill vekja athygli á Markþjálfunardeginum og vinnustofum 2025

8. febrúar 2025: Vinnustofa með Paul Boehnke kl. 9-17 í Opna háskólanum í HR

From Adversary to Ally: A workshop

Nánari upplýsingar og skráning hér

https://www.icficeland.is/events/markthjalfunardagarnir-2025-mognum-markthjalfun-til-framtidar-1

Um Paul Boehnke:

My holistic approach to coaching takes our entire being into consideration: our minds, bodies, emotions and spirit. Each of these aspects has important roles to play in our lives. But when we rely on one at the expense of another, we get out of balance and become disconnected from our values, purpose and mission in life.

The Thoughts On Demand™ method not only teaches you what you need to do to reprogram your thoughts and how to do it, but also uncovers the beliefs you hold about yourself and why you do what you do. It’s these last two that make the difference between temporary and lasting change.

You’ll learn:

• What to do when your critical voice shows up.

• To recognize the lies it tells and why you believe them.

• How to alleviate the suffering caused by negative self-talk.

• How to create thoughts that support you.

Nánari upplýsingar og skráning

https://www.icficeland.is/events/markthjalfunardagarnir-2025-mognum-markthjalfun-til-framtidar-1

7 feb. 2025

Markþjálfunardagurinn 2025 - Mögnum markþjálfun til framtíðar!

7. feb. 2025 13:00 - 17:00

Faghópur markþjálfunar vill vekja athygli á Markþjálfunardeginum og vinnustofum 2025

Markþjálfunardagurinn verður haldinn á Hilton Reykjavík Nordica þann 7. febrúar næstkomandi kl.13.

ICF Iceland - fagfélag markþjálfa á Íslandi stendur fyrir Markþjálfunardeginum 2025 sem varpar kastljósinu að markþjálfun í sinni breiðustu mynd og hvernig markþjálfar og atvinnulífið geta magnað markþjálfun til framtíðar og nýtt aðferðafræðina til að auka vöxt og vellíðan sinna skjólstæðinga, starfsfólks og stjórnenda.

Ráðstefnan er ætluð stjórnendum, mannauðsfólki og markþjálfum sem vilja efla mannauð, auka árangur og stuðla að vexti manneskjunnar og skipulagsheilda. Fyrirlesarar ráðstefnunnar eru erlendar stórstjörnur í faginu og íslenskir markþjálfar sem hafa verið leiðandi á sínu sviði.

Búast má við að um 150 manns sæki ráðstefnuna. Ráðstefnugestir eru m.a. stjórnendur, mannauðsfólk, markþjálfar og önnur áhugasöm um beitingu aðferða markþjálfunar til að efla velsæld og árangur.

Forsölu á viðburðinn lýkur 10. Janúar og því eru síðustu forvöð að tryggja sér miða á besta verðinu.

Markþjálfunardagurinn er stærsti viðburður ársins í faginu og er hann að þessu sinni veisla í þremur þáttum:

a) vinnustofa, fimmtudaginn 6. febrúar kl. 16-21 í Opna Háskólanum í HR

b) ráðstefna, föstudaginn 7. febrúar kl. 13-17 á Hilton Reykjavík Nordica

c) vinnustofa, laugardaginn 8. Febrúar kl. 9-17 í Opna Háskólanum í HR

Sjá nánar um viðburðinn og verð hér:

https://www.icficeland.is/events/markthjalfunardagarnir-2025-mognum-markthjalfun-til-framtidar-1

Skráning á viðburð fer einungis fram hér:

https://www.icficeland.is/events/markthjalfunardagarnir-2025-mognum-markthjalfun-til-framtidar-1/form

Þetta er frábært tækifæri til að hittast aftur, tengjast og fá næringu.

Við hvetjum öll að tryggja sér miða og njóta með okkur.

Sjáumst á Markþjálfunardaginn 2025!

Bestu kveðjur

ICF Iceland

6 feb. 2025

Ath! breytt tímasetning Markþjálfun vinnustofa: Coaching Sustainability - The power of story to attract more clients, create greater financial success while increasing your impact

6. feb. 2025 18:00 - 23:00

BREYTT TÍMASETNING: Vinnustofa með Lisu Bloom 6. febrúar

Kæru þátttakendur á vinnustofunni með Lisu Bloom,

Veðrið er hverfult og máttugt á Fróni og nú hefur yfirvofandi stormur haft áhrif á ferðatilhögun Lisu til landsins.

Hún átti að koma seinni partinn í dag en flugið hennar var fellt niður þannig að hún kemur ekki fyrr en á morgun. Eins og málin standa núna göngum við út frá því að það muni ganga samkvæmt áætlun, en við þurfum að byrja vinnustofuna kl.18 í stað 16 eins og auglýst var.

Vinnustofan fer fram í stofu M215 í Opna háskólanum í HR.

Boðið verður upp á samlokur, drykki, kaffi og nasl svo við höfum orku til að sitja og læra með Lisu frameftir kvöldi.

Við hlökkum til að sjá ykkur

Faghópur markþjálfunar vill vekja athygli á Markþjálfunardeginum og vinnustofum 2025

6. febrúar 2025 : Vinnustofa með Lisu Bloom kl. 16-21 í Opna háskólanum í HR

Coaching Sustainability - The power of story to attract more clients, create greater financial success while increasing your impact

Nánari upplýsingar og skráning hér

https://www.icficeland.is/events/markthjalfunardagarnir-2025-mognum-markthjalfun-til-framtidar-1

Um Lisu Bloom:

My goal is to empower you to succeed in your business by finding and leveraging your own powerfully compelling story.

And when I say ‘succeed’, I mean to finally be able to:

articulate what you do in a way that attracts your ideal clients,

get clear and confident about how your business helps others,

achieve what you’re really here to do in the world.

Storytelling is the key to engaging, inspiring, and empowering the people you serve – not to mention making more sales and growing your business.

If you’re not telling your authentic, compelling story, you are not sharing your true purpose with your clients or yourself…and life is too short for that!

If you find yourself drawn into people’s real stories, or you love ‘once upon a time’ type stories, and you want to add that kind of magic into your business, then you’re in the right spot!

Because stories ARE magic. But I’m not talking about kid’s story-time kind of magic. I’m talking about the magic of connecting the gifts you have to the people you want to serve in a real and true way.

I’m talking about the magic of a business that supplies you with the time, money and freedom to create everything you dream of.

And I mean everything!

Nánari upplýsingar og skráning

https://www.icficeland.is/events/markthjalfunardagarnir-2025-mognum-markthjalfun-til-framtidar-1

13 nóv. 2024

Hvernig virkjum við „Viskuvélar“ og aðferðir markþjálfunar á stafrænum Vettvangi vaxtar.

13. nóv. 2024 08:30 - 09:15 / TEAMS

TEAMS linkur hér

Hvernig virkjum við „Viskuvélar“ og aðferðir markþjálfunar á stafrænum Vettvangi vaxtar.

AI coach FranklinCovey og virkniáskoranir til framfara.

Á fundinum mun Guðrún kynna til leiks snjallan markþjálfa FranklinCovey á Vettvangi vaxtar – svokallaðan „AI coach“ - og leiða hópinn um nokkur dæmi um öflug samtöl. Um er að ræða snjalla viðbót við þekkingarveitu FranklinCovey á Impact Platform sem styður notendur í fjölda áskoranna og viðfangsefna í dagsins önn. Æfðu erfið samtöl, fáðu endurgjöf og virkjaðu góðan stuðning og nýja sýn á verkefni dagsins með aðstoð gervigreindar.

Guðrún Högnadóttir, Managing partner FranklinCovey

TEAMS linkur hér

7 nóv. 2024

Starfsafl býður heim

7. nóv. 2024 09:00 - 10:00 / Hús Atvinnulífsins

Lísbet Einarsdóttir, framkvæmdastjóri hjá Starfsafli býður félagsfólki Stjórnvísis heim, í Hús Atvinnulífsins, til að njóta léttra veitinga og hlýða á erindi þar sem Lísbet mun fjalla vítt og breitt um fræðslu fyrirtækja, mikilvægi fræðslustefnu og áætlunar, ásamt því að svara spurningum úr sal.

Við hlökkum til að sjá ykkur!

Fundarstjóri er Guðrún Finns., stjórnarmeðlimur í faghóp mannauðsstjórnunar.