Faghópur um sköpunargleði í vinnunni: Liðnir viðburðir

Click here to join the meeting

Eyþór Víðisson, öryggisfræðingur mun fjalla um heilbrigði, öryggi og vinnuvernd út frá sínum störfum og hvernig ISO 45001 getur gagnast til notkunar á vinnustöðum.

Eyþór hefur víðtæka reynslu af vinnuvernd og forvörnum; sem öryggisstjóri Samskipa, öryggisráðgjafi í 17 ár og núna sem öryggisstjóri vinnuverndar hjá Reykjavíkurborg.

Eyþór er menntaður  öryggis- og löggæslufræðingur.

Click here to join the meeting
Öryggismiðstöðin var stofnuð árið 1995 og er framsækið þjónustufyrirtæki sem býður upp á heildarlausnir í öryggis- og velferðarmálum. Árið 2012 var ákveðinn vendipunktur hjá fyrirtækinu. Starfsemi Öryggismiðstöðvarinnar hafði vaxið verulega undanfarin ár. Bæði starfsfólk og ferlar voru farin að finna fyrir vaxtaverkjum og löngunin til að veita betri þjónustu ýtti okkur af stað í nýja átt. Í kjölfar stefnumótunar var sú ákvörðun tekin að stofna þjónustuver sem myndi sameina krafta starfsmanna og straumlínulaga ferla með það að markmiði að veita markvissari þjónustu. Eva Helgadóttir deildarstjóri Þjónustuvers mun leiða ykkur í gegnum þá vegferð sem farið var í árið 2012 og segja frá því hvernig tókst til og hvernig staðan er í dag.

 Vegna aðstæðna í þjóðfélaginu er aðeins boðið upp á viðburðinn í streymi í gegnum Teams.

Click here to join the meeting

Viðburður á netinu

Gerd Leonhard og fleiri eru að standa fyrir stafræni ráðstefnu (á netinu), fimmtudaginn 26 mars nk. undir heitinu The Future of Business - the next 10 years. Ráðstefnan verður send út í gegnum Zoom. Skráning er nauðsynleg (Zoom direct sign-up is here). Þátttaka er gjaldfrjáls. Hefst kl. 5 á íslenskum tíma en 6 eftir hádegið CET.

Ég þekki ágætlega til Gerd. Hann er áhugaverður framtíðarfræðingur og hefur meðal annars gefið út bókina Technology Vs. Humanity.

Þekking og fræðsla á óvissu tímum. Njótið, Karl Friðriksson

Skoðið vefinn með því að smella á heiti ráðstefnunnar eða farið inn á þessa vefslóð: https://www.futuristgerd.com/2020/03/new-digital-seminar-on-the-future-of-business-march-26-anton-musgrave-and-gerd-leonhard/

Hér er einnig kynningartexti frá þeim sem standa að ráðstefnunni:

 March 26, 6pm CET :   FREE Digital Conference with Futurists Anton Musgrave, Gerd Leonhard, Liselotte Lygnso, KD Adamson: The Future of Business

 Description

 Danish futurist Liselotte Lygnso has just been added as guest-speaker, see https://thefuturesagency.com/speakers/liselotte-lyngso/ for more details on Liselotte. Blue Futurist' KD Adamson will join us as well see https://thefuturesagency.com/speakers/k-d-adamson/. The latest updates will be shared here: https://gerd.fm/39ZgAsN

We are living in an age of perpetual VUCA (volatility, uncertainty, complexity and ambiguity) - and given that we are also moving at exponential pace, FORESIGHT is now mission-critical. Being 'future-ready' is everyone's job now, and it requires more than good data, sharp analysis and domain expertise. To 'have a get feel' for what's coming is probably more of an art than a science - imagination and intuition are just as important as experience and knowledge: EQ AND IQ.

Hence, this session will focus on what we call PRACTICAL WISDOM, i.e. we will share our insights and foresights about the next decade and apply them to the here and now. We will present for 15 minutes each, and then take questions and have live discussions with the audience.

We will talk about the 10 Game-Changers impacting every business in the near future, and the Megashifts see www.megashifts.digital focussing on near future scenarios and 'practical wisdoms'. Have a look at www.futuristgerd.com and https://thefuturesagency.com/speakers/anton-musgrave/ for more Details on what we do.

More details will be published on http://www.theconference.digital soon!
Please note that this is a FREE event, for now, as we are trying out new ideas and concepts. This may change in the future.

Í fyrirlestrinum mun Elín Helga m.a. fjalla um mikilvægi markhópagreiningar og markmiðasetningar í skilvirku og árangursríku markaðsstarfi. Tekin verða dæmi úr erlendum rannsóknum og herferðum og fjallað um herferð Arion banka um hraðþjónustu sem var kosin árangursríkasta auglýsingaherferðin 2015.

Fyrirlesari: Elín Helga Sveinbjörnsdóttir

Stjórnir faghópa samfélagsábyrgðar og sköpunargleði og nýsköpunar hjá Stjórnvísi standa fyrir morgunverðarfundi þann 21.janúar næstkomandi kl 8.30-10.00 í húsakynnum Arion banka í Borgartúni. Á fundinum verður fjallað um samfélagslega ábyrga nýsköpun í atvinnulífinu. Nýlegar rannsóknir sýna að það hefur jákvæð áhrif á nýsköpun og starfsemi fyrirtækja að vera samfélagslega ábyrg.

Kristinn Harðarson framkvæmdastjóri fjárfestinga og framleiðsluþróunar hjá Alcoa Fjarðaáli mun segja frá samfélaglega ábyrgri nýsköpun innan fyrirtækisins. Sigríður Dögg Auðunsdóttir og Dögg Ármannsdóttir hjá Inspirally fjalla um þá samfélagsábyrgu þætti sem höfðu áhrif á stofnun vefsíðunnar inspirally.com. Jafnframt mun Ingi Rafn Sigurðsson einn af stofnendum Karolina Fund tala um velgengni fjármögnunar samfélagslega ábyrgra sprotafyrirtækja.

Fundarstjóri er Einar Gunnar Guðmundsson hjá Arion banka.

Iceland Innovation UnConference er nýstárlegur nýsköpunarviðburður sem Landsbankinn heldur á Háskólatorgi í samstarfi við Háskóla Íslands og MassTLC (Massachusetts Technology Leadership Council) í annað sinn laugardaginn 9. nóvember 2013.

Viðburðurinn er fyrir alla sem vinna í, vilja vinna með, styðja við, stofna, byggja upp, fjárfesta í eða bara tala við og um sprotafyrirtæki og/eða nýsköpun.

UnConference byggir á Open Space Technology þar sem dagskrá viðburðar er mótuð af þátttakendum sjálfum frá upphafi til enda.

Síðasti viðburður einkenndist af mikilli orku og uppbyggilegum umræðum en tæplega 200 manns tóku þátt í deginum, fulltrúar sprotafyrirtækja, fjárfesta, háskólanna, samtaka úr atvinnulífi og fjölda einstaklinga með yfirgripsmikla þekkingu á fyrirtækjarekstri eða stoðsviðum. Skipulagðar voru umræður um fjörutíu mismunandi viðfangsefni. Jafnframt gátu þátttakendur pantað einkaviðtöl hjá 100 leiðbeinendum og fengið verðmæta ráðgjöf og hugmyndir. Í hópi leiðbeinanda voru sérfræðingar úr atvinnulífi og háskólum, reyndir frumkvöðlar, forstjórar, hönnuðir og fjárfestar.

Nánari upplýsingar og skráning á www.landsbankinn.is/unconference

Nýsköpunarhádegi Klak Innovit - þriðjudaginn 5. nóvember milli kl. 12:00-13:00

Nýsköpunarhádegi Klak Innovit eru haldin í hádeginu á þriðjudögum í frumkvöðlasetrinu Innovation House á Eiðistorgi 13-15. Hvert hádegi hefur þema sem tengist nýsköpun, atvinnusköpun og verðmætasköpun á Íslandi.

Nýsköpunarhádegi eru samstarfsverkefni Klak Innovit og Landsbankans. Þá koma háskólarnir og fjöldi félagasamtaka að samstarfinu.

Næstkomandi þriðjudag verður fjallað um fjárfestingar í sprotafyrirtækjum. Þar fáum við m.a. innsýn inni í hugarheim fjárfestingasjóða og frumkvöðla.

Frummælendur: Helga Valfells framkvæmdastjóri Nýsköpunarsjóðs atvinnulífsins og Agnar Sigmarsson einn stofnenda Transmit ehf.

Sjávarklasinn og faghópur um nýsköpun og sköpunargleði bjóða til spennandi morgunverðarfundar í húsi Sjávarklasans. Þar er margt um sprotafyrirtæki sem hafa þróað vörur úr afurðum sem margir telja úrgang - ónýtanlegt með öllu.

Við kynnumst spennandi verkefnum og fólki sem stendur í fremstu víglínu nýsköpunar á þessum fyrsta fundi haustsins. Og svo förum við æfingar eða leiki sem miða að því að koma okkur með bros á vör út í góðan vinnudag.

Er hægt að panta starfsgleði? Er alvara í skopskyni?

Lífskúnstnerinn og sköpunargleðisinninn Edda Björgvins verður gestur okkar frá klukkan 8:30 til 10, þriðjudaginn 13. nóvember í betri stofunni í Ofanleiti 2 (gamla HR húsinu). Þar mun hún segja frá því hvernig við getum opnað fyrir krana sköpunargleðinnar innan okkar fyrirtækja, þeirrar gleði sem leiðir til nýsköpunar.

Edda hefur boðið upp á námskeið til stjórnenda um árabil, meðal annars um þjónustustjórnun og þátt hennar í velgengni fyrirtækja. Sagt hefur verið að hlutverk leikstjórans sé með þeim mest krefjandi stjórnunarstöðum sem hugsast getur. Það hlutverk hefur Edda tekið að sér með góðum árangri, auk þess að hafa staðið á sviði og birst á hvíta tjaldinu um áratuga skeið.

Það er því til margs að hlakka þennan þriðjudag. Taktu tímann frá og fáðu sannkallaða gleðisprautu sem á eftir að gera þig ónæma(n) fyrir leiðindum og fýlu út árið.

Við hlökkum til að sjá þig!

Faghópar um nýsköpun og sköpunargleði.

Stærsta fjárfestaráðstefna Íslands - Seed Forum Iceland - verður haldin föstudaginn 26. október í Arion Banka (skráning: www.seedforum.is).

Sex íslensk og tvö erlend fyrirtæki kynna sig fyrir fjárfestum: Mentor (www.mentor.is), Guitarparty (www.guitarparty.com), Mymxlog (www.mymxlog.com), Cooori (www.cooori.is), Designing Reality (www.designingreality.co), Kúla Inventions (www.kulainventions.com), Neckcare (www.neckcare.com), SnowCastle (www.snowcastleco.com).

Þrír leiðandi fjárfestar í Evrópu og Bandaríkjunum fjalla um fjárfestingar í sprotafyrirtækjum. Brian Singerman frá Founders Fund (www.foundersfund.com), áhættufjárfestingasjóður í Bandaríkjunum sem fjárfesti m.a. í Facebook, Spotify og SpaceX, Geir Ove Kjesbu, framkvæmdastjóri Investinor (www.investinor.no) sem er einn stærsti klak-sjóður Evrópu og Robin Rowland Hill frá Beer&Partners (www.beerandpartners.co.uk) sem er leiðandi í fjármögnun sprotafyrirtækja í Bretlandi.

Aðilar Sprotaþings Íslands: Klak - Nýsköpunarmiðstöð atvinnulífsins, NSA - Nýsköpunarsjóður atvinnulífsins, Samtök iðnaðarins, Eyrir Investments, Íslandsstofa og Viðskiptaráð, í samstarfi við Arion Banka - aðalstyrktaraðila Seed Forum Iceland, hvetja til fjárfestinga í sprotafyrirtækjum.

Tilgangur Seed Forum Iceland þingsins er að kynna árangursrík sprotafyrirtæki sem fjárfestingarkost fyrir fjárfestum, fjárfestingasjóðum eða aðilum sem geta tengt þessi fyrirtæki við fjárfesta. Fjárfesting eykur líkur á árangri sprotafyrirtækja á alþjóðlegum markaði. Nú þegar hafa 113 fyrirtæki kynnt sig fyrir fjárfestum á Seed Forum Iceland þinginu og þar af 75 íslensk fyrirtæki. Fjárfest hefur verið í 39% íslensku fyrirtækjanna. Fyrirtæki eins og CCP, Orf-Líftækni, Gavia og mörg önnur fyrirtæki sem hafa kynnt viðskiptahugmynd sína á Seed Forum Iceland eru ört vaxandi fyrirtæki. Sprotafyrirtæki geta verið mjög góð fjárfesting.

Nýsköpunarhádegi Klaks þriðjudaginn 25. september kl. 12:00

Fyrsta Nýsköpunarhádegi Klaks var haldið 18. september sl. og var húsfyllir. Steinþór bankastjóri Landsbankans og Svana Helen formaður SI opnuðu umræður um Nýsköpunarhagkerfið. Niðurstaðan var að lykillinn er verðmætasköpun og að nýsköpun er "tæki" sem öll fyrirtæki þurfa að nota. Það þarf hugarfarsbreytingu á Íslandi til þess að skapa aukin verðmæti og einblína ekki á náttúruauðlindir heldur nýta okkur þekkingu og tækni nýsköpunarhagkerfisins.

Þriðjudaginn 25. september snýst umræðan um tækifæri í jarðvarma. Við fáum helstu sérfræðinga landsins til þess að hita upp fyrir skemmtilegar umræður.

Þema: Jarðvarmi - er hann "hot" or "not"?

Frummælendur eru lykilaðilar úr jarðvarmageiranum:

• Þóra Margrét Þorgeirsdóttir - verkefnastjóri Jarðvarmaklasans
• Hjörtur Þór Steindórsson - sérfræðingur í endurnýjanlegri orku hjá Íslandsbanka
• Ragnheiður Inga Þórarinsdóttir - verkfræðingur

Fundarstjóri: Eyþór Ívar Jónsson, framkvæmdastjóri Klaks

Nýsköpunarhádegi Klaks er samstarfsverkefni Klaks - Nýsköpunarmiðstöðvar atvinnulífsins, Landsbankans, RUV, Viðskiptablaðsins, Stjórnvísi og Samtaka iðnaðarins.

Fundurinn er öllum opinn. Boðið er upp á kaffi og meðlæti. Athugið að fundurinn er tekinn upp af RUV og ljósmyndari Viðskiptablaðsins verður á staðnum (svo mætið í spariskónum).

Sköpunargleði er grundvöllur nýsköpunar og nýsköpun er oft á tíðum grundvöllur samkeppnisforskots. Ýmsar leiðir er hægt að fara til að ýta undir þetta og hafa rannsóknir gefið til kynna að til dæmis starfsumhverfið hefur áhrif á sköpunargleði fólks.

Fyrsti haustfundur faghópsins um Sköpunargleði verður haldinn hjá TM Software. Þau hafa boðið okkur í heimsókn þann 19. september klukkan 8:15 þar sem þau munu segja frá þeim breytingum sem gerðar hafa verið á starfsumhverfi þeirra til þess að ýta undir sköpun, má þar nefna ofurhetjur, ýmsa liti og leikherbergi :)

Klukkan 8:15 er boðið upp á léttan morgunverð og svo hefst kynningin klukkan 8:30 og lýkur 9:45.

Nýsköpunarhádegi Klaks byrja þriðjudaginn 18. september næstkomandi. Tuttugu sex Nýsköpunarhádegi voru haldin síðasta vetur þar sem 60 frummælendur mættu og töluðu um framtíð Íslands.

Nýsköpunarhádegi Klaks er frábært tækifæri til þess að sækja sér þekkingu, taka þátt í umræðum og skemmta sér konunglega.

Nýsköpunarhádegi Klaks er í samstarfi við Nýsköpunarhóp Stjórnvísi, Landsbankann, Samtök iðnaðarins og fleiri aðila.

Þema 18. september: Nýsköpunarhagkerfið - hvað er nú það?

Frummælendur verða kanónur úr íslensku atvinnulífi.

• Steinþór Pálsson, bankastjóri Landsbankans

Fundarstjóri: Eyþór Ívar Jónsson, framkvæmdastjóri Klaks

Allir velkomnir... kaffi og meðlæti

Berghildur Erla Bernharðsdóttir fjallar um sköpunargleðina og listina að lifa.

Í fyrirlestrinum er farið í aðferðir til að byggja upp sjálfstraust og velgengni. Fyrirlesturinn byggist á rannsókn á sex vinsælustu sjálfshjálparbókum hér á landi og erlendis þar sem kannað var hvort þær ættu eitthvað sameiginlegt. Í ljós kom að ákveðnir þættir komu alls staðar fyrir og voru rauður þráður í öllum bókunum en þetta voru þættir sem höfundar bentu á sem mikilvæga til að njóta velgengni og eiga hamingjurík líf. Meðal þátta sem höfundur komst að er hvernig hugsanir okkar geta haft áhrif á líf okkar og sköpunargleði.

Í fyrirlestrinum eru sameiginlegu þættir sjálfshjálparbókanna kynntir og líkindi þeirra við hugræna atferlismeðferð (HAM). Sagt er frá aðferðum til að tileinka sér jákvæðara hugarfar og ná betri árangri í lífi og starfi.

Að fyrirlestrinum loknum verður brugðið á leik með léttum æfingum sem örva sköpunargleðina.

Berghildur Erla Bernharðsdóttir er með MA- í blaða og fréttamennsku. Hún hefur starfað á vegum Þekkingarmiðlunar og fyrir Capacent sem fyrirlesari. Síðustu ár hefur hún starfað við almannatengsl og kynningarstörf, hún starfaði um árabil við fréttamennsku og dagskrárgerð. Þá var um ritstjóri Uppeldis á árunum 2001-2005.

Virkjun sköpunargleðinnar er allsráðandi í heimi frumkvöðlanna hjá Klak sem segja okkur frá vegferð sköpunargleðinnar frá hugmynd að veruleika.

Eyþór Ívar Jónsson, framkvæmdastjóri Klaks, dreifir hugarfóðri eins og honum einum er vant. Svo munu brautryðjendurnir frá Amivox, DabLab og Fafu kynna sig og frábærar pælingar sem urðu að frábærum verkefnum - frá hugmynd að fyrirtæki.

Gunnar Jónatansson, raðfrumkvöðull og markþjálfi mun síðan leiða okkur í japanska leikfimi með snert af persónuleikagreiningu og segja frá hvernig við getum nýtt hæfileika okkar og færni til að stjórna fundum betur.

Þetta verður umtalaður fundur - ekki missa af honum!

Gísli Gíslason stjórnarformaður kynnir fyrir okkur starfssemi Northern Light Energy og verkefni á þeirra vegum

• Rafbílavæðing Íslands
• Fleiri verkefni á döfinni

Rafbílar verða til sýnis fyrir gesti fundarins.

Indlandsævintýri og matur sem kætir

Birna Dröfn Birgisdóttir mun segja frá reynslu sinni sem hún öðlaðist í jógasetri í Indlandi síðastliðið sumar. Rannsóknir hafa sýnt að þessi aðferð sem hún lærði þar getur:
• Aukið sköpunargleði starfsmanna
• Bætt heilabylgju starfsemi
• Aukið innsæi
• Bætt einbeitingu
• Minnkað verki sem plága starfsmenn hvað mest

Elísabet Reynisdóttir, sjálfstætt starfandi næringaþerapisti í Baðhúsinu, mun svo fjalla um mat sem kætir og ýtir þannig undir sköpunargleði.

Fimmtudaginn 20. október mun sköpunargleðihópurinn halda fund með pompi og prakt.

Umferðarstofa býður í heimsókn þar sem boðið verður upp á morgunmat.

Fundurinn byrjar á upphitun með láréttri hugsun. Þar á eftir munu Gísli S Brynjólfsson, framkvæmdastjór Hvíta Hússins og Gunnar Þór Arnarsson, framkvæmdastjóri hönnunarsviðs Hvíta Hússins vera með erindi um aðferðarfræðina á bak við sköpun auglýsinga fyrir Umferðarstofu ásamt því að fjalla um sköpunargleði.
Nafn Hvíta Hússins er dregið af eggi, tákni frjósemi og sköpunar, sem jafnframt er grunnurinn að merki fyrirtækisins. Hvíta húsið er fullt hús hugmynda og því spennandi fundur framundan.

Hlökkum til að sjá ykkur sem flest :)

Faghópur um Sköpunargleði boðar til fundar þann 6.maí nk.
Fundarstaður: CCP
Tími:  08:30 - 10:00
 
Fyrirlesarar:  CCP mun kynna hvernig þeir nýta sköpunargleði í starfi sínu
Sigrún Jóhannesdóttir, Fræðslumiðstöð Atvinnulífsins mun fjalla um fræðin á bakvið sköpunargleði
Að efla skapandi hugsun í námi og starfi
Ásta Valdimarsdóttir, hlátursjógakennari og hlátursambassador 
Hernig hláturjóga getur aukið sköpunargleðina

Þann 27. Janúar klukkan 8:15 mun Íslenska gámafélagið taka á móti faghóp um Sköpunargleði í vinnunni.
 
 Dagskrá fundar;
 
8:15 Kaffi og með því
Jón Þórir Frantzson, forstjóri Íslenska Gámafélagsins ehf – Græn gleði
Guðrún Bergmann, framkvæmdastjóri Grænna hæla ehf – Sköpunargleði gefur lífinu gildi
  
Að loknum fundir verður boðið uppá sýnisferð um Gufunes og Endurvinnsluþorpið frá 9:30-10:00.
 

Stofnfundur faghóps um sköpunargleði verður haldin 23. nóvember 2010, kl. 8:30 – 9:30 í höfuðstöðvum Landsbanka Íslands, Hafnarstræti 5, 3. hæð.
 
Dagskrá fundar felst að mestu í umræðu um hvað sköpunargleði sé, tilganginum með stofnun sérstaks faghóps og helstu markmiðum. Til þess að koma uppsprettum sköpunarkraftarins af stað mætir þekktur yoga kennari og ætlar að kenna okkur jakkafata-yoga. Fulltrúar Landsbankans ætla líka að segja frá spennandi hugmyndum og verkefnum.
 
 

Fundur í samstarfi Stjórnvísi, FVH og Fagráðs verður haldinn í Háskólanum í Reykjavík föstudaginn 15.október kl.15:00 - 17:00.  Þarna verða: Samel West sálfræðingur og frumkvöðull frá Svíþjóð, Andri Heiðar Kristinsson frá Innovit, Margrét Pála Ólafsdóttir leikskólastjóri, Dóa Ísleifsdóttir frá Listaháskólanum, Ingibjörg Gréta Gísladóttir frá Hugmyndahúsinu, Gunnar Hólmsteinsson frá CLARA og Haraldur Dieogo frá Fagráð, viðskiptaráðgjöf.
Taktu daginn frá!