Á þessu ári verður þema haustráðstefnu Stjórnvísi "Minni vinna - meiri framlegð - betri líðan". Við höfum fengið til liðs við okkur áhugaverða einstaklinga sem munu fjalla um ávinninginn að aukinni framlegð í atvinnulífinu, hvaða ólíku leiðir hafa verið farnar á þeirra vinnustöðum til þess að auka framlegð, sagðar verða raunsögur og hugtakið útskýrt. Það er til mikils að vinna fyrir einstaklinginn, vinnustaðinn og þjóðfélagið sjálft.
Fyrirlesrarar eru: Ragnheiður Elín Árnadóttir, iðnaðar-og viðskiptaráðherra, Guðrún Hafsteinsdóttir, formaður Samtaka iðnaðarins og markaðsstjóri Kjöríss í Hveragerði, Páll Matthíasson, forstjóri Landspítalans og Ólafur Ísleifsson, framkvæmdastjóri gæðamála við Háskólann á Bifröst,

Ráðstefnustjóri er Hrönn Greipsdóttir, fjárfestingastjóri Arev verðbréfa,

Ráðstefnan verður verður haldin á Grand Hótel frá kl.13:00-15:30 þriðjudaginn 28.október frá kl.13:00-15:30

Boðið verður upp á kaffihlaðborð og eru allir Stjórnvísifélagar hjartanlega velkomnir.

Ferðaþjónustugreinin á Íslandi vex mjög hratt. Mjög mikilvægt er að í svo hröðum breytingum nái allir aðilar sem koma að greininni að halda í við vöxtinn. Ein mesta áskorunin er að tryggja að fólk sem sækir Ísland heim búi við gott öryggi á ferðum sínum um landið. Í þessu erindi verður fjallað um mikilvægi áhættugreininga og aðgerða í ferðaþjónustu og tekið dæmi um verkefni þar sem öryggismál skipa mjög stóran sess.
Nú standa yfir framkvæmdir við gerð ísganga fyrir ferðamenn hátt uppi á Langjökli. Slíkri framkvæmd fylgja ýmsar hættur sem þarf að greina og bregðast við. Bæði geta aðstæður á jöklinum verið varasamar og einnig fylgja gangagerð hvers konar ýmsar hættur. Loks þarf að greina mögulegar hættur gagnvart gestum ganganna þegar að rekstri ferðaþjónustu þar kemur og haga útfærslu ganganna og fyrirkomulagi ferðarinnar eftir þeim.

Reynir Sævarsson verkefnisstjóri og Þóra Kristín Ásgeirsdóttir sérfræðingur í neyðarstjórnun hjá EFLU verkfræðistofu munu gera grein fyrir verkefninu, gerð og viðhaldi áhættumats og viðbragðsáætlana fyrir verkefnið.

Ekki missa af næsta Mannamóti!

Hvenær: Miðvikudaginn 29.október
Hvar: KEX, Skúlagötu 28
Klukkan 17 - 18.30

Guðmundur Jörundsson, stofnandi og aðalhönnuður JÖR, ásamt Gunnari Erni Petersen, framkvæmdastjóra JÖR, ætla að fjalla um merkið JÖR, uppbyggingu og framtíð þess.

Sjáðu kynningarmyndband hér:
guðmundur í jÖr.png

Magni Þorsteinsson og Hugrún Árnadóttir, hönnuðir og eigendur Kron by KronKron ætla einnig að vera með erindi á Mannamótinu nk. miðvikudag. Þau ætla að fjalla um sögu KronKron, uppbyggingu merkisins hér heima og erlendis og mikilvægi þess að muna eftir að fylgja hjartanu.

Sjáðu kynningarmyndband hér:
magni í kronkron.png

Aðgangur ókeypis. Sjáumst hress!

Haukur Hannesson, Framkvæmdastjóri AGR.
Staðsetning. Háskólinn í Reykjavík, Inngangur hjá Opna Háskólanum 2.hæð. Stofa M209.

Á fundinum verður fjallað um:
• Hvernig má tengja innkaupaferlið við áætlanagerðina?
• Hvernig má bæta áætlanagerðina og gera hana sýnilegri?
• Hvernig má bregðast við eftirspurnarbreytingum við áætlanagerð?
• Hvernig má samþætta verkferla við innkaup, áætlanagerð og söluherferðir?
• Fjallað um nýlega innleiðingu söluáætlanaferlis hjá alþjóðlegu lyfjafyrirtæki.

Drekka menn Pepsi á stjórnarfundum í Vífilfelli?

Gísli Gíslason, lögfræðingur og framkvæmdastjóri EVEN.

Nýsköpun fyrir íslensk orkufyrirtæki.
Bjarni Pálsson, deildarstjóri virkjanadeildar Landsvirkjunar.

Stefán Þór Helgason, verkefnastjóri hjá Klak Innovit kynnir viðskiptahraðalinn Startup Energy Reykjavík.

Ánægja starfsfólks er hornsteinn í árangri fyrirtækja. Kenningar sýna þó fram á að ekki er nóg að búa yfir ánægðu starfsfólki heldur er talið mikilvægara að starfsfólk helgi sig starfinu. Helgun er upplifun starfsmanna og má skilgreina sem jákvætt viðhorf starfsmanna til fyrirtækis og gildum þess og sá sem helgar sig starfinu áttar sig á hver áhrif hans sem starfsmanns eru á heildarafkomu fyrirtækis. Ýmsir þættir eru taldir hafa áhrif á það að hve miklu leyti starfsfólk helgar sig starfinu og helgun hefur sterkt forspárgildi um jákvæða rekstrarafkomu fyrirtækja.

Guðrún Ragna Hreinsdóttir og Kristjana Milla Snorradóttir, nemendur í meistaranámi í verkefnastjórnun (MPM) gerðu rannsókn í tengslum við lokaverkefni sitt. Markmið rannsóknarinnar var að kanna hvort gæðastjórnun hafi áhrif á helgun starfsmanna. Byggt var á niðurstöðum vinnustaðagreininga Capacent á Íslandi. Tekin voru saman gögn úr mælingum sem voru gerðar fyrir og eftir ISO 9001 vottun fyrirtækja. Einnig voru bornar saman niðurstöður fyrirtækja sem voru með ISO 9001 vottun og fyrirtækja sem voru ekki með ISO 9001 vottun.

Niðurstöður mælinga Capacent benda til þess að gæðastjórnun hafi ekki áhrif á helgun starfsmanna. Það má þó greina tengsl á milli þátta úr hugmyndafræði gæðastjórnunar og helgunar starfsmanna sem gætu haft jákvæð áhrif á helgun starfsmanna.

Morgunverður verður í boði Capacent.

Staðsetning:
Capacent
Ármúli 13
108 Reykjavík

Hagvangur og Fyrirtækjaráðgjöf PwC bjóða til þátttökufundar um breytingastjórnun. Farið verður yfir dæmisögu (Case frá Harvard Business School) og farið stuttlega yfir fræðileg líkön John Kotter sem reynst gætu vel við lausn vandans. Ráðgjafarnir Helga Kristín Jóhannsdóttir hjá fyrirtækjaráðgjöf PWC og Sigurjón Þórðarson hjá Hagvangi stýra.

Þátttakendur ræða saman, greina og koma með hugmyndir að lausn.

Boðið verður upp á kaffi og léttan morgunverð.

Stuttlega um verkefnið:
Barbara hefur tekið við starfi forstöðumanns hjúkrunarfræðinga á skurðdeild háskólaspítala. Hún hefur verið vöruð við slæmri stöðu deildarinnar en hefur ákveðið að taka þeirri áskorun að bæta deildina.
Helstu áskoranir Barböru virðast vera:

• Fjárhagslegir erfiðleikar spítalans.
• Mikið vinnuálag.
• Starfsfólki finnst störf þeirra færast sífellt nær pappírsvinnu og fjær hjúkrun.
• Illa staðið að frammistöðumati og starfsþróun.
• Skortur er á samvinnu og hjálpsemi innan deildarinnar.
• Starfsfólki hefur verið mismunað eftir því hvort það er í uppáhaldi eða ekki.
• Starfsfólki finnst það hafa litla stjórn og yfirsýn yfir verkefni sín.

Staðsetning: Skógarhlíð 12, 105 RVK, efsta hæð.
Dagsetning: 12. nóvember 2014
Tími: 8:15-9:45

Árin 2014 og 2015 stendur yfir herferð Evrópsku vinnuverndarstofnunarinnar um andlega og

félagslega áhættur í vinnu, þar sem stofnunin hvetur stjórnendur til að huga að þessum þáttum og

gera bragarbót. Herferðin nefnist á íslensku Góð vinnuvernd vinnur á streitu.

Í skýrslu stofnunarinnar kemur fram að 50-60% tapaðra veikindadaga Evrópubúa megi rekja til streitu

með einum eða öðrum hætti. Þess vegna er brýnt að taka á þeim þáttum í vinuumhverfinu sem

bæta geðheilsu starfsmanna bæði af fjárhagslegum ástæðum og út frá vellíðunarsjónarmiði. Þegar

starfsfólki líður vel í vinnu skilar það betri afköstum og ánægja þeirra eykst.

Hildur Friðriksdóttir mannauðsráðgjafi hjá ProActive - ráðgjöf og fræðslu fjallar um hvað veldur

streitu í vinnuumhverfinu og vinnuskipulaginu og hvernig hægt er að draga úr henni.

Hulda Jóhannsdóttir leikskólastjóri heilsuleikskólans Króks í Grindavík segir frá hvaða

stjórnunaraðferðum hún hefur beitt til þess draga úr streitu og auka samheldni og ánægju

starfsmanna sinna.

Fundurinn verður haldinn í Innovation House, Eiðistorgi 13-15, 170 Seltjarnarnesi. Innovation House er staðsett á 3.hæð á Eiðistorgi, gengið er upp á 2.hæð, gegnt Bókasafninu er gengið upp á 3.hæð.

Lean Value Stream Mapping, BPMN og ferlahugbúnaður

Miðvikudaginn 12. nóvember 2014, frá kl. 8.30 til 10:00.
Efni fundar: Samantekt um BPM hugbúnaðarmarkaðinn - helstu lausnir fyrir ferlaskráningu og ferlastjórnun.

Hvað er nýtt í BPM hugbúnaði; hvað eru fyrirtæki að fást við í Lean, gæðamálum og BPM;
hvernig sjá fyrirtækin þróun á BPM hugbúnaði næstu árin?

iGrafx - Kynning á iGrafx lausninni.

ARIS - Kynning á ARIS lausninni.

Spurningar og umræður í lokin.

Fyrirlesarar:

Björgvin Harri Bjarnason, Verkefnastjóri (MPM), Icelandair

Henrik Naundrup Vester, iGrafx Nordic

Ingólfur Þorsteinsson, Advania (ARIS)

Staðsetning: Eimskip, Korngarðar 2 (Sundaklettur)

Kynning iGrafx fer fram á ensku.

Fyrir hvern er fundarefnið: Starfsmenn og stjórnendur sem vinna við Lean, gæðastjórnun,
verkefnastjóra, auk starfsmanna í þjónustu og áhugafólks um ferla og stjórnun.

Scrum er stjórnunaraðferð sem hefur farið sigurför um heim vöruþróunar í tæknigeiranum síðasta áratug. Á bak við aðferðina eru hins vegar almenn sannindi og hugmyndir úr straumlínustjórnun sem hægt er að nýta í flest allri þróunar- og verkefnavinnu, hvort sem hún er tæknilega flókin eða ekki. Fyrirlesari mun kynna Scrum-aðferðina, útskýra hvaða meginreglur liggja að baki og hvernig hægt er að nýta þessi undirliggjandi lögmál til að auka framleiðni í hvaða vinnu sem er.
Fyrirlesari: Baldur Kristjánsson, ráðgjafi í hugbúnaðarlausnum hjá Advania og Certified Scrum Professional.
Staður: Háskólinn í Reykjavík.
Tími: 13. nóvember, kl. 8.30.
Kveðjur,
Stjórn faghóps um straumlínustjórnun.

Tómas Sigurbjörnsson, Procurement Manager, Marel leiðir okkur í allan sannleikann um vöruflokkastjórnun (Category management).

Sharon De Mascia, höfundur bókarinnar Project Psychology: Using Psychological Tools and Techniques to Create a Successful Project, heldur hádegisfyrirlestur á vegum Meistaranáms í verkefnastjórnun (MPM) við Háskólann í Reykjavík og faghóps Stjórnvísis í verkefnastjórnun.

Sharon er vinnustaðasálfræðingur með yfir 25 ára reynslu af breytingastjórnun og fyrirtækjaráðgjöf. Hún hefur m.a. starfað með Marks & Spencer, Vita Group, Strategic Health Authority og Co-operative Insurance Society í Bretlandi. Sharon er með yfirgripsmikla reynslu úr bresku viðskiptalífi, háskólastarfi og verkefnastjórnun. Hún er með PRINCE2 vottun og er leiðbeinandi í MBA námi við Viðskiptaháskólana í Manchester. Hún kennir hluta af MPM-námskeiði sem ber heitið Project Leadership: Understanding of Self, Growth and Development.

Við bjóðum ykkur hjartanlega velkomin á Nýsköpunarhádegi þriðjudaginn 18. nóvember kl. 12:00-13:00.

Nýsköpunarhádegi eru samstarfsverkefni Klak Innovit og Nýherja og eru haldin reglulega á þriðjudögum í vetur.

Fjöldi nýrra vara og þjónustu er kynntur á markað um allan heim ár hvert. Að baki markaðssetningunni er oft veigamikið ferli rannsókna og þróunar sem miðar að því að greiða fyrir árangri og fótfestu umræddra vara og þjónustu á markaði. Að þessu sinni er umfjöllunarefni Nýsköpunarhádegisins vöruþróun og munu erindin varpa ljósi á vöruþróunarferli á mismunandi stigum, í stórum fyrirtækjum sem og litlum sprotafyrirtækjum. Við höfum fengið þrjá kraftmikla einstaklinga til að deila reynslu sinni, Jón Grétar Guðjónsson ráðgjafi hjá Coremotif, Eyrún Eggertsdóttir framkvæmdastjóri og stofnandi Róró og Egill Egilsson yfirhönnuður í þróunardeild Össurar, stjórnarformaður Hönnunarmiðstöðvar Íslands.

Ingimar Guðjón Bjarnason framkvæmdastjóri Applicon mun opna hádegið og segja okkur frá vöruþróun innan fyrirtækisins.

Við hlökkum til að taka á móti ykkur í Innovation House Reykjavik á Eiðistorgi.

Helga Sigríður Böðvarsdóttir, framkvæmdastjóri fjármálasviðs Íslandspósts segir frá reynslu fyrirtækisins af stjórnunarreikningsskilum og kostnaðarbókhaldi.

Fundurinn verður haldinn í Stórhöfða 29, 110 Reykjavík og eru allir hjartanlega velkomnir.

Hagstofa Íslands byrjaði fyrir tveimur árum að innleiða gæðastjórnun í samræmi við meginreglur í evrópskri hagskýrslugerð (European Statistics Code of Practice) og PDCA (Plan-Do-Check-Act). Eitt þeirra verkfæra sem hagstofum í evrópska hagskýrslusamstarfinu (European Statistical System) er uppálagt að innleiða er líkan um framleiðsluferli hagskýrslugerðar (GSBPM). Það hefur vakið talsverða athygli erlendis hvernig Hagstofa Íslands hefur notað þetta líkan við kortlagningu ferla á stofnuninni.

Við kortlagningu ferla er mikilvægt að skrásetja ferlin eins og þau raunverulega eru, en með notkun almennra (generic) líkana, eins og GSBPM, er hægt að gera þetta með stöðluðum hætti. Slíkt eykur verulega notagildi ferlarita þegar kemur að samanburði og lærdómi (benchmarking).

Fyrirlesari: Reynir Kristjánsson, gæðastjóri hjá Hagstofu Íslands.

Hvernig getur markþjálfun stutt við og greitt fyrir breytingum innan fyrirtækja?

Markþjálfun er sprottin úr mörgum fagsviðum, m.a. ráðgjöf, kennslu/þjálfun, breytingastjórnun og sálfræði. Nýverið hafa rannsóknir á sviði taugavísinda (neruoscience) komið fram með skýringar á því hvers vegna markþjálfun virkar. Hæfni til að stýra breytingarferli og innleiða breytingar með árangursríkum hætti er gulls ígildi í fyrirtækjaumhverfi í dag. Getur markþjálfun aðstoðað eintaklinga og teymi við að tileinka sér breytingar á betri og jákvæðari hátt? Er innri eða ytri markþjálfi hentugri í verkefnið?

Ágústa Sigrún Ágústsdóttir, mannauðsstjóri WOW air og markþjálfi hjá Carpe Diem segir frá verkefni sem hún vann

Hvernig lítur afkvæmið út þegar jákvæð sálfræði og markþjálfun ganga í eina sæng?
Hvað veldur því að þegar innleiða á jákvæða sálfræði er það oftar en ekki gert með markþjálfun?
Þórhildur Sveinsdóttir, iðjuþjálfi og markþjálfi með ACC vottun segir frá reynslu sinni af því að nýta þekkingu á jákvæðri sálfræði í markþjálfun.

Dagsetning: 20. nóvember 2014
Tímasetning: 08:30 - 09:30
Staðsetning: Orkuveita Reykjavíkur, Bæjarhálsi 1.

Stjórnendur verða oft varir við að fjarvistir starfsfólks frá vinnu eru vandamál og skortir oft árangursríkar leiðir til að taka á málum. Viðverustjórnun er góð mannauðsstjórnun og markviss leið til að móta stefnu um viðveru eða fjarvistamál á vinnustöðum samhliða því að auka starfsánægju, heilsu og vellíðan starfsfólks.Svava Jónsdóttir heilsu- og mannauðsráðgjafi hjá þjónustufyrirtækinu ProActive - Ráðgjöf og fræðslu kynnir hugmyndafræði viðverustjórnunar og ávinning af innleiðingu hennar.

Garðabær hefur á undanförnum árum gert tilraunir með markvissa viðverustjórnun í leikskólum bæjarins. Náðst hefur umtalsverður árangur og mun mannauðsstjóri Garðabæjar, Vilhjálmur Kári Haraldsson segja frá reynslu sveitarfélagsins.

Staðsetning:
Ísafold, hjúkrunarheimili og þjónustumiðstöð
Strikinu 3
210 Garðabæ

Farið verður yfir grunnhugmyndir að samræmdum upplýsingum sem skýra hlutverk og árangur opinberra stofnana og verkefna.

Guðrún Ragnarsdóttir, meðeigandi og ráðgjafi hjá Strategíu og Þorvaldur Ingi Jónsson, stjórnandi hjá Sjúkratryggingum Íslands, ræða hugmyndir sínar. Þau hafa bæði langa reynslu sem stjórnendur og ráðgjafar hjá hinu opinbera.

Opin umræða verður um hugmyndirnar. Við leitum að svari við spurningunni: "Hver er eðlileg og nauðsynleg krafa til opinberra aðila um samræmdar upplýsingar um hlutverk og árangur til að hægt sé að meta hversu vel eða illa verið er að nýta opinbert fé út frá lögboðnu hlutverki?"

Meðfylgjandi undir "ítarefni" er skýrsla Þorvaldar um "Samræmt yfirlit um hlutverk og árangur í ríkisrekstri". Á fundinum verður sérstaklega ræddar hugmyndirnar um yfirlitið, sbr. bls. 6-12."

Sameiginlegur fundur faghópa um samfélagsábyrgð fyrirtækja og þjónustu- og markaðsstjórnun þar sem við fáum að heyra þrjú spennandi erindi um markaðsmál og samfélagslega ábyrgð.

Hvers vegna erum við að þessu? - fræði og dæmi. Gunnar Thorberg eigandi Kapals Markaðsráðgjafar, er reynslumikill markaðsráðgjafi og starfar fyrir mörg af stærstu fyrirtækjum og stofnunum á Íslandi á sviði viðskipta, stefnumótunar, uppbyggingu vörumerkja og markaðssetningar. Auk þess sinnir hann kennslu í helstu háskólum landsins með áherslu á viðskipti og markaðssetningu á stafrænum miðlum.

Saga um samfélagslega ábyrgð: Innleiðing, áskoranir og ávinningur. Kristján Gunnarsson - eigandi og ráðgjafi hjá Kosmos & Kaos flytur okkur reynslusögu þeirra. Kosmos & Kaos hefur verið framarlega á sviði vefhönnunar, vefþróunar og stafrænnar markaðssetningar. Fyrirtækið hefur frá upphafi lagt mikla áherslu á samfélagslega ábyrgð og er virkur meðlimur í FESTU, miðstöð um samfélagslega ábyrgð fyrirtækja.

Erum við neytendur vakandi? - Rakel Garðarsdóttir, annar tveggja höfunda bókarinnar Vakandi veröld.
Láta neytendur sig samfélagsábyrgð fyrirtækja varða og þá hvernig? Tengsl markaðssetningar og ábyrgra neyslu- og viðskiptahátta.

MP banki og Tryggingarmiðstöðin bjóða til morgunverðarfundar þar sem fjallað verður m.a. um helstu fjárfestingartækifæri fyrirtækja í dag.

Sigurður Hannesson, framkvæmdastjóri eignastýringar MP banka mun fjalla um fjárfestingarumhverfið í dag og þróun þess en MP banki hlaut fyrr á árinu viðurkenningu breska fjármálatímaritsins World Finance fyrir að vera fremstur í flokki á sviði eignastýringar hér á landi árið 2014.

Haukur Skúlason, sérfræðingur í fjárfestingum og viðskiptaþróun hjá TM mun síðan fjalla um sýn TM á fjárfestingarumhverfinu, fjárfestingar TM og almennt um eignarstýringu félagsins.

Dagsetning: 26. nóvember 2014
Tímasetning: 08:30 - 09:30
Staðsetning: Tryggingamiðstöðin, Síðumúla 24, 108 Reykjavík

Klak Innovit og ÍMARK standa saman að næsta Mannamóti. Í þetta skiptið munu Ásgeir Vísir frá Blendin og Eyrún Eggertsdóttir og Sólveig frá RóRó vera með erindi.

Eyrún stofnandi RóRó og Sólveig markaðsstjóri, munu fjalla um Lulla doll sem er mjúk tuskudúkka úr bómull. Dúkkan er með sérstaka ofnæmisprófaða fyllingu inn í sér og tæki sem að spilar upptöku af andardrætti og hjartslætti. Dúkkan líkir þannig eftir nærveru foreldra.

róró.png

Ásgeir Vísir mun fjalla um ,,growth hacking" hvað það er og hvers vegna það er orðinn mikilvægur hluti af markaðssetningu.

blendin.png

Hvar: Á Kexinu
Hvenær: miðvikudaginn 26. nóvember
Klukkan: 17

ÓKEYPIS AÐGANGUR OG ALLIR VELKOMNIR!

Hér að neðan eru linkarnir á youtube:

https://www.youtube.com/watch?v=BHFO34JdId0&list=UUhaf9yP__DfvTUBy-XEDFRA

https://www.youtube.com/watch?v=dc4nXYS4j1A&index=2&list=UUhaf9yP__DfvTUBy-XEDFRA

Við bjóðum ykkur hjartanlega velkomin á Nýsköpunarhádegi þriðjudaginn 2. desember kl: 12:00 - 13:00

Nýsköpunarhádegi eru samstarfsverkefni Klak Innovit, Stjórnvísi og Nýherja og eru haldin reglulega á þriðjudögum í vetur.

Að þessu sinni mun Jói Sigurðsson, stofnandi CrankWheel fjalla um „Objective and Key Results“ aka OKRs aðferðina sem notuð er við markmiðasetningu og eftirfylgni innan fyrirtækja. Aðferðin á uppruna sinn að rekja til Intel en er einna helst tengd við Google sem hefur notað aðferðina frá upphafsdögum fyrirtækisins, en þar starfaði Jói um margra ára skeið. OKRs var í upphafi hugsuð fyrir stærri tæknifyrirtæki en í dag er fjöldi sprotafyrirtækja og einstaklinga sem nýtir aðferðina og sem dæmi má nefna íslensku fyrirtækin Plain Vanilla, GreenQloud, OZ og Meniga. Miðað er við að setja sér mælanleg viðmið og í framhaldi fylgjast með hvort markmiðum sé raun og veru náð.

Allt um OKRs og hvernig íslensk sprotafyrirtæki og frumkvöðlar geta tileinkað sér hana á Nýsköpunarhádegi Klak Innovit og Nýherja

Finnur Oddsson, forstjóri Nýherja mun opna Hádegið.

Miðvikudaginn 3. desember, kl.08.30-10.00 verður fundur um "Eigið eldvarnaeftirlit fyrirtækja" á vegum faghóps Stjórnvísi um umhverfis- og öryggismál haldinn hjá Mannviti, Urðarhvarfi 6 í Kópavogi.

Anna Jóna Kjartansdóttir sérfræðingur í umhverfis- og öryggismálum hjá Mannviti mun halda fyrirlesturinn.

Anna Jóna mun svara spurningunni afhverju brunavarnir fyrirtækja eru mikilvægar og hver ber ábyrgð. Einnig mun hún fara yfir hvað felst í eigin eldvarnareftirliti, uppsetningu og framkvæmd þess og hvernig fyritæki geta tekið á brunvörunum í áhættumati starfa.

Hringborðsumræður lean stjórnandans verða haldnar í Háskólanum í Reykjavík, fimmtudaginn 4. desember, kl. 8:30 - 10:00.
Þetta er kjörinn vettvangur fyrir sérfræðinga sem starfa með lean aðferðafræðina dagsdaglega til að ræða helstu áskoranir í sínu starfi, skiptast á skoðunum og deila reynslu og nýstárlegum hugmyndum. Umræðuefnið á fundinum verður hvernig við veljum lean verkefni og hver eru fyrstu skref sem þarf að huga að þegar verkefni er valið. Ætlast er til að allir þátttakendur taki virkan þátt í umræðum. Athugið að það er fjöldatakmörkun á þennan viðburð en einungis 20 sæti eru í boði.

Kveðjur,
Stjórn faghóps um straumlínustjórnun.

Hvaða aðferðir, tæki og tól skila árangri. Tekin verður staðan á þekktum aðferðum í stefnumótun og árangursstjórnun og hverju þær eru að skila, kostir og gallar.
.
Einnig verður verkfærakassinn skoðaður og þ.e.a.s. tól og tæki til að greina og skilja þær upplýsingar sem fyrir hendi eru.
.
Að lokum verður komið inn á hvað þarf til til að innleiðing takist vel.
.
Fyrirlesari er Símon Þorleifsson hjá Capacent.

Kæru formenn og stjórnendur faghópa Stjórnvísi.

Þann 4.desember nk. boðum við til fundar fyrir stjórnir faghópa Stjórnvísi. Tilgangur fundarins er að efla stjórnir faghópanna og eiga góða stund saman. Fundurinn hefst kl.17:30 og verður þá farið yfir praktísk atriði: 1. Hvernig stofna ég viðburð? 2. Hvernig er hægt að fylgjast með hverjir eru búnir að bóka sig? 3. Hvað þarf að hafa í huga í upphafi funda? 4. Hvenær á að halda aðalfund í faghópi og skipta um stjórn 5. Hvernig og hvaða námskeið má kynna? 6. Hvernig eru settar inn fréttir? 7. Hvaða siðareglum þarf að fylgja o.fl.
Þetta er ákaflega gagnlegur og skilmerkilegur fundur og eru allir formenn og stjórnendur hvattir til að mæta.
Að loknum fræðslufundi sem verður í 40 mínútur mun Elísabet Einarsdóttir, mannauðsstjóri Ölgerðarinnar opna úr salnum yfir í betri stofuna - Bjórstofuna - og bjóða upp á bjór, léttvín og snittur. Enginn má missa af þessum áhugaverða fundi því Elísabet mun segja okkur frá Ölgerðinni sem var valið þekkingarfyrirtæki ársins 2014 af FVH og tilnefnt sem markaðsfyrirtæki ársins 2014 af ÍMARK.

Hlökkum til að sjá ykkur öll fimmtudaginn 4.desember í Ölgerðinni.
Stjórn Stjórnvísi