Stjórnvísi

                                         Fyrsti fundur Þjónustuhópsins verður í boði Vodafone

Fyrsti fundur vetrarins hjá þjónustuhóp verður að þessu sinni hjá Vodafone og fjallar um gildi; Eru gildi skemmtileg?   Fundurinn verður 17.september frá kl.08:30 - 09:30.  Boðið verður upp á morgunverð frá kl.08:15.  Fyrirlesarar eru Sonja M.Scott, starfsmannastjóri og Hrannar Pétursson, upplýsingafulltrúi Vodafone.  Skráning er hafin á fundinn.                                       

                                         Sameiginlegur fundur stjórna allra faghópa                            

Þann 1.september kl.15:00 - 16:30 mun stjórn Stjórnvísi og forráðamenn allra faghópa Stjórnvísi sem nú eru 16 talsins hittast á sameiginlegum fundi og ræða starfið og stöðuna í faghópunum.  Hóparnir munu kynna hvað er framundan hjá þeim í vetur.  Fundurinn sem er opinn öllum Stjórnvísifélögum verður haldinn í  Ofanleiti 2 og gaman væri að sjá sem flesta.  Munið eftir að skrá ykkur á fundinn . 

_____________________________________________________________________________________________________________

                               Nýr framkvæmdastjóri Stjórnvísi Gunnhildur Arnardóttir

                                                                              

Stjórnvísi sem er stærsta og öflugasta stjórnunarfélag landsins hefur ráðið nýjan framkvæmdastjóra til félagsins, Gunnhildi Arnardóttur, og hefur hún þegar tekið til starfa.  Gunnhildur er MBA frá Háskólanum í Reykjavík og viðskiptafræðingur að mennt.  Auk þess hefur hún numið stjórnmálafræði við Háskóla Íslands.  Gunnhildur hefur verið öflugur félagi í Stjórnvísi undanfarin ár og starfaði sl. ár sem formaður Mannauðshóps félagsins.  Auk þess var hún tilnefnd mannauðsstjóri ársins af Stjórnvísi fyrr á þessu ári.  Gunnhildur hefur áratuga reynslu af stjórnunarstörfum og starfaði síðast sem framkvæmdastjóri starfsmannasviðs Securitas. 

Gunnhildur hefur lengi haft mikinn áhuga á félagsstörfum, er í stjórn Emblna og Advisory Board fyrir MBA-námið í HR.  Mottó hennar í lífinu er að: "skilja alltaf við fólk jákvæðara en hún kom að því.

Það er Stjórnvísi ánægja að tilkynna að nýr faghópur hefur verið stofnaður um "Markþjálfun".  Formaður hópsins er Unnur Valborg Hilmarsdóttir.  Nánari upplýsingar munu birtast á næstu dögum um Markþjálfunarfaghópinn.
 

Við bjóðum nýja stjórnarmenn í faghópa velkomna.

Þjónustustjórnun:  Sólveig Hjaltadóttir, framkvæmdastjóri Réttindasviðs Tryggingastofnunar ríkisins

Þjónustustjórnun: Margrét Tryggvadóttir, þjónustu-og sölustjóri Nova.

Mannauðshópur:  Gylfi Dalmann Aðalsteinsson dósent , umsjónarmaður MS-náms í mannauðsstjórnun HÍ

Mannauðshópur:  Snorri Jónsson, mannauðsstjóri hjá Creditinfo